அனிதா சர்மா
அனிதா சர்மா | |
|---|---|
 சத்ரிய நடன நிகழ்ச்சியில் அனிதா சர்மா | |
| பிறப்பு | 1 மார்ச்சு 1969 திப்ருகார், அஸ்ஸாம், இந்தியா |
| படித்த கல்வி நிறுவனங்கள் | கவுகாத்தி பல்கலைக்கழகம் |
| பணி | சத்ரிய நடனக் கலைஞர், நடன ஆசிரியர் மற்றும் நடன அமைப்பாளர் |
| விருதுகள் | சங்கீத நாடக அகாடமி விருது (2014) |
அனிதா சர்மா (Anita Sharma) இந்தியாவின் அசாம் மாநிலத்தைச் சேர்ந்த சத்ரியா நடனக் கலைஞர் ஆவார். இவர் அசாமிய நாட்டுப்புறப் பண்பாடு மற்றும் சத்ரியா நடன மரபு குறித்து விரிவான ஆய்வுகளை மேற்கொண்டுள்ளார். 2014ஆம் ஆண்டு, சத்ரியா நடனத் துறையில் இவர் ஆற்றிய சிறப்பான பங்களிப்பை பாராட்டி சங்கீத நாடக அகாதெமி விருது வழங்கப்பட்டது. சத்ரியா என்பது அசாமின் வைணவ மடங்களிலிருந்து தோன்றிய இந்தியாவின் செம்மையான பாரம்பரிய நடன வடிவங்களில் ஒன்றாகும்.
வாழ்க்கை வரலாறு
[தொகு]அனிதா சர்மா 1969 மார்ச் 1ஆம் நாள் திப்ருகாரில், அசாம் மாநிலத்தில் பிறந்தார்.[1] சிறுவயதிலிருந்தே இந்தியச் செவ்வியல் நடனங்களில் ஆர்வம் கொண்டிருந்த இவர், ஏழு வயதிலேயே சத்ரியா நடனப் பயிற்சியைத் தொடங்கினார்.[2] முதலில் ரோசேஷ்வர் சைக்கியா பயான் அவர்களிடம் சத்ரியா நடனத்தைப் பயின்றார். பின்னர் ஜதின் கோஸ்வாமி அவர்களிடம் மேம்பட்ட பயிற்சி பெற்றார். அதோடு, ஒடிசி நடனத்தையும் கோரிமா ஹசாரிகா, கேலுசரண் மொஹாபாத்ரா ஆகியோரிடம் கற்றார். இவர் அசாமிய இலக்கியத்தில் முதுகலைப் பட்டம் பெற்றுள்ளார்.[3]
தனிப்பட்ட வாழ்க்கை
[தொகு]அனிதா சர்மாவின் கணவர் சமர் சர்மா ஆவார்.[4] இவர்களுடைய மகள் ஆர்ஹி கௌஷிக்கும் சத்ரியா மற்றும் ஒடிசி நடனக் கலைஞராக விளங்குகிறார்.[5]
தொழில் வாழ்க்கை
[தொகு]அனிதா சர்மா, குவகாத்தி பல்கலைக்கழகத்தில் அசாமிய இலக்கியத்தில் முதுகலைப் பட்டம் பெற்றுள்ளார். சத்ரியா நடன மரபு குறித்து விரிவான ஆய்வுகளை மேற்கொண்ட இவர், தனது ஆய்வுகளின் முடிவுகளை நடன அமைப்புகளிலும் கலை நிகழ்ச்சிகளிலும் பயன்படுத்தியுள்ளார்.[6] இவர் தூர்தர்ஷனின் ‘ஏ’ தரக் கலைஞராகவும், இந்திய பண்பாட்டு உறவுகள் மன்றத்தின் அங்கீகரிக்கப்பட்ட கலைஞராகவும் உள்ளார். மேலும், அனுநாத் என்ற இதழில் நடனக்கலை தொடர்பான பல கட்டுரைகளையும் எழுதியுள்ளார்.[7]
இந்தியாவின் பல முக்கிய செவ்வியல் நடன விழாக்களில் இவர் பங்கேற்றுள்ளார். அவற்றில்: கஜுராஹோ நடன விழா, கோணார்க் நடன விழா, தில்லி அனைத்துலக கலை விழா, இந்திய நடன விழா, பக்யசந்திரா தேசிய செவ்வியல் நடன விழா ஆகியவை குறிப்பிடத்தக்கவை. சங்கீத நாடக அகாதெமியின் சார்பிலும் இந்தியாவின் பல பகுதிகளில் நிகழ்ச்சிகள் நடத்தியுள்ளார். வெளிநாடுகளிலும் இவர் பல நிகழ்ச்சிகளில் பங்கேற்றுள்ளார். அவற்றில்: சிட்னி நடன விழா, எரேசிங் பார்டர்ஸ் மற்றும் டிரைவ் ஈஸ்ட் விழா ஆகியவை குறிப்பிடத்தக்கவை.
அனிதா சர்மா, அபிநயா நடனக் கல்வியகத்தின் நிறுவனர் மற்றும் இயக்குநர் ஆவார். அசாமின் கவுகாத்தியில் அமைந்துள்ள இந்நிறுவனத்தில் சத்ரியா நடனப் பயிற்சி அளிக்கப்படுகிறது. மேலும், ஆண்டுதோறும் பரம்பரா நடன மற்றும் இசை விழா நடத்தப்படுகிறது. இந்த விழாவை 2010ஆம் ஆண்டு அனிதா சர்மாவும் இவரது கணவர் சமர் சர்மாவும் இணைந்து தொடங்கினர்.
ஆய்வுப் பணிகள்
[தொகு]அனிதா சர்மா, சத்ரியா நடனத்தில் அசாமின் பல்வேறு நாட்டுப்புறக் கூறுகள் என்ற தலைப்பில் ஆய்வு மேற்கொள்வதற்காக இந்திய அரசின் மனிதவள மேம்பாட்டு அமைச்சகத்தின் பண்பாட்டுத் துறையால் இரண்டு ஆண்டுகளுக்கான இளநிலை ஆய்வாளர் உதவித்தொகை வழங்கப்பட்டார். மேலும், அசாமின் தனித்துவமான பண்பாட்டு மரபான ஓஜாபாலி குறித்து சத்திரியா கேந்திரத்தின் கீழ் ஆய்வுகளை மேற்கொண்டார். இந்நிறுவனம் சங்கீத நாடக அகாதமியுடன் இணைந்து செயல்படுகிறது.
விருதுகளும் சிறப்புகளும்
[தொகு]2012ஆம் ஆண்டு புவனேஸ்வரில் நடைபெற்ற அனைத்துலக நடன மாநாட்டில் நிருத்ய விதூஷி என்ற பட்டம் வழங்கப்பட்டது.[8] 2013ஆம் ஆண்டு புவனேஸ்வரின் தேவதாசி தேசிய நடன விழா குழுவால் நிறுவப்பட்ட தேவதாசி விருது வழங்கப்பட்டது.[9] 2014ஆம் ஆண்டு சத்ரியா நடனத்திற்கான பங்களிப்பை பாராட்டி சங்கீத நாடக அகாதமி விருது வழங்கப்பட்டது.[10] 2024ஆம் ஆண்டு பங்கஜ் சரண் ஒடிசி ஆய்வு அறக்கட்டளையின் மஹாரி விருது வழங்கப்பட்டது.[11]
மேற்கோள்கள்
[தொகு]- ↑ "Anita Sharma" (PDF). Sangeet Natak Akademi.
- ↑ "Anita Sharma, Artistic Director at Abhinay Society, Guwahati". stories.workmob.com (in அமெரிக்க ஆங்கிலம்). Archived from the original on 21 January 2025. Retrieved 2025-01-21.
- ↑ "Anita Sharma: Leading Sattriya Dance with Distinction". Ashirvachan. 30 June 2024.
- ↑ "8th edition of Parampara Dance and Music Festival - Footloose and fancy free with Dr. Sunil Kothari". narthaki.com. Archived from the original on 2024-05-26. Retrieved 2025-01-21.
- ↑ Ray, Kasturi (2015-12-12). "Divas of Dance Dynasties". The New Indian Express (in ஆங்கிலம்). Retrieved 2025-01-21.
- ↑ "Anita Sharma". 8 February 2018.
- ↑ Michael, Swaran (13 April 2019). "[VoxSpace Life] Sattriya : The Ancient Assamese Dance Form Comes Alive With the Modern Generation". VoxSpace.
- ↑ Service, Express News (2012-06-19). "Exponents of eight classical dance forms to be felicitated". The New Indian Express (in ஆங்கிலம்). Retrieved 2025-01-21.
- ↑ Service, Express News (2013-10-08). "Devadasi Award for Jayaprabha Menon". The New Indian Express (in ஆங்கிலம்). Archived from the original on 2024-12-04. Retrieved 2025-01-21.
- ↑ "'My dance is my worship'" (in en-IN). The Hindu. 2015-07-02. https://www.thehindu.com/features/friday-review/dance/my-dance-is-my-worship/article7379040.ece.
- ↑ "Assam: Satriya dancer Anita Sharma honoured with Mahari Award 2024" (in hi). India Today NE. 13 March 2024. https://www.indiatodayne.in/assam/story/assam-satriya-dancer-anita-sharma-honoured-with-mahari-award-2024-930690-2024-03-13.