அனபைட்டு

அனபைட்டு Anapaite
உக்ரைன் நாட்டில் கிடைத்த அனபைட்டு
பொதுவானாவை
வகை	பாசுபேட்டு கனிமம்
வேதி வாய்பாடு	Ca2Fe2+(PO4)2·4H2O
இனங்காணல்
நிறம்	பச்சை, பசும் வெண்மை முதல் நிறமற்றது வரை
படிக இயல்பு	தட்டையான படிகங்கள், இழைகள், முடிச்சுகள்
படிக அமைப்பு	முச்சாய்வு
பிளப்பு	சரிபிளவு {001}, {010} இல் தனித்துவம்
விகுவுத் தன்மை	நெகிழும்
மோவின் அளவுகோல் வலிமை	3.5
மிளிர்வு	பளபளக்கும்
கீற்றுவண்ணம்	வெண்மை
ஒளிஊடுருவும் தன்மை	ஒளிபுகும்
ஒப்படர்த்தி	2.8
ஒளியியல் பண்புகள்	ஈரச்சு (+)
ஒளிவிலகல் எண்	nα=1.602, nβ=1.613, nγ=1.649
இரட்டை ஒளிவிலகல்	δ = 0.047
பலதிசை வண்ணப்படிகமை	கண்களுக்குத் தெரியாது
2V கோணம்	அளக்கப்பட்டது: 52° to 56°
மேற்கோள்கள்

அனபைட்டு (Anapaite) என்பது Ca₂Fe₂+(PO₄)₂·4H₂O என்ற மூலக்கூற்று வாய்ப்பாட்டால் விவரிக்கப்படும் ஒரு கனிமம் ஆகும். கால்சியம்-இரும்பு பாசுபேட்டு கனிமமான இது பொதுவாக புதைபடிவ வண்டல் பாறைகளில் உள்ள குழிகளில் காணப்படுகிறது. பாசுபேட்டு தாங்கியுள்ள இரும்பு தாதுக்களிலும் அரிதாகவே பெக்மாடைட்டு வகை பாறைகளிலும் காணப்படுகிறது. கோதைட்டு, சிடரைட்டு மற்றும் விவியானைட்டு ஆகிய கனிமங்களுடன் சேர்ந்து காணப்படுகிறது.

பன்னாட்டு கனிமவியல் சங்கம் அனபைட்டு கனிமத்தை Anp என்ற குறியீட்டால் அடையாளப்படுத்துகிறது.

உருசியாவின் தாமன் தீபகற்பத்தில் உள்ள அனபா நகரத்தின் கருங்கடல் கடற்கரைப் பகுதியில் கிடைத்த காரணத்தால் அனபைட்டு எனப் பெயரிடப்பட்டது. குறிப்பிடத்தக்க இடங்களில் கெர்ட்சு (கிரிமியா, உக்ரைன்), பெல்வர் டி செர்டான்யா (லீடா, கேட்டலோனியா, எசுப்பானியா) மற்றும் இத்தாலியின் டசுகனியில் உள்ள வால்டார்னோ ஆகிய பகுதிகளிலும் அனபைட்டு கனிமம் கிடைக்கிறது.