அதர்வசிகா உபநிடதம்
| அதர்வஷிகா உபநிஷத் | |
|---|---|
 சிவன், இக்கட்டுரையில் குறிப்பிடப்படுபவர், இணை பார்வதியுடன் | |
| தேவநாகரி | अथर्वशिखा उपनिषद् |
| சமக்கிருத ஒலிப்பெயர்ப்பு | Atharvaśikhā Upaniṣad |
| உபநிடத வகை | சைவம் |
| தொடர்பான வேதம் | அதர்வண வேதம் |
| அத்தியாயங்கள் | 2 |
| தொடரின் ஒரு பகுதி |
| இந்து புனித நூல்கள் |
|---|
 |
அதர்வசிகா உபநிடதம் (Atharvashikha Upanishad) என்பது சமசுகிருதத்தில் எழுதப்பட்ட இந்து சமயத்தின் சிறிய உபநிடதங்களில் ஒன்றாகும். அதர்வண வேதத்துடன் தொடர்புடைய 31 உபநிடதங்களில் ஒன்றான இது,[1] சைவ உபநிடதமாக வகைப்படுத்தப்பட்டுள்ளது. மேலும் அழிக்கும் கடவுளான சிவனை மையமாகக் கொண்டது. [2] [3]
அதர்வண முனிவர் கூற இந்த உரை இயற்றப்பட்டது, எனவே அவருடைய பெயராலேயெ அவ்வேதம் பெயரிடப்பட்டுள்ளது. இந்த உரை ஓம் என்ற மந்திரத்தை சிவனாகவும் பிரம்மமாகவும் விவாதித்து சமன் செய்கிறது. அதன் மந்திரம் மற்றும் தியானத்தின் பின்னணியில் உள்ள ஆன்மீகத்தை விளக்குகிறது. [4][5] பிரம்மா, விஷ்ணு, உருத்திரன் மற்றும் ஈசுவரனை விட சிவனே உயர்ந்தவர் என்றும் கூறுகிறது.[4]
இந்த உரை அதர்வசிகோபனிஷத் என்றும் அழைக்கப்படுகிறது. மேலும் இது 108 முக்திகா நியதியில் தெலுங்கு மொழித் தொகுப்பில் வரிசை 23-இல் பட்டியலிடப்பட்டுள்ளது. [6]
பெயரிடல்[தொகு]
"அதர்வசிகா" என்ற வார்த்தையின் அர்த்தம் "அதர்வணின் முனை" என்று இந்தியவியலாளர் பால் டியூசன் கூறுகிறார். [4] 'சிகா' என்பது "குறிப்பிட்ட வசனம் அல்லது சூத்திரம்" மற்றும் "தலையில் முடிசூடுதல் அல்லது ஒரு கட்டு" என்றும் பொருள்படும். [7]
காலவரிசை[தொகு]
இந்து சமயத்தில் ஆன்மாவின் அடையாளமாக சிவபெருமானை வலியுறுத்தும் ஐந்து உபநிடதங்களின் குழுவிலிருந்து இந்த உரை உள்ளது என்று டியூசன் கூறுகிறார்.[8] அதர்வசிகா மற்றும் மற்ற நான்கு உபநிடதங்கள் - அதர்வசிரசு உபநிடதம், நீலருத்ரம், காலாக்னிருத்ரம் மற்றும் [[கைவல்ய உபநிடதம்] - பழமையானது. நீலருத்திரம் மிகவும் பழமையானது மற்றும் ஒப்பீட்டளவில் பிற்கால உபநிடதங்களான (இன்னும் கி.மு.) சுவேதாசுவதர உபநிடதம் , முண்டக உபநிடதம், மகாநாராயண உபநிடதம் போன்றவற்றிக்கும் முன்னது.[8] அதர்வசிகா இந்த குழுவில் உள்ள பிற்கால உபநிடதங்களில் ஒன்றாக இருக்கலாம். மேலும் உருத்ரன், ஈசானன் மற்றும் தொடர்புடைய வேத தெய்வங்களிலிருந்து ஒரு சிவனாக மாறிய இந்து மதத்தின் கட்டமாக இருக்கலாம்.[4]
கட்டமைப்பு[தொகு]
அதர்வசிகா உபநிடதம் இரண்டு பிரிவுகளாக வழங்கப்பட்டுள்ளது. பிரிவு 1 ஓம் என்பதன் பொருள் மற்றும் அதன் எழுத்துக்களின் முக்கியத்துவத்தைக் கையாளுகிறது. பிரிவு 2 நான்கு வேதங்களைக் குறிக்கும் ஓம் என்ற வார்த்தையை ஓதுவதன் மூலம் தியானம் செய்வதன் மூலம் பெறப்படும் பலன்களைக் கையாளுகிறது. உரை ஓம் மந்திரம் மற்றும் அதன் பலன்களில் கவனம் செலுத்துகிறது.[9]
இந்த உபநிடதம், அதர்வசிரசு உபநிடதம் போன்ற பிற சைவ உபநிடதங்களிலிருந்து சில உரைகளைப் பின்பற்றி மீண்டும் மீண்டும் சொல்கிறது, அதே நேரத்தில் அது உள்ளடக்கிய சில அம்சங்களை விரிவுபடுத்துகிறது.[4] இருப்பினும், இரண்டு நூல்களுக்கும் இடையே உள்ள வித்தியாசம் என்னவென்றால், அதர்வசிரசு ஒருபோதும் "சிவன்" என்ற வார்த்தையைப் பயன்படுத்துவதில்லை (மாறாக மகேசுவரனைப் பயன்படுத்துகிறது). அதே சமயம் அதர்வசிகா சிவன் என்ற வார்த்தையை மீண்டும் மீண்டும் பயன்படுத்துகிறது.[10]
உள்ளடக்கம்[தொகு]
தியானத்தின் பொருள்[தொகு]
முனிவர்களான பிப்பலாத மகரிசி, அங்கரிசர் மற்றும் சனகாதி முனிவர்கள் போன்றவர்கள் அதர்வண மகரிஷியைச் சந்தித்து, "எந்த தியானம் உயர்ந்தது?", "தியானம் எதைக் கொண்டுள்ளது?, யார் தியானம் செய்ய வேண்டும்", "தியானத்தின் பொருள் என்ன? " [11]<என்றெல்லாம் வினவுவதிலிருந்து தொடங்குகிறது.
ஓம் தான் உயர்ந்தது என்று அதர்வணன் பதிலளிக்கிறார்.[11] இந்த உரையானது ஓம் என்ற மந்திரத்தின் அடிப்படை அர்த்தத்தை விளக்குகிறது. மேலும், பர பிரம்மம், உயர்ந்த பிரம்மம், "இறுதி உண்மை" ஆகியவற்றைக் குறிக்கிறது.[11] ஓம் என்ற எழுத்தில் நான்கு எழுத்துக்கள் உள்ளன அவை நான்கு கடவுள்களையும் நான்கு வேத வேதங்களையும் குறிக்கிறது.[11] இது நான்கு தலைகளைக் கொண்டுள்ளது. அவை புனிதமான நெருப்பைக் குறிக்கின்றன.[12]
சான்றுகள்[தொகு]
- ↑ Prasoon 2008, ப. 82-83.
- ↑ Farquhar 1920, ப. 364.
- ↑ Tinoco 1997, ப. 87.
- ↑ 4.0 4.1 4.2 4.3 4.4 Deussen 1997, ப. 779.
- ↑ Farquhar, John Nicol (1920), An outline of the religious literature of India, H. Milford, Oxford university press, p. 364, ISBN 81-208-2086-X
- ↑ Deussen 1997, ப. 557.
- ↑ Monier Williams Sanskrit English Dictionary with Etymology, Oxford University Press, shikha
- ↑ 8.0 8.1 Deussen 1997, ப. 769 footnote 1.
- ↑ Keith Johnson (1 April 2006). Om for Every Day. Lulu.com. பக். 8–. பன்னாட்டுத் தரப்புத்தக எண்:978-1-4116-8876-6. https://books.google.com/books?id=UF3hmlyJKgEC&pg=PA8.
- ↑ Deussen 1997, ப. 769, 779-782.
- ↑ 11.0 11.1 11.2 11.3 Deussen 1997, ப. 780.
- ↑ Hattangadi 1999.
உசாத்துணை[தொகு]
- Deussen, Paul (1997). Sixty Upanishads of the Veda. Motilal Banarsidass. பன்னாட்டுத் தரப்புத்தக எண்:978-81-208-1467-7. https://books.google.com/books?id=XYepeIGUY0gC&pg=PA779.
- Prasoon, Prof.S.K. (1 January 2008). Indian Scriptures. Pustak Mahal. பன்னாட்டுத் தரப்புத்தக எண்:978-81-223-1007-8. https://books.google.com/books?id=PvmAwVXPKbQC&pg=PT82.
- Hattangadi, Sunder (1999). "अथर्वशिखोपनिषत् (Atharvashikha Upanishad)" (PDF) (in சமஸ்கிருதம்). பார்க்கப்பட்ட நாள் 16 January 2016.
- Tinoco, Carlos Alberto (1997). Upanishads. IBRASA. பன்னாட்டுத் தரப்புத்தக எண்:978-85-348-0040-2. https://books.google.com/books?id=7xoNEM63hZEC&pg=PA87.
வெளி இணைப்புகள்[தொகு]
- Atharvashikha Upanishad பரணிடப்பட்டது 2012-11-22 at the வந்தவழி இயந்திரம் in Sanskrit
| வரலாறு | |
|---|---|
| தெய்வங்கள் | |
| உள்நெறிகள் | |
| நூல்கள் | |
| ஆசான்கள் | |
| மெய்யியல் |
|
| ஏனைப் பெரியோர் | |
| நோன்புகள் | |
| புராணங்கள் | |
| தலங்கள் | |
