அசிட்டிக் ஆக்சாலிக் நீரிலி

அசிட்டிக் ஆக்சாலிக் நீரிலி
இனங்காட்டிகள்
சிஏஎசு எண்	19037-85-5
ChemSpider	25991421
	InChI InChI=1S/C6H6O6/c1-3(7)11-5(9)6(10)12-4(2)8/h1-2H3 ; Key: XRMBFFGBVGXJJF-UHFFFAOYSA-N ;
யேமல் -3D படிமங்கள்	Image
	SMILES CC(OC(C(OC(C)=O)=O)=O)=O;
பண்புகள்
மூலக்கூறு வாய்பாடு	C6H6O6
வாய்ப்பாட்டு எடை	174.11 g·mol−1
	வேறுவிதமாகக் கொடுக்கப்பட்டிருந்தாலன்றி; தரவுகள் பொருள்களின் இயல்பான வெப்ப அழுத்த நிலையில்; (25 °C [77 °F], 100 kPa) கொடுக்கப்பட்டுள்ளன. verify (இது ?) தகவல்பெட்டி மேற்கோள்கள்

அசிட்டிக் ஆக்சாலிக் நீரிலி (Acetic oxalic anhydride) C₆H₆O₆ என்ற வேதியியல் வாய்ப்பாடும் (H3C-(C=O)-O-(C=O)-)2 என்ற கட்டமைப்பு வாய்ப்பாடும் கொண்ட ஒரு வேதிச்சேர்மம் ஆகும். இச்சேர்மம் ஒரு கலப்பு நீரிலி வகையாகப் பார்க்கப்படுகிறது. முன்னர் 2:1 என்ற மூலக்கூற்று விகிதத்தில் அசிட்டிக் அமிலமும் (H3C-(C=O)OH), ஆக்சாலிக் அமிலமும் ((-(C=O)OH)2) சேர்ந்து இரண்டு நீர் மூலக்கூறுகளை இழப்பிற்குப் பின் அசிட்டிக் ஆக்சாலிக் நீரிலி உருவாகிறது.

தயாரிப்பு

அசிட்டிக் ஆக்சாலிக் நீரிலியை மற்ற சில நீரிலிகளைப் போல நேரடியாக அமிலங்களிலில் இருந்து தயாரிக்க முடியாது. 1953 ஆம் ஆண்டு டபிள்யூ. எட்வார்டும் டபிள்யூ.எம். என்லெயும் தொகுப்பு முறையில் இச்சேர்மத்தைத் தயாரித்தனர். இதற்காக −5 ° செல்சியசு வெப்பநிலையில், டை எத்தில் ஈதர் உடன் அசிட்டைல் குளோரைடு சேர்த்து இதனுடன் வெள்ளி ஆக்சலேட்டை வினைபுரியச்செய்தார்கள். பின்னர், குறைவான அழுத்தத்தில் கரைப்பானை காய்ச்சி வடித்து அசிட்டிக் ஆக்சாலிக் நீரிலியை தயாரித்தனர். நீரற்ற ஆக்சாலிக் அமிலத்தை கீட்டினுடன் (H2C=C=O) சேர்த்தும் இதைத் தயாரிக்க முடியும்^[1].

பண்புகள்

அசிட்டிக் ஆக்சாலிக் நீரிலி நிறமற்ற, நிலைப்புத்தன்மையற்ற ஒரு படிகத் திண்மம் ஆகும். டை எத்தில் ஈதரில் கரையும். −3 ° செல்சியசு வெப்பநிலையில் அசிட்டிக் நீரிலி (H3C-(C=O)-)2O , கார்பனீராக்சைடு (CO 2), கார்பனோராக்சைடு (CO) சேர்மங்களாகச் சிதைவடையும். நீருடன் சேர்ந்து அசிட்டிக் அமிலமாகவும், ஆக்சாலிக் அமிலமாகவும் நீராற்பகுப்பு அடைகிறது ^[1]. நீரற்ற ஆக்சாலிக் அமிலத்தை அசிட்டிக் நீரிலியால் சிதைக்கும் போது ஓர் இடைநிலைச் சேர்மமாக அசிட்டிக் ஆக்சாலிக் நீரிலி இருக்கக்கூடுமென்றும் ஊகிக்கப்படுகிறது ^[1].

மேற்கோள்கள்

1 2 3 W. R. Edwards and Walter M. Henley (1953), Acetic Oxalic Anhydride. J. Am. Chem. Soc., volume 75, issue 14, pages 3857-3859. எஆசு:10.1021/ja01110a505

இவற்றையும் காண்க

ஆக்சாலிக் நீரிலி

[edhen-1] 1 2 3 W. R. Edwards and Walter M. Henley (1953), Acetic Oxalic Anhydride. J. Am. Chem. Soc., volume 75, issue 14, pages 3857-3859. எஆசு:10.1021/ja01110a505

[1]