அகோட்டா வெண்கலங்கள்
| அகோட்டா வெண்கலங்கள் | |
|---|---|
 ஏழாம் நூற்றாண்டைச் சேர்ந்த நேமிநாதர் சிலை, பெருநகரக் கலை அருங்காட்சியகம், புது தில்லி | |
  அகோட்டா குசராத்தில் அகோட்டாவின் அமைவிடம்  அகோட்டா அகோட்டா (இந்தியா) | |
| ஆண்டு | 6ஆம் நூற்றான்டு - 12ஆம் நூற்றாண்டு |
| ஆக்கப் பொருள் | வெண்கலம் |
அகோட்டா வெண்கலங்கள் (Akota Bronzes) என்பது இந்திய மாநிலமான குஜராத்த்தின் வடோதரா அருகிலுள்ள அகோட்டா அருகே கண்டுபிடிக்கப்பட்ட கிபி 6 முதல் 12 ஆம் நூற்றாண்டுகளுக்கு இடையிலான 68 சமண உருவங்களின் அரிய மற்றும் முக்கியமான தொகுப்பாகும். குப்தர்கள் காலக் கலையை ஒப்பிடுவதற்கு பரவலாகப் பயன்படுத்தப்படும் அரிய வெண்கலப் பதக்கங்களும் இதில் அடங்கும்.[1][2]
கிபி 5ஆம் நூற்றாண்டில் அகோட்டா (முன்பு அங்கோட்டாக்கா) சைன மதத்தின் முக்கிய மையமாக இருந்தது என்பதற்கான ஆதாரம் பல நூல்களில் குறிப்பிடப்பட்டுள்ளது.[3] குப்தர் காலத்திற்குப் பிந்தைய மற்றும் இடைக்கால காலத்தில் உலோகக் கலை மற்றும் உலோக தொழில்நுட்பத்தின் வளர்ச்சி பற்றிய தகவல்களை இந்த சேகரிப்பு வழங்குகிறது.
இந்த சேகரிப்புகள் ஜூன் 1951க்கு சற்று முன்பு தோண்டியெடுக்கப்பட்டன. பரோடா பல்கலைக்கழகப் பேராசிரியர் உமாகாந்த் பிரேமானந்த் ஷா தலைமையில் ஐந்து தொல்லியல் நிபுணர்கள் இதனை பரிசோதித்தனர். பின்னர், உள்ளூர் மக்களிடம் இருந்த பல சேகரிப்புகளையும் பெற்று மகாராஜா சாயாஜிராவ் பல்கலைக்கழகத்திடம் வழங்கினார். அவை இப்போது பரோடா அருங்காட்சியகத்தில் உள்ளன.
இரண்டு சிலைகளில் மட்டுமே தேதியிடப்பட்டுள்ளன. ஷா மீதமுள்ள சிலைகளை தொல்லியல் அடிப்படையில் 5ஆம் நூற்றாண்டு முதல் 12ஆம் நூற்றாண்டு வரை தேதியிட்டார். இவைகள் சத்ரபதிகளின் ஆட்சிக் காலத்தில் நிறுவப்பட்டவை ஆரிய ரதத்தின் வசதிகாவைச் சேர்ந்தவர்களாக இருக்கலாம். இந்தப் படங்கள் எதுவும் கி.பி. 1100-க்குப் பிறகானவை அல்ல. அலாவுதீன் கில்சியின்தளபதியான அல்ப் கான், குஜராத்தின் மீது படையெடுத்தபோது, அதிலிருந்து பாதுகாப்பதற்காக இவை புதைக்கப்பட்டிருக்கலாம் என இது உணர்த்துகிறது.[4]
முக்கிய உருவங்கள்
[தொகு].jpg)
ஜீவந்தசுவாமியின் இரண்டு திருவுருவங்கள் (அப்போது இளவரசராக இருந்த மகாவீரரின் உருவம்), தொடக்ககால மேற்கு இந்தியக் கலைப் பள்ளியின் பரவலாகக் குறிப்பிடப்படும் எடுத்துக்காட்டுகளாகும். அவற்றுள் ஒன்று, நாகீஸ்வரியால் நிறுவப்பட்ட ஜீவந்தசுவாமி என்று குறிப்பாகப் பொறிக்கப்பட்டுள்ளது; இது குப்தப் பாணியின் ஆரம்பக் கட்டத்தைப் பிரதிபலிக்கிறது.
தீர்த்தங்கரரின் இரண்டு உருவங்கள் (அவற்றில் ஒன்று பார்சுவநாதருடையது) குப்தர் காலத்திற்குப் பிந்தையவை. சாது சர்வதேவரால் நன்கொடையாக வழங்கப்பட்டதாகப் பொறிக்கப்பட்ட ஒரு திருவுருவத்தில், தர்மசக்கரத்தின் இருபுறமும் எட்டு கிரகங்களைக் குறிக்கும் நின்ற கோலத்தில் இருக்கும் எட்டு உருவங்கள் உள்ளன. சிங்கத்தின் மீது அமர்ந்திருக்கும் அம்பிகை மற்றும் நின்ற கோலத்திலான சரசுவதியின் குறிப்பிடத்தக்க உருவங்களும் அதே காலகட்டத்தைச் சேர்ந்தவை.
கவனமாகச் செதுக்கப்பட்ட தாமரை பீடத்தின் மீது, ஒரு சாமர தாரிணி (சௌரி சுமப்பவர்) திரிபங்க கோலத்தில் நிற்கிறார். இது 11 மற்றும் 12 ஆம் நூற்றாண்டுகளுக்கு இடைப்பட்ட சோலாங்கியர் காலத்தில் இருந்த ஒரு மேற்கு இந்தியப் பள்ளியைப் பிரதிபலிக்கிறது.
யக்சன் மற்றும் யக்சினியுடன் ரிசபநாதரின் உருவமும் அகோட்டாவில் காணப்பட்டது.[5]
முக்கியத்துவம்
[தொகு]அகோட்டா வெண்கல சிலைகள் குறிப்பிடத்தக்க கலை மற்றும் வரலாற்று முக்கியத்துவம் வாய்ந்தவை.
- சாதாரண சமணர்களால் "சாது" (சாகு அல்லது சாக்) என்ற பட்டத்தின் ஆரம்பகால பயன்பாட்டை கல்வெட்டுகள் உறுதிப்படுத்துகின்றன.
- மரத்தால் உருவாக்கப்பட்ட புகழ்பெற்ற மர ஜீவந்தசுவாமி சிலையின் பாரம்பரியம், கி.பி. 550-ஆம் ஆண்டைச் சேர்ந்த, குறிப்பாக ஜீவந்தசுவாமி என்று பொறிக்கப்பட்ட ஒரு சிலையால் உறுதிப்படுத்தப்படுகிறது.[6] இது முதல் ஆடை அணிந்த சமண உருவமாக கருதப்படுகிறது .[7] கிபி கி.பி. 5-ஆம் நூற்றாண்டில் ஜைன மதத்தில் ஒரு முக்கிய நபராக இருந்த தேவர்தி அல்லது வசனாச்சாரிய தேவர்திகானி க்ஷமாஷ்ரமணன் தலைமையில் நடைபெற்ற வழிகாட்டுதலின் கீழ் இரண்டாவது வாலபி மாநாடுக்குப் பிறகு இது நிறுவப்பட்டது.
அருங்காட்சியகங்கள்
[தொகு]அகோட்டா வெண்கலப் பொருட்களில் பெரும்பாலானவை பரோடா அருங்காட்சியகம் மற்றும் பட தொகுப்புக்கூடத்தில் உள்ளன. புதுதில்லியில் உள்ள தேசிய அருங்காட்சியகம், ஐக்கிய அமெரிக்காவில் உள்ள பெருநகரக் கலை அருங்காட்சியகம் மற்றும் ஹொனலுலு கலைச் சேகரிப்பு மையம் ஆகியவற்றில் பாதுகாப்பாக வைக்கப்பட்டுள்ளன.
இதனையும் காண்க
[தொகு]மேற்கோள்கள்
[தொகு]- ↑ Pereira 1977, ப. 12.
- ↑ Guy 2012.
- ↑ Akota Bronzes, Bombay State Board for Historical Records and Ancient Monuments, Archaeological Series. no. 1. Umakant Premanand SHAH, 1959
- ↑ Akota Bronzes, Bombay State Board for Historical Records and Ancient Monuments, Archaeological Series. no. 1. Umakant Premanand SHAH, 1959
- ↑ Vyas 1995, ப. 20.
- ↑ Studies in Jaina Art, Umakant Premanand Shah, Jaina Cultural Research Society, 1955, p. 4, 28
- ↑ Vyas 1995, ப. 17.
நூல் ஆதாரங்கள்
[தொகு]- Pereira, José (1977), Monolithic Jinas: The Iconography of the Jain Temples of Ellora, மோதிலால் பனர்சிதாசு, ISBN 9780842610278
- Guy, John (January 2012). "Jain Sculpture". பெருநகரக் கலை அருங்காட்சியகம். In Heilbrunn Timeline of Art History. New York.
- Vyas, Dr. R. T., ed. (1995), Studies in Jaina Art and Iconography and Allied Subjects, The Director, Oriental Institute, on behalf of the Registrar, M.S. University of Baroda, Vadodara, ISBN 81-7017-316-7