மெல்பேர்ண் சிவா விஷ்ணு கோயில்
சிவா விஷ்ணு கோயில் அவுஸ்திரேலியாவின் மெல்பேர்ண் மாநகரத்திலிருந்து சுமார் 55கிமீ தென்கிழக்காக அமைந்துள்ள கரம் டௌன்ஸ் (Carrum Downs) என்னும் இடத்தில் அமைந்துள்ளது.
வரலாறு[தொகு]
1982 ஆம் ஆண்டில் உருவான இந்து சங்கத்தின் பல ஆண்டு முயற்சியின் பயனாக இக் கோயில் உருவாகியது. 1994 ஆம் ஆண்டு மே மாதம் கும்பாபிஷேகம் நடைபெற்றது.
அமைப்பு[தொகு]
Port Phillip Bay, Patterson River ஆகியவற்றைச் சூழ்ந்துள்ள அழகான தடாகங்களுக்கு அருகில் இது அமைந்துள்ளது. சிவனையும் விஷ்ணுவையும் முறையே வழிபடும் சைவம், வைஷ்ணவம் ஆகிய இரு வழிபாட்டு முறைகளையும் ஒன்றுபடுத்தும் ஒரு முயற்சியாக உருவாகியதே இக்கோயில். இது இந்து சமய மரபுகளும் அவுஸ்திரேலிய கட்டிட நடைமுறைகளும் கலந்த முறையில் அமைக்கப்பட்டுள்ளது.
தினசரி பூசைகள்[தொகு]
இக்கோயிலில் தினசரி காலை 7.30 மணிக்கு உஷத் காலப் பூசையும், 8.30 மணிக்கு காலை சந்திப் பூசையும், 11.00 மணிக்கு உச்சிக் காலப் புசையும், மாலை 5.30 மணிக்கு சாயரட்சைப் பூசையும் 7.00 மணிக்கு மாலைப் பூசையும் 8.30 மணிக்கு அர்த்த சாமப் பூசையும் நடைபெற்று வருகின்றன.
வெளி இணைப்புக்கள்[தொகு]
மெல்பேர்ண் சிவா விஷ்ணு கோயில் இணையத்தளம் பரணிடப்பட்டது 2006-04-09 at the வந்தவழி இயந்திரம்