தெனோம்

தெனோம் நகரம்
தெனோம் நகரம்
	Tenom Town
	சபா
	தெனோம் நகர மையம்.
	; தெனோம் மாவட்டம்
	தெனோம் நகரம்
	ஆள்கூறுகள்: 5°08′00″N 115°57′00″E / 5.13333°N 115.95000°E
நாடு	மலேசியா
மாநிலம்	சபா
பிரிவு	உட்பகுதி
மாவட்டம்	தெனோம்
நகரம்	தெனோம்
மக்கள்தொகை (2010)
• மொத்தம்	5,148
நேர வலயம்	மலேசிய நேரம்
மலேசிய அஞ்சல் குறியீடு	899XX
மலேசியத் தொலைபேசி எண்	087XXXXXX
இணையதளம்	www.sabah.gov.my/pd.tnm/

தெனோம் (மலாய்: Pekan Tenom; ஆங்கிலம்: Tenom Town; சீனம்: 天南 மலேசியா, சபா மாநிலம், உட்பகுதி பிரிவு, தெனோம் மாவட்டத்தின் தலைநகரம் ஆகும்.^[1]

சபா மாநிலத்தின் தலைநகரமான கோத்தா கினபாலுவில் இருந்து 176 கி.மீ. தொலைவிலும்; சபாவில் மிகவும் பிரபலமான சுற்றுலா தளமான லோங் பாசியாவில் (Long Pasia) இருந்து வடக்கே 123 கி.மீ. தொலைவிலும்; மலேசியாவின் தலைநகரான கோலாலம்பூரில் இருந்து 1791 கி.மீ. தொலைவிலும் உள்ளது.

பொது[தொகு]

தெனோம் நகருக்கு இந்தோனேசியாவின் வடக்கு கலிமந்தான் (North Kalimantan); சபாவின் கெனிங்காவ் (Keningau), சிபித்தாங் (Sipitang), பியூபோர்ட் (Beaufort) மாவட்டங்கள் எல்லைகளாக உள்ளன. தெனோம் மக்களில் பெரும்பான்மையினர் மூருட் (Murut); கடசான்-டூசுன் (Kadazandusun) மற்றும் லுண்டாயே (Lundayeh) மக்கள் ஆவர்.

தெனோம் நகரின் சுற்றுப்புறப் பகுதியில் உள்ள வளமான நிலம் அந்த நகரத்தை முதன்மையாக விவசாயப் பகுதியாக மாற்றியுள்ளது. இப்பகுதியின் முக்கிய வேளாண்மை ரப்பர் ஆகும். அடுத்த நிலையில் சோயா மொச்சை, சோளம், காய்கறிகள், கோகோ மற்றும் காபி ஆகியவை முக்கியப் பங்கு அளிக்கின்றன.^[2]

காளிமாறன் திருவிழா[தொகு]

அங்குள்ள மூருட் (Murut) பழங்குடி மக்கள் ஆண்டுதோறும் காளிமாறன் திருவிழாவை (Kalimaran) தெனோம் நகரில் கொண்டாடுகிறார்கள். தெனோம் நகரம் அதன் காபிக்கு பிரபலமானது. ரப்பர் தொழிலுக்கு அடுத்தபடியாக தெனோமின் பொருளாதாரத்தில் காபி தொழில் இரண்டாவது பெரிய பங்களிப்பாக உள்ளது.

கோத்தா கினபாலுவில் இருந்து தெனோம் செல்வதற்கு சபா மாநில தொடருந்து சேவையை (Sabah State Railway) பயன்படுத்தலாம்.

வரலாறு[தொகு]

தெனோம் நகரம், முன்னர் காலத்தில் போர்ட் பர்ச் (Fort Birch) என்று அழைக்கப்பட்டது. பிரித்தானிய வடக்கு போர்னியோ நிறுவனத்தின் (British North Borneo Company) ஆளுநர் எர்னசுடு உட்போர்ட் பர்ச் (North Borneo Governor Ernest Woodford Birch) என்பவரின் பெயர் அந்த நகருக்கு வைக்கப்பட்டது.

1904-ஆம் ஆண்டில் தெனோம் தொடருந்து நிலையத்தில் (Tenom Railway Station) இருந்து; பியூபோர்ட் தொடருந்து நிலையம் (Beaufort Railway Station), மெலாலாப் (Beaufort Railway Station) தொடருந்து நிலையம்; ஆகிய நிலயங்களுக்கு வடக்கு போர்னியோ தொடருந்து பாதை (North Borneo Railway Line) கட்டி முடிந்ததைத் தொடர்ந்து, போர்ட் பர்ச் என்பது "தெனோம்" என மறுபெயரிடப்பட்டது.

சாப்போங் காபி தோட்டம்[தொகு]

தெனோம் மாவட்டம் பிரித்தானிய வடக்கு போர்னியோ நிறுவனத்தால் 1900-ஆம் ஆண்டுகளில் நிறுவப்பட்டது. அதன் முதல் மாவட்ட அதிகாரியாக எம்.சி.எம். வீடன் (M.C.M. Weedon) என்பவர் நியமிக்கப்பட்டார்.

பின்னர் பிரித்தானியர்களால் சாப்போங் தோட்டம் (Sapong Estate) மற்றும் மெலாலாப் தோட்டம் (Melalap Estate) திறக்கப் பட்டதும் தெனோம் நகரமும் வளர்ச்சி காணத் தொடங்கியது. இரண்டு தோட்டங்களும் காபி தோட்டங்கள் ஆகும்.

தெனோம் மாவட்டத்தின் மக்கள் தொகையியல்[தொகு]

தெனோம் மாவட்டத்தின் மக்கள் தொகையில் (52%) மூருட் (Murut) பழங்குடி மக்கள் மிக அதிகமாக வாழ்கின்றனர். அதே வேளையில் கடசான்-டூசுன் (Kadazandusun) பழங்குடி மக்கள் (12%); லுன் டாயே (Lundayeh) பழங்குடி மக்கள் (5%); மலாய்க்காரர்கள் (8%); மற்றும் இந்தோனேசியர்கள், பிலிப்பினோக்காரர்களும் சிறுபான்மையினராக உள்ளனர்.^[3]

சீனா, குவாங்டொங் (Guangdong) மாநிலத்தில் உள்ள லாங்சுவான் (Longchuan) பகுதியில் இருந்து இங்கு குடியேறிய சீனர்களின் வழித்தோன்றல்களின் வழியாக ஏறக்குறைய 5,000 சீனர்கள் உள்ளனர். பெரும்பாலும் இவர்கள் ’ஹக்கா’ (Hakka) இனக் குழுவைச் சேர்ந்தவர்கள்.