க. கமலாம்மா

க. கமலாம்மா
பிறப்பு	1930 பெரும்புழா, குந்தாரா, கேரளா, இந்தியா
இறப்பு	2012
பணி	எழுத்தாளர், ஆசிரியர்

க. கமலாம்மா, (G. Kamalamma 1930–2012) என்பவர் பள்ளி ஆசிரியர் மற்றும் எழுத்தாளர் ஆவார். இவர் பெரும்பாலும் மொழி மற்றும் இலக்கியம், சமூக-கலாச்சார பாடங்கள் மற்றும் சுயசரிதை ஆகிய துறைகளில் 30க்கும் மேற்பட்ட நூல்களை எழுதியுள்ளார். இவை அனைத்தும் மலையாள மொழியில் எழுதப்பட்டவை. இவர் சாகித்ய அகாதமி மற்றும் கேரளாவின் சாகித்ய அகாதமி ஆகிய இரு விருதுகளையும் வென்றுள்ளார்.

பிறப்பு மற்றும் ஆரம்ப வாழ்க்கை

கமலாம்மா 1930இல் கேரள மாநிலம் கொல்லத்தில் உள்ள பெரும்புழா கிராமத்தில் பிறந்தார். இவரது தந்தை சாகித்யா-ஷிரோமணி எம்.கே.கோவிந்தன் (1901 - 1968) ஒரு சமஸ்கிருத அறிஞர், பேராசிரியர் மற்றும் எழுத்தாளர் ஆவார். இவரது தாயார் பெரினாட்டைச் சேர்ந்த கவிலா பெருமாள் கோவிந்தனின் மகள் கவுரிக்குட்டி ஆவார்.

தொழில் வாழ்க்கை

இளங்கலைப் பட்டம் பெற்ற பிறகு கமலாம்மா தனது தொழில் வாழ்க்கையை கேரள அரசின் மேம்பாட்டுத் துறையில் சமூக கல்வி அமைப்பாளராகத் தொடங்கினார், அங்கு இவர் முதல் பத்து ஆண்டுகள் பணியாற்றினார். இதைத் தொடர்ந்து, 1987 ஆம் ஆண்டில் தனது கல்வித் தொழிலில் இருந்து ஓய்வு பெறுவதற்கு முன்பு இருபத்தி நான்கு ஆண்டுகள் ஆசிரியராக பணிபுரிந்தார்.

மலையாள மொழி மற்றும் இலக்கியம், மேற்கத்திய இலக்கியங்களை மலையாள மொழியில் மொழிபெயர்ப்பது, சிறுவர் இலக்கியம் மற்றும் வாழ்க்கை வரலாற்று விவரக்குறிப்பு ஆகியன இவரது படைப்புகளின் மையக்கருத்தாகும்.

சுயசரிதை

• கஸ்தூரிபாய் காந்தி - (மகாத்மா காந்தியின் மனைவி கஸ்தூர்பா காந்தியின் வாழ்க்கை குறித்த சுயவிவரம்) (மலையாளத்திலும் ஆங்கிலத்திலும்) (பல பதிப்புகள்)
• சரோஜினி நாயுடு - (சரோஜினி நாயுடுவின் வாழ்க்கைக் குறிப்பு )
• ஸ்ரீ நாராயண குரு ஜீவிதமும் தர்சானவும்- ( ஸ்ரீ நாராயண குருவின் வாழ்க்கை)
• என்.கோபாலா பிள்ளை - (திருவனந்தபுரம், சமஸ்கிருத அறிஞர், அரசு சமஸ்கிருதக் கல்லூரியின் முன்னாள் முதல்வர் என்.கோபாலா பிள்ளையின் வாழ்க்கை வரலாற்று விவரம்) கலாச்சார விவகாரத் துறை, கேரள அரசு

மொழிபெயர்ப்பு

• வல்லதோள் சாகித்ய பிரவேசிகா - மறர் சாகித்ய பிரக்‌ஷம்