குந்தன் சிங் குஷ்
| தாக்கூர் குந்தன் பால் சிங் குஷ் | |
|---|---|
| பிறப்பு | 1881 முசாபர்நகர், உத்தரப் பிரதேசம், இந்தியா |
| இறப்பு | 1967 லூடோக்கா, பிஜி |
| கல்வி | ஆசிரியர் பயிற்சி மற்றும் வேத அறிஞர் |
| பணி | ஆசிரியர், மிஷனரி |
| வாழ்க்கைத் துணை | சிவா பாய் |
| பிள்ளைகள் | உஷா, உமா, நரேந்திரன் |
தாக்கூர் குந்தன் பால் சிங் குஷ் (Thakur Kundan Pal Singh Kush ) (1881-1967)இவர் ஒரு ஆர்ய சமாஜத்தைப் பரப்புவரும் மற்றும் ஆசிரியராக இருந்தார். 1928 இல் இந்தியாவின் உத்தரப்பிரதேசத்தின் முசாபர்நகரில் இருந்து இவர் பிஜி திவுக்கு வந்தார். இவர் முதலில் நவுசோரியில் உள்ள தர்மசாலா பள்ளியில் கற்பித்தார். பின்னர் இவர் 1929இல் உனிமோனோ ஆர்ய சமாஜப் பள்ளியை நிறுவி அதன் தலைமை ஆசிரியரானார். 1939 ஆம் ஆண்டில் லூடோகாவுக்கு அருகிலுள்ள குருகுல தொடக்கப்பள்ளி, லூடோக்காவின் சவேனியில் உள்ள ஆர்ய சமாஜப் பெண்கள் பள்ளி, 1940 முதல் 1945 வரை சுவாவில் உள்ள சுவாமி சாரதானந்தா நினைவுப் பள்ளி, ராவில் உள்ள உனிகவிகலோவா ஆர்ய சமாஜப் பள்ளி உள்ளிட்ட பல ஆர்ய சமாஜப் பள்ளி மற்றும் சுவாவிற்கு அருகிலுள்ள வீசாரி தொடக்கப்பள்ளி போன்ற பள்ளிகளில் கற்பித்தார் . [1]
ஆர்ய சமாஜம் உருவாகி 100 ஆவது ஆண்டு நிறைவைக் கொண்டாடும் ஆர்ய சமாஜ நூற்றாண்டு வெளியீடு, குஷின் திறன்களைப் பற்றி பின்வரும் அறிக்கையை வெளியிட்டது:
தாக்கூர் குந்தன் குஷ் 1928இல் ஆசிரியராக பிஜித் தீவுக்கு வந்தார். ஆர்ய சமாஜத்தில் முனைப்புடன் பணியாற்றினார். அவர் விவாதங்களை நடத்தி, சொற்பொழிவு செய்தார். அவரது தர்க்கமும் வாதங்களை முன்வைக்கும் முறையும் உண்மையில் மிகவும் அற்புதமானவை மற்றும் கருத்துக்கு தகுதியானவை. [2]
எவ்வாறாயினும், பிஜி அரசாங்கம் இவரது நடவடிக்கைகள் குறித்து மிகவும் கவலை கொண்டது. அது பள்ளி குழந்தைகளுக்கு கற்பிப்பதற்கான இவரது உடற்தகுதி குறித்து பலமுறை விசாரித்தது. இவரை ஒரு பள்ளியின் கட்டுப்பாட்டிலிருந்து நீக்கியது. இவரது கற்பித்தல் உரிமத்தை தற்காலிகமாக இடைநிறுத்தியது. மேலும் இவரது அஞ்சலை தணிக்கை செய்தது. குறிப்பாக இவர் இறக்குமதி செய்தத ஆர்ய சமாஜ இலக்கியம். [3]
மதம் மற்றும் மத தொழிற்சங்க முயற்சிகளுக்குப் பின்னால் குஷ் பிரதான சக்தியாக இருந்தார். 1930 சூன் 29 அன்று நவுசோரியில் நடந்த இந்து மகா சபையின் கூட்டத்தில், குஷ் தலைவராகத் தேர்ந்தெடுக்கப்பட்டார். கூட்டத்தில் நிறைவேற்றப்பட்ட தீர்மானங்கள் இந்துக்கள் தங்களை ஒழுங்கமைக்கவும், உணவு தொடர்பான இந்து தர்மத்தின் போதனைகளை பின்பற்றவும், போட்டி செய்தித்தாளை ( விருத்தி ) புறக்கணிக்கவும் கேட்டுக்கொண்டன. தனது மத முயற்சிகளின் ஒரு பகுதியாக, குஷ் தனிமைப்படுத்தப்பட்ட முஸ்லிம்களிடையே வீடு வீடாகச் சென்றார். மேலும் இவர் மற்றவர்களுடன் காவல்துறையினரால் பிரச்சனையாளர்களாக முத்திரை குத்தப்பட்டார். [4]
1930களில், சுவாவில் உள்ள சமபுலா இந்தியப் பள்ளியின் ஆசிரியராக இருந்த குஷ் பதவி நீக்கம் செய்யப்பட்டார். பள்ளி குழுவில் ஆரிய சமாஜ செல்வாக்கை முஸ்லிம் மற்றும் கிறிஸ்தவ பெற்றோர்கள் ஆட்சேபித்தபோது, அரசாங்கம் அதன் நிர்வாகத்தை ஏற்றுக்கொண்டது.
குஷ் ஆர்ய சமாஜத்தின் கொள்கைகளைப் பின்பற்றி விதவைகளின் திருமணத்தை ஆதரித்தார். இவரே ஒரு விதவையான சிவா பாயை மணந்தார். மேலும் உஷா, உமா மற்றும் நரேந்திரன் என்ற மூன்று குழந்தைகளைப் பெற்றார். 1967ஆம் ஆண்டில் லவுடோகாவில் இறக்கும் வரை இவர் சுவாவில் தனது மதப் பணிகளைத் தொடர்ந்தார்.
மேலும் காண்க[தொகு]
- பிஜியில் ஆர்யா சமாஜ்
- பிஜியின் ஆர்யா பிரதினிதி சபா
- இந்து மகா சபா
குறிப்புகள்[தொகு]
- ↑ Arya Samaj Fiji Centenary Volume (1904 - 2004). Suva, Fiji: Arya Pratinidhi Sabha of Fiji. 2004. பக். 55.
- ↑ Vedalankar, Nardev; Manohar Somera (1975). Arya Samaj and Indians abroad. New Delhi, India: Sarvadeshik Arya Pratinidhi Sabha. பக். 125.
- ↑ Kelly, John (1991). A politics of virtue : Hinduism, sexuality, and countercolonial discourse in Fiji. Chicago: University of Chicago Press. பக். 137. பன்னாட்டுத் தரப்புத்தக எண்:0-226-43030-8. https://archive.org/details/politicsofvirtue00john/page/137.
- ↑ Kelly, John (1991). A politics of virtue : Hinduism, sexuality, and countercolonial discourse in Fiji. Chicago: University of Chicago Press. பன்னாட்டுத் தரப்புத்தக எண்:0-226-43030-8. https://archive.org/details/politicsofvirtue00john/page/199.