துக்கிராலா கோபாலகிருட்டிணய்யா

கட்டற்ற கலைக்களஞ்சியமான விக்கிப்பீடியாவில் இருந்து.

துக்கிராலா கோபாலகிருட்டிணய்யா (Duggirala Gopalakrishnayya) (பிறப்பு:1889 ஜூன் 2- இறபபு: 1928 சூன் 10 ) இவர் இந்திய சுதந்திர போராட்ட வீரராகவும் இந்திய மாநிலமான ஆந்திராவைச் சேர்ந்த இந்திய தேசிய காங்கிரசின் உறுப்பினராகவும் இருந்தார். ஆந்திர ரத்னா என்ற பட்டத்தால் அறியப்பட்ட கோபாலகிருட்டிணய்யா அகில இந்திய காங்கிரசின் செயலாளராக பதவி வகித்த முதல் ஆந்திர தலைவர் ஆவார்.[1]

ஆரம்பகால வாழ்க்கை மற்றும் கல்வி[தொகு]

கோபாலகிருட்டிணய்யா 1889 இல் கிருட்டிணா மாவட்டத்தின் நந்திகிராமம் வட்டத்தில் பெனுகஞ்சிப்ரோலு என்ற ஊரில் ஒரு பிராமண குடும்பத்தில் பிறந்தார். [2] இவரது தந்தை கோதண்டராமசாமி பள்ளி ஆசிரியராக இருந்தார். இவர் குண்டூரைச் சேர்ந்த நில உரிமையாளர்களின் குடும்பத்திலிருந்து வந்தவர். இவரது தாயார் சீத்தம்மா, ஒரே குழந்தையான இவரைப் பெற்றெடுத்தவுடன் இறந்துபோனார். பின்னர், கோபால்கிருட்டிணய்யாவின் தந்தை மறுமணம் செய்து கொண்டார். ஆனால் அவரும் இளம் வயதிலேயே இறந்து போனார். இவர் தனது மாமா மற்றும் பாட்டியுடன் வளர்ந்தார். [3][4] [[பாபட்லா|] நகராட்சி உயர்நிலைப் பள்ளியில் இருந்து பள்ளிப் படிப்பை முடித்த இவர், மெட்ரிகுலேஷன் முடித்த பின்னர் பாபட்லா வட்ட அலுவலகத்தில் ஒரு வருடம் பணியாற்றினார்.[1] 1911 ஆம் ஆண்டில் இவர் தனது சிறு வயது நண்பர் சிறீ நாடிம்பள்ளி நரசிம்ம ராவ் (குண்டூரின் பாரிஸ்டர்) என்பவருடன் எடின்பரோ பல்கலைக்கழகத்திற்குச் சென்றார். அங்கு இவர் ஆறு ஆண்டுகள் படித்து பொருளாதாரத்தில் முதுகலை பட்டம் பெற்றார். [5]

சுதந்திர போராட்ட வீரர்[தொகு]

கோபாலகிருட்டிணய்யா 1917 இல் குண்டூருக்குத் திரும்பி வந்து, ராஜமன்றியில் ஆசிரியர் அரசு கல்லூரியிலும், மச்சிலிப்பட்டணத்தில் உள்ள தேசியக் கல்லூரியிலும் பணியாற்றினார். இவர் அன்னி பெசண்டின் ஹோம் ரூல் இயக்கத்திலும் ஈடுபட்டார். 1919 ஆம் ஆண்டில் இவர் தனது கற்பித்தல் வாழ்க்கையை ஒரு முழுநேர அரசியல் ஆர்வலராக மாற்றிக் கொண்டார். [3] 1920 ல் நடந்த இந்திய தேசிய காங்கிரசின் கல்கத்தா அமர்வில் கலந்து கொண்ட இவர், காங்கிரசு கொண்டு வந்த ஒத்துழையாமை இயக்கத்தில் ஈடுபட்டார். [6]

இராம தண்டு[தொகு]

கோபாலகிருட்டிணய்யா இந்து தெய்வமான இராமரின் பக்தர் ஆவார். இவர் சுயராச்சியத்தின் நோக்கத்திற்காக இராம தண்டு (இராமரின் இராணுவம் என்று அழைக்கப்படும்) ஒரு தொழிலாளர்கள் குழுவை ஏற்பாடு செய்தார். 1921 ஆம் ஆண்டில் காங்கிரசு தனது வருடாந்திர அமர்வை விசயவாடாவில் நடத்தியது. அங்கு அதை ஒழுங்கமைப்பதில் இராம தண்டு முக்கிய பங்கு வகித்தது. தண்டுவின் உறுப்பினர்கள் குங்குமப்பூ ஆடைகளை அணிந்து உருத்ராட்ச மணிகள் மற்றும் வெர்மிலியன் எனப்படும் சிவப்பு வண்ணப்பூச்சினை அணிந்தனர். அவர்கள் கூட்டத்தில் அதிக எண்ணிக்கையில் பங்கேற்றனர். அமர்வின் தலைவரான முகமது அலி அதை இந்திய செஞ்சிலுவைச் சங்கம் என்று அழைக்கும் அளவுக்கு ஈர்க்கப்பட்டனர். [6] [7] [8]

சிராலா வரி எதிர்ப்பு போராட்டம்[தொகு]

ஒத்துழையாமை இயக்கத்தின்போது சிராலாவில் இவர் வழிநடத்திய வரி எதிர்ப்பு சத்தியாக்கிரகத்திற்கு கோபாலகிருட்டிணய்யா மிகவும் பிரபலமானவர். குண்டூர் மாவட்டத்தில் உள்ள சிராலா மற்றும் பேராலா கிராமங்களை நகராட்சியாக இணைக்க சென்னை மாகாணத்தின் காலனித்துவ அரசாங்கத்தின் முடிவில் சத்தியாக்கிரகம் வேர்களைக் கொண்டிருந்தது. கிராமங்கள் ஆண்டுக்கு ரூ. 4000 வருவாய் வரியைக் கொடுத்தாலும், நகராட்சி பகுதியாக அவை மறுவகைப்படுத்தப்படுவதால் அரசாங்கத்திற்கு ஆண்டுக்கு, ரூ 40,000 வருவாய் கிடைக்கும். இந்த நடவடிக்கை குடியிருப்பாளர்களால் எதிர்க்கப்பட்டது. ஏனெனில் அது அவர்களுக்கு அதிக வரிச்சுமையை விதிக்கும். எவ்வாறாயினும், அரசாங்கம் தனது முடிவை முன்னெடுத்தது. நகராட்சி மன்றம் உறுப்பினர்கள் பெருமளவில் இராஜினாமா செய்ய தூண்டியது. 1921 சனவரியில் குடியிருப்பாளர்கள் வரிகளை செலுத்த வேண்டாம் என்று முடிவு செய்தனர். இதனால் அரசாங்கம் பல ஆர்ப்பாட்டக்காரர்களை கைது செய்து, வழக்குத் தொடுத்து, சிறைத்தண்டனை விதித்து தண்டித்தது. [6] [9]

விசயவாடா காங்கிரசு அமர்வைத் தொடர்ந்து, மகாத்மா காந்தி சிராலாவுக்கு வருகை புரிந்தார். அங்கு கோபாலகிருட்டிணய்யா எதிர்கால நடவடிக்கை குறித்து காந்தியின் ஆலோசனையை நாடினார். ஒரு வன்முறையற்ற போராட்டத்தைத் தொடரவும், நகராட்சி பகுதியில் வசிக்கும் மக்கள் நகர எல்லைக்கு அப்பாற்பட்ட பகுதிகளுக்கு செல்லவும் காந்தி அறிவுறுத்தினார். . காந்தியின் ஆலோசனையை ஏற்று, கோபாலகிருட்டிணய்யா, ஏப்ரல் 1921 இல், சிராலா நகரவாசிகள் ஊரை விட்டு வெளியேறவும், நகர எல்லைக்கு அப்பால் தற்காலிக குடியிருப்புகளை அமைக்கவும் வழிவகுத்தார். நகரத்தின் மொத்த மக்கள்தொகையில் 15,000 பேரில் கிட்டத்தட்ட 13,000 பேர் இவரது அழைப்புக்கு பதிலளித்து இராமநகர் என்ற புதிய குடியேற்றத்திற்கு மாறினர். அங்கு இவர் அனைத்து சாதியினரையும் உள்ளடக்கிய ஒரு சட்டமன்றத்தையும் நடுவர் நீதிமன்றத்தையும் அமைத்தார். கோபாலகிருட்டிணய்யாவும், இராம தண்டுவும் மக்களின் மன உறுதியைக் காக்க பாடுபட்டனர். இந்த நிறுவனம் பதினொரு மாத காலத்திற்கு தொடர்ந்தது. இறுதியில் குறைந்து வரும் நிதி ,திரிச்சிராப்பள்ளையில் கோபாலகிருட்டிணய்யாவை கைது செய்து சிறையில் அடைத்தல் மற்றும் கோபாலகிருட்டிணய்யா இல்லாத நிலையில் போராட்டத்தைத் தொடர தலைவர்கள் இல்லாதது ஆகியவை இராமநகரத்தை முடுக்கிவிட வழிவகுத்தன. [6] [8] [10]

குடும்பம்[தொகு]

கோபாலகிருட்டிணய்யா 1903 இல் 14 வயதான துர்கா பவானி அம்மா என்பவரை மணந்தார். [11]

மரணம் மற்றும் நினைவு[தொகு]

கோபாலகிருட்டிணய்யா 1926 ஆம் ஆண்டில் நாட்பட்ட காசநோயால் பாதிக்கப்பட்டு, தனது கடைசி நாட்களில் பெரும்பகுதியை வறுமை மற்றும் துன்பத்தில் கழித்தார். இவர் 1928 சூன் 10 இல் தனது 39 வயதில் இறந்தார். [2] [12] இவர் ஆந்திர ரத்னா (அல்லது ஆந்திராவின் நகை) என்ற தலைப்பில் அறியப்படுகிறார். [5]

விசயவாடாவில் உள்ள காங்கிரசு கட்சியின் தலைமையகத்திற்கு, ஆந்திர ரத்னா பவன் என்று கோபாலகிருஷ்ணய்யாவின் பெயரிடப்பட்டது. [13] [14] சலபதி ராவ் மற்றும் கே.குத்தம்பசாஸ்திரி எழுதிய இவரது வாழ்க்கை வரலாறுகள் உள்ளன. [15] [16] காமராசரால் திறக்கப்பட்ட இவரது வெண்கல சிலை சிராலாவில் நிற்கிறது. [5]

குறிப்புகள்[தொகு]

  1. ↑ 1.0 1.1 "'Duggirala Gopalakrishna a true Gandhian'". 3 June 2010 இம் மூலத்தில் இருந்து 6 ஜூன் 2010 அன்று. பரணிடப்பட்டது.. https://web.archive.org/web/20100606173816/http://www.hindu.com/2010/06/03/stories/2010060363190500.htm. 
  2. ↑ 2.0 2.1 "PLACES AND PEOPLE ASSOCIATED WITH FREEDOM MOVEMENT AND FREEDOM FIGHTERS" (PDF). பார்க்கப்பட்ட நாள் 30 July 2013.
  3. ↑ 3.0 3.1 Stoddart, Brian (2011). A People's Collector in the British Raj: Arthur Galletti. New Delhi: Readworthy Publications. பக். 155–156. பன்னாட்டுத் தரப்புத்தக எண்:9789350180419. https://books.google.com/?id=iG77KRNojqwC&pg=PA156&lpg=PA156&dq=duggirala+gopalakrishnayya#v=onepage&q=duggirala%20gopalakrishnayya&f=false. 
  4. ↑ Sree Gopalakrishnayya. https://books.google.com/?id=CwK2AAAAIAAJ&dq=Duggirala+Gopalakrishnayya&q=married#search_anchor. 
  5. ↑ 5.0 5.1 5.2 The Great Indian Patriots, Volume 1. https://books.google.com/?id=eTrs9MF9374C&pg=PA128&lpg=PA128&dq=duggirala+gopalakrishnayya#v=onepage&q=duggirala%20gopalakrishnayya&f=false. 
  6. ↑ 6.0 6.1 6.2 6.3 Bhatt, S C (2006). Land and People of Indian States and Union Territories: Andhra Pradesh (Volume 2). New Delhi: Kalpaz Publication. பக். 37–38. பன்னாட்டுத் தரப்புத்தக எண்:9788178353586. https://books.google.com/?id=i4pvVOd2L0cC&pg=PA37&dq=duggirala+gopalakrishnayya#v=onepage&q=gopalakrishnayya&f=false. 
  7. ↑ Rao, E. Nageswara (2002). Abburi Ramakrishna Rau. New Delhi: Sahitya Akademi. பக். 14–15. பன்னாட்டுத் தரப்புத்தக எண்:9788126010707. https://books.google.com/?id=FZTOPE3rrCcC&pg=PA56&lpg=PA56&dq=duggirala+gopalakrishnayya#v=onepage&q=duggirala%20gopalakrishnayya&f=false. 
  8. ↑ 8.0 8.1 "Andhra Pradesh: Modern Period - Freedom Struggle". Archived from the original on 26 September 2011. பார்க்கப்பட்ட நாள் 30 July 2013.
  9. ↑ "Chirala - Prakasam, Andhra Pradesh". http://travel.financialexpress.com/sections/management/636-chirala-prakasam-andhra-pradesh. 
  10. ↑ "FREEDOM MOVEMENT IN ANDHRA PRADESH". Press Information Bureau, Government of India. பார்க்கப்பட்ட நாள் 30 July 2013.
  11. ↑ Rao, I. V. Chalapati (1988). Duggirala Gopala Krishnaiah. International Telugu Centre, Telugu University. பக். 6. https://books.google.com/?id=x6hAAAAAMAAJ&dq=Duggirala+Gopalakrishnayya&q=durga+bhavani+amma#search_anchor. 
  12. ↑ Sree Gopalakrishnayya. https://books.google.com/?id=CwK2AAAAIAAJ&dq=Duggirala+Gopalakrishnayya&q=married#search_anchor. 
  13. ↑ Salt Satyagraha in the Coastal Andhra. https://books.google.com/books?id=5dqRvDui1-4C&pg=PA92&lpg=PA92&dq=andhra+ratna&source=bl&ots=y0HF2fEWpw&sig=YjbQORL5yAxR8L5KmtEwT066HDc&hl=en&sa=X&ei=h_P3Ud-eGsTwrQfsnoGQDA&ved=0CC8Q6AEwATgU#v=onepage&q=andhra%20ratna&f=false. 
  14. ↑ "Of political parties and their offices". The Hindu. 11 December 2012. http://www.thehindu.com/news/cities/Vijayawada/of-political-parties-and-their-offices/article4187606.ece. பார்த்த நாள்: 30 July 2013. 
  15. ↑ Duggirala Gopala Krishnaiah. https://books.google.com/books/about/Duggirala_Gopala_Krishnaiah.html?id=-xkaAAAAIAAJ&redir_esc=y. பார்த்த நாள்: 30 July 2013. 
  16. ↑ Andhraratna : Duggirala Gopalakrsna katha, Short biography of Duggirala Gopalakrishnayya, 1889-1928, a revolutionary from Andhra Pradesh. https://books.google.com/books/about/Andhraratna_Duggirala_Gopalakrsna_katha.html?id=P44JAQAAIAAJ&redir_esc=y. பார்த்த நாள்: 30 July 2013. 
"https://ta.wikipedia.org/w/index.php?title=துக்கிராலா_கோபாலகிருட்டிணய்யா&oldid=3786164" இலிருந்து மீள்விக்கப்பட்டது