விமலா மேனன்

கட்டற்ற கலைக்களஞ்சியமான விக்கிப்பீடியாவில் இருந்து.
விமலா மேனன்
பிறப்பு7 சனவரி 1943 (அகவை 81)
இரிஞ்ஞாலகுடா
படித்த இடங்கள்
பணிநடனக் கலைஞர்
இணையம்http://kalamanadalamvimalamenon.a4add.com

விமலா மேனன் (Vimala Menon) ( மலையாளம்: വിമല മേനോൻ ), கலாமண்டலம் விமலா மேனன் என்று பிரபலமாக அறியப்படும் இவர் ஒரு இந்திய நடன ஆசிரியரும், கேரளாவைச் சேர்ந்த மோகினியாட்டத்தில் நிபுணருமாவார். மேலும் இவர் திருவனந்தபுரத்தில் கேரள நாட்டிய அகாதமியின் நிறுவனராகவும், அதன் இயக்குனராகவும் உள்ளார். விமலா சுமார் 5000 மாணவர்களுக்கு கற்பித்திருக்கிறார். இன்னும் 50 ஆண்டுகளாக தனது வெற்றிகரமான கற்பித்தல் வாழ்க்கையைத் தொடர்கிறார். விமலா மோகினியாட்டத்தின் வடிவங்கள் மற்றும் பாணிகள் குறித்து பல புதுமையான யோசனைகளை முன்வைத்துள்ளார். 1200 நடனக் கலைஞர்களைக் கொண்ட மோகினியாட்டத்தின் நிகழ்ச்சியைப் பயிற்றுவித்ததற்காக விமலா தனது பெயரை கின்னஸ் புத்தகத்தில் பதிவு செய்துள்ளார். விமலா மேலும் பல விருதுகளையும் பெற்றுள்ளார். 1991 இல் கேரளா சங்கீதா நாடக அகாதமி விருது மற்றும் இந்திய பாரம்பரிய நடனத்தில் இவரது பங்களிப்புக்காக 2006 இல் கேந்திர சங்கீத நாடக அகாடமி விருது வழங்கப்பட்டது. [1]

ஆரம்பகால வாழ்க்கை மற்றும் கல்வி[தொகு]

திரிச்சூர் மாவட்டம், இரிஞ்ஞாலகுடாவில் உள்ள ஒரு கிராமத்தில் விமலா ஒரு வசதியான குடும்பத்தில் பிறந்தார். கட்டிடப்பொறியியலாளர் எஸ். கே. கிருஷ்ணன் நாயர் மற்றும் விசாலட்சி அம்மா ஆகியோருக்கு பிறந்த ஏழு குழந்தைகளில் இவர் இரண்டாவது குழந்தையாவார். [2] விமலா தனது ஆரம்ப நடனப் பாடங்களை திருப்பூணித்துறை விஜய பானுவிடம் கற்றுக்கொண்டார். எம். ஆர். மதுசுதனன் நாயரின் கீழ் கர்நாடக இசையிலும் தனது பயிற்சியைப் பெற்றார். பள்ளி கல்வியை முடித்த பின்னர், 1960 இல் நடனத்தில் நான்கு ஆண்டு சான்றிதழ் படிப்புக்காக கேரள கலாமண்டலத்தில் சேர்ந்தார். [3] கலாமண்டலத்தில், பழையனூர் சின்னம்மு அம்மா மற்றும் கலாமண்டலம் சத்தியபாமா ஆகியோரின் கீழ் மோகினியாட்டத்தில் பயிற்சி பெற்றார். அவர் தஞ்சாவூர் பாஸ்கர இராவின் கீழ் பாரத நாட்டியமும் படித்தார்.

சொந்த வாழ்க்கை[தொகு]

நெய்வேலி பழுப்பு நிலக்கரி நிறுவனத்தின் ஜவகர் பள்ளியில் நடன ஆசிரியராக பணிபுரிந்தபோது, விஸ்வநாத மேனனை மணந்தார். 1966இல் நடந்த திருமணத்திற்குப் பிறகு, பூட்டான் அரசாங்கத்தில் அதிகாரியாக இருந்த தனது கணவருடன் இவர் பூட்டானில் வசித்தார். இவருக்கு வினோத் என்ற ஒரு மகனும் மற்றும் விந்துஜா மேனன் என்ற ஒரு மகளும் இருக்கின்றனர். இவர்கள் இருவரும் பவித்ரம், என்ஜான் கந்தர்வன் போன்ற பல மலையாளப் படங்களில் நடித்துள்ளனர். [4]

பூட்டானில் தங்கியிருந்தபோது, விமலா பூட்டான் அரசுப் பள்ளியில் நடனம் கற்றுக் கொடுத்தார். மேலும், பல இடங்களில் தென்னிந்திய பாரம்பரிய நடனத்தையும் நிகழ்த்தினார். [5]

விருதுகள் மற்றும் கௌரவங்கள்[தொகு]

விமலா மேனன் தனது நீண்ட தொழில் வாழ்க்கையில், 1991 இல் கேரள சங்கீத நாடக அகாடமி விருது மற்றும் 2006 இல் கேந்திர சங்கீத நாடக அகாடமி விருது உட்பட பல விருதுகளையும் கௌரவங்களையும் வென்றுள்ளார். [1] 1972 இல் பரத நாட்டியத்திற்கான அனைத்து கேரள சமூக சேவை சங்க விருதையும் பெற்றுள்ளார். 2004 ஆம் ஆண்டில் இந்திய அரசின் கலாச்சாரத் துறையால் " மோகினியாட்டத்தில் ராமநாட்டம்" என்ற இவரது ஆராய்ச்சி பணிகளுக்காக மூத்த சக ஊழியர் விருதை வென்றார். [6] தென்னிந்திய பாரம்பரிய நடனங்களில் பங்களித்ததற்காக விமலாவிற்கு கேரளா கலாமண்டலம் நடனத்திற்கான கேரள கலாமண்டலம் விருதை வழங்கியது. [7]

குறிப்புகள்[தொகு]

  1. 1.0 1.1 "Sangeet Natak Akademi awards". தி இந்து. 2 February 2007 இம் மூலத்தில் இருந்து 3 பிப்ரவரி 2007 அன்று. பரணிடப்பட்டது.. https://web.archive.org/web/20070203113632/http://www.hindu.com/fr/2007/02/02/stories/2007020201910500.htm. பார்த்த நாள்: 11 February 2012. 
  2. "'My students are my wealth'". The Hindu. 24 June 2011 இம் மூலத்தில் இருந்து 28 ஜூன் 2011 அன்று. பரணிடப்பட்டது.. https://web.archive.org/web/20110628023443/http://www.thehindu.com/arts/dance/article2131700.ece. பார்த்த நாள்: 11 February 2012. 
  3. "Ammathanal". Mathrubhumi. 1 December 2011. 
  4. "Ammathanal" (in Malayalam). Mathrubhumi. 1 December 2011. 
  5. "Ammathanal" (in Malayalam). Mathrubhumi. 1 December 2011. 
  6. "Ammathanal". Mathrubhumi. 1 December 2011. 
  7. "Kerala Kalamandalam awards announced". The Hindu. 20 October 2005 இம் மூலத்தில் இருந்து 3 செப்டம்பர் 2006 அன்று. பரணிடப்பட்டது.. https://web.archive.org/web/20060903230937/http://www.hindu.com/2005/10/20/stories/2005102012370500.htm. பார்த்த நாள்: 12 February 2012. 

வெளி இணைப்புகள்[தொகு]

"https://ta.wikipedia.org/w/index.php?title=விமலா_மேனன்&oldid=3778888" இலிருந்து மீள்விக்கப்பட்டது