சுராபாயா உயிரியல் பூங்கா
சுராபாயா உயிரியல் பூங்கா ( Surabaya Zoo) என்பது இந்தோனேஷியாவின் கிழக்கு ஜாவாவில் உள்ள சுராபாயா நகரில் அமைந்துள்ளது. இது, 15 ஹெக்டேர் (37 ஏக்கர்) பரப்பளவு கொண்ட மிருகக்காட்சிசாலையாகும்.
வரலாறு[தொகு]
விலங்குகளை சேகரிக்கும் பொழுதுபோக்கைக் கொண்டிருந்த பத்திரிகையாளர் எச்.எஃப்.கே.கோமரின் தகுதி அடிப்படையில் 1916 ஆகஸ்ட் 31 ஆம் தேதி நெதர்லாந்து கிழக்கிந்திய தீவுகளின் ஆளுநர் ஜெனரலின் ஆணையால் சுராபாயா மிருகக்காட்சி சாலை நிறுவப்பட்டது.[1]
1916 ஆம் ஆண்டில், முதல் சுராபாயா உயிரியல் பூங்கா கலியோண்டோவில் நிறுவப்பட்டது. செப்டம்பர் 28, 1917 அன்று, மிருகக்காட்சிசாலை குரோடோ சாலைக்கு மாற்றப்பட்டது. ஏப்ரல் 1918 இல், சுராபாயா உயிரியல் பூங்காவில் நுழைய அனுமதி சீட்டுகளை விற்றது.[1]
1920 முதல் 1939 வரை[தொகு]
1920 ஆம் ஆண்டில், இந்த மிருகக்காட்சிசாலையானது டார்மோ பகுதியில் உள்ள மற்றொரு புதிய இடத்திற்கு மாற்றப்பட்டது. இந்த நிலமானது, 30,500 மீ சதுர அளவைக் கொண்ட ஒரு நிலப்பரப்பாகும். மேலும், இது, ஓஸ்ட்-ஜாவா ஸ்டூம்ட்ராம் மாட்சாப்பிஜ் என்கிற கிழக்கு ஜாவாவின் நீராவி டிராம்வே நிறுவனத்திற்கு சொந்தமானது. 21 ஜூலை 1922 இல், மிருகக்காட்சிசாலை அதன் முதல் நிதி நெருக்கடியை சந்தித்தது. மிருகக்காட்சிசாலையை நிறுவுவதற்கான திட்டம் இருந்தது, ஆனால் அந்த முடிவை அந்த நேரத்தில் சுராபாயா நகராட்சி ஏற்றுக்கொள்ளவில்லை. மே 11, 1923 அன்று, மிருகக்காட்சிசாலையில் ஒரு புதிய சங்கத்தை நிறுவ முடிவு செய்யப்பட்டது. மிருகக்காட்சிசாலையின் ஆரம்ப நிறுவனர்களில் ஒருவரான ஜே.பி. மூய்மானுக்கு பதிலாக டபிள்யூ.ஏ ஹோம்பஸ் தேர்வு செய்யப்பட்டார். 1927 ஆம் ஆண்டில், மிருகக்காட்சிசாலையின் நிதி உதவியை சுராபாயா மேயர் டிஜ்கர்மேன் உதவினார். சுராபயாவின் மக்கள் பிரதிநிதித்துவ கவுன்சிலின் உதவியுடன், 1927 ஜூலை 3 ஆம் தேதி, கிழக்கு ஜாவாவின் நீராவி டிராம்வே நிறுவனத்திற்குச் சொந்தமான ஒரு நிலத்திலிருந்து 32,000 மீ 2 அளவைக் கொண்ட சுராபாயா மிருகக்காட்சிசாலையில் ஒரு புதிய நிலம் வாங்கப்பட்டது.[1]
1939 முதல் இப்போது வரை, இந்த உயிரியல் பூங்காவின் அளவு 15 ஹெக்டேராக விரிவடைந்துள்ளது.[1]
1987க்கு பிறகு[தொகு]
1987 இல், ஆகஸ்ட் மாதம் முதல் நவம்பர் மாதம் வரையில் சுராபாயா மிருகக்காட்சிசாலையில் இனப்பெருக்கம் செய்யும் இடம் புதுப்பிக்கப்பட்டது. பாலி தீவின் மேற்கு பகுதியில் மட்டுமே காணப்படும் 16 ஆபத்தான பாலி மைனாக்களுடன் (ஸ்டார்லிங்) 29 பறவைகள் இந்த வசதியைக் கொண்டிருந்தன. நவம்பர் 1987 இல், அமெரிக்காவிலுள்ள மிருகக்காட்சிசாலைகள் மற்றும் தனியார் வசூல் மற்றும் ஜெர்சி வனவிலங்கு பாதுகாப்பு அறக்கட்டளை ஆகியவற்றால் நன்கொடை அளிக்கப்பட்ட 37 பறவைகள் கூடுதலாக இப் பூங்காவில் சேர்க்கப்பட்டதால் இந்த உயிரியல் பூங்காவிலுள்ள விலங்குகளின் எண்ணிக்கை அதிகரித்தது. இந்த மிருகக்காட்சிசாலையில் பாலி ஸ்டார்லிங்கின் இனப்பெருக்க திட்டத்தின் வெற்றி, ஜூன் 2011 இல் மேற்கு பாலி தேசிய பூங்காவில் 40 பாலி மைனாக்களை காட்டுக்குள் விடுவிக்க அனுமதித்தது.[2]
சர்ச்சை[தொகு]
ஜகார்த்தா விலங்கு உதவி நெட்வொர்க் (JAAN) போன்ற செயற்பாட்டுக் குழுக்களிடமிருந்தும், மிருகக்காட்சிசாலையின் இடைக்கால நிர்வாகியிடமிருந்தும் விலங்குகளுக்கு சிகிச்சையளிப்பது குறித்து சுராபாயா மிருகக்காட்சிசாலையில் புகார்கள் வந்துள்ளன.[3] 2010 இல் இப் பூங்காவின் நிலைமை ஒரு கட்டத்தை எட்டியது, அங்குள்ள 'ஜகார்த்தா போஸ்ட்' என்கிற பத்திரிகையில்,இந்த நிலைமையை 'மரணத்தின் வாயிலில் சுராபாயா உயிரியல் பூங்கா' என்று விவரித்தது.[4] ஆகஸ்ட், 2010 அன்று வனவியல் அமைச்சகம் ஒரு அரிய வகை புலி உட்பட பல விலங்குகளின் இறப்பினால், பின்வரும் சுரபாய மிருகக்காட்சிசாலையின் விலங்குகளின் உரிமத்தை ரத்து செய்தது. சுமத்திரா புலி, ஆப்பிரிக்க சிங்கம், வாலாபி, கொமோடோ டிராகன், மான் பன்றி, பவன் மான், மற்றும் முதலை போன்றவை ஆகும் .[5][6] மேலும், இடைக்கால நிர்வாகம், உள்ளூர் காவல்துறை மற்றும் கிழக்கு ஜாவா இயற்கை வள பாதுகாப்பு நிறுவனம் (பி.கே.எஸ்.டி.ஏ) ஆகியோரிடம் விசாரணை நடத்துமாறு கேட்டுக் கொண்டது, இதில் பெரும்பாலான விலங்குகளின் இறப்புக்கு, விலங்குகளை சரியாக பராமரிக்காமல் அலட்சியமாக வைத்திருப்பவர்கள் தான் காரணம் என்று கண்டறியப்பட்டது.[7] பின்னர், தற்காலிக மேலாண்மை குழு மிருகக்காட்சிசாலையில் இருந்து 378 விலங்குகளை 6 பாதுகாப்பு அமைப்புகளுக்கு மாற்றியது.[8] இருப்பினும், பல விலங்குகள் மோசமான நிலையில் இருந்தன, இறுதியில் அவை இறந்தன. விலங்குகள் மீது மேற்கொள்ளப்பட்ட பிரேத பரிசோதனையில் விலங்குகளுக்குள் பிளாஸ்டிக் மற்றும் மரம் இருப்பது கண்டுபிடிக்கப்பட்டது.[9] மிருகக்காட்சிசாலையில் இருந்து மீட்கப்படுவதற்கு முன்னர் ஒரு புலி தீவிர செரிமானக் கோளாறுகளால் அவதிப்படுவதைக் கண்டுபிடித்தபோது, உலகில் எஞ்சியிருக்கும் சில நூறு சுமத்ரான் புலிகளில் ஒன்றான மெலனியின் (புலி) மரணம் விலங்குகளின் ஆர்வலர்களை ஆத்திரப்படுத்தியது.[10]
மிருகக்காட்சிசாலையில் 197 இனங்களைச் சேர்ந்த 3,459 விலங்குகளின் தொகுப்பு இருப்பதாக 28 ஜனவரி 2014 அன்று சுராபாயா மிருகக்காட்சிசாலையின் அதிகாரம் அறிவித்தது, ஆனால், அவற்றில் 81 விலங்குகள் நோய்வாய்ப்பட்டவை, ஊனமுற்றவை மற்றும் வயதானவை, அவற்றில் 44 விலங்குகள் மோசமான நிலையில் உள்ளன.[11][12]
விலங்குகளை தொடர்ந்து தவறாக நடத்துவதால் சுராபாயா மிருகக்காட்சிசாலையை மூட வேண்டும் என்று அழைக்கும் ஆன்லைன் மனு, 2016 இன் பிற்பகுதியில் மூடப்படுவதற்கு முன்பு 885,000 கையெழுத்துக்களை எட்டியது.
கொமோடோ டிராகன் கண்காட்சி[தொகு]
மார்ச் 2018 நிலவரப்படி, சுராபாயா மிருகக்காட்சிசாலையில் 76 கொமோடோ டிராகன்கள் இருந்தன. அவற்றில் 13 டிராகன்கள் வயதில் சிறியவையாக உள்ளது. சில மாதங்களுக்கு முன்பு ஒரு டஜன் முட்டைகள் இட்ட பிறகு இதன் எண்ணிக்கை அதிகமாக எதிர்பார்க்கப்படுகிறது. அதிக மக்கள்தொகையை சமாளிக்க, கென்ஜரன் கடலோரப் பகுதியில் ஒரு டிராகன் பூங்காவைக் கட்ட சுராபாயா ஆணையம் திட்டமிட்டுள்ளது, இது டிராகன்களை காட்டுக்குள் விடுவிக்கும் முயற்சியைக் காட்டிலும் குறைவான செலவை அளிக்கும் பணியாக கருதப்படுகிறது.[13]
குறிப்புகள்[தொகு]
- ↑ 1.0 1.1 1.2 1.3 "Kebun Binatang Surabaya". Surabaya.go.id (in Indonesian). Surabaya City Government. Archived from the original on 25 மே 2014. பார்க்கப்பட்ட நாள் 24 May 2014.
{{cite web}}: CS1 maint: unrecognized language (link) - ↑ Warta (18 June 2011). "Surabaya zoo releases 40 endangered birds into Bali national park". waspada.co.id. Waspada Online. பார்க்கப்பட்ட நாள் 24 September 2011.
- ↑ "Zoo official issues dire warning about the treatment of animals at Indonesia's Surabaya Zoo". Los Angeles Times. 18 August 2010.
- ↑ "More Animals in Critical Condition at Surabaya's Alleged Zoo of Death". Jakarta Post. 19 August 2010. Archived from the original on 29 September 2012.
- ↑ "Gibbon Latest Victim as Surabaya Zoo Death Toll Continues to Climb". Bataviase. 25 September 2010.[தொடர்பிழந்த இணைப்பு]
- ↑ "Govt sets up team to temporarily manage Surabaya zoo". Waspada Online. 21 August 2010.
- ↑ "Zoo Suspects Missing Komodo Dragons Either Eaten or Stolen". Jakarta Post. 23 March 2011. Archived from the original on 30 January 2013.
- ↑ David Priya Sidharta (18 January 2014). "KBS Sends 387 Animals to 6 Conservation Organizations".
- ↑ David Priya Sidharta (21 January 2014). "Sebagian Satwa Limpahan Kebun Binatang Surabaya Mati". Archived from the original on 28 நவம்பர் 2019. பார்க்கப்பட்ட நாள் 28 நவம்பர் 2019.
- ↑ "Tiger Melani, rescued from Indonesian 'death zoo' in Surabaya, dies". ABC News. 2 September 2014.
- ↑ Zainal Effendi (28 January 2014). "Ada 84 Satwa KBS yang Tua dan Cacat".
- ↑ Tejo, Amir. "Two Animals Dead in a Day at Surabaya Zoo". Jakarta Globe.
- ↑ "Surabaya to Build Komodo Dragon Park". April 11, 2015.