மேசான் மாகாணம்
மேசான் கவர்னரேட் அல்லது மேசான் மாகாணம் ( Maysan Governorate, அரபு மொழி: ميسان, romanized: Maysān ) என்பது ஈராக்கின் ஒரு எல்லைப்புற மாகாணமாகும். இந்த மாகாணமானது ஈராக்கின் தென்கிழக்கில் ஈரான் எல்லையில் அமைந்துள்ளது. இதன் தலைநகராக அமரா நகரம் உள்ளது. 1976 க்கு முன்பு இது அமரா மாகாணம் என்று அழைக்கப்பட்டது.
இந்த மாகாணமானது ஈராக்கின் தென்கிழக்கு எல்லைப் பகுதியில் அமைந்துள்ளது. இந்த மாகாணத்தின் மேற்கில் வாசிட் மாகாணம் மற்றும் தி கார் மாகாணம் ஆகியவையும், தெற்கில் பாஸ்ரா மாகாணமும் உள்ளன. மாகாணத்தின் கிழக்குப் பக்கமாக சர்வதேச எல்லையான ஈரான் நாட்டின் எல்லைக் கோட்டுப் பகுதி உள்ளது.
சொற்பிறப்பு[தொகு]
இந்த பிராந்தியத்தை பண்டைய கிரேக்கர்கள் ( இசுட்ராபோ ) மெசேன் Μεσσήνη என்று அழைத்தனர். சிரியாக் மொழியில் மேசஹான் என்றும், மத்திய பாரசீக மொழியில் மாசான் என்றும், பார்த்தியன் மொழியில் (𐭌𐭉𐭔𐭍 myšn) என்றும், ஆர்மேனிய மொழியில் மசூஹூன் என்றும், அரபு மொழியில் மேசான் ميسان ) என்றும், ஹான் சீனர்களின் ஆவணங்களில் T'iao-tche ( சாலடிய நாகரீக காலத்தை) என்று அழைக்கப்பட்டது.[1]
வரலாறு[தொகு]
கிமு 324 இல் இந்த மாகாணத்தில் பேரரசர் அலெக்சாந்தரால் கிராக்ஸ் சராக்ஸ் ஸ்பாசினு என்ற நகரம் நிறுவப்பட்டது. இந்த நகரம் பின்னர் சரசீன் இராச்சியத்தின் தலைநகராக மாறியது. இப்போது இந்த நகரம் நாயசனின் என்ற பகுதியில் இடிபாடுகளாக உள்ளது.
ஈரான்-ஈராக் போரின் போது இந்த எல்லைப்புற மாகாணம் பெரிதும் பாதிக்கப்பட்டது. மீண்டும் 1991 ஈராக் எழுச்சிக்குப் பின்னரும் அந்த நேரத்தில் இது ஒரு பெரிய போர்க்களமாக இருந்தது.
மாகாண அரசு[தொகு]
தற்போதைய ஆளுநர் முக்தாதா அல் சதரின் ஆதரவாளரான அலி தவாய் லாசெம் என்பவர் ஆவார். இவர், 2013 நிலவரப்படி, ஈராக்கில் சாட்ரிஸ்ட் இயக்கத்தைச் சேர்ந்த ஒரே ஒரு மாகாண ஆளுநர் ஆவார்.[2] அவர் ஒரு சியா இசுலாமியர் என்றாலும், அவர் ஒரு குறுங்குழுவாதர் அல்லமல் அனைத்து இனத்தவரையும் அரவணைத்துச் செல்பவராக உள்ளார். அவர் தன்னைப்பற்றி குறிப்பிடும்போது "நீங்கள் சுன்னி இசுலாமியராக அல்லது சியா இசுலாமியராக அல்லது கிறிஸ்தவ சமயத்தவராக இருந்தாலும் என்னிடம் அது ஒரு வித்தியாசத்தையும் ஏற்படுத்தாது. நான் யாரையும் வேறுபடுத்தி பார்ப்பதில்லை." என்றார் அவர். அவர் ஈராக்கின் மிகவும் பிரபலமான அரசியல்வாதி என்று அழைக்கப்படுகிறார். [ மேற்கோள் தேவை ] 2013 ஆம் ஆண்டில், த நியூயார்க் டைம்ஸ் தாவாயின் நிர்வாகத்தைப் பாராட்டியது, "இங்கு சாலைகள் அமைக்கப்பட்டு வருகின்றன, புதிய கழிவுநீர் வடிகால் அமைப்புகள் நிறுவப்பட்டுள்ளன, இங்கு வாழ்பவர்கள் இப்போது பகுதாது நகரத்தை விட கூடுதலாக ஒரு நாளைக்கு 22 மணி நேரம் வரை மின்சார வசதி கொண்டவர்களாக உள்ளனர்" என்று குறிப்பிட்டது.[3]
ஆளுநர்களின் பட்டியல்[தொகு]
| படம் | ஆளுநர் | காலம் | கட்சி | |
|---|---|---|---|---|
| ரியாத் மஹூத் அல் முஹம்மதாவி [4] | 2003 | சுயேட்சை | ||
| ஆதில் மஹ்வதர் ராடி | 2005 | சாட்ரிஸ்ட் இயக்கம் | ||
|
முகமது ஷியா 'அல் சூடானி | 2009 | சட்ட கூட்டணி நிலை | |
| அலி தவாய் லாசெம் | 2010 [ மேற்கோள் தேவை ][ மேற்கோள் தேவை ] | சாட்ரிஸ்ட் இயக்கம் | ||
மக்கள் வகைப்பாடு[தொகு]
மேசன் மாகாணமானது சியா இசுலாமிய அரேபியரை பெரும்பான்மையாக கொண்டதாக உள்ளது. மேலும் மாணி சமய மக்கள் சிறுபான்மை மக்களாக வாழ்கின்றனர். இந்த மாகாணமானது தெற்கின் பல பகுதிகளில் மெசொப்பொத்தேமியன் சதுப்பு நிலங்களைக் கொண்டுள்ளது. மேலும் பாரம்பரியமாக பல மார்ஷ் அரேபியர்களின் தாயகமாக இது உள்ளது.
2007 நிலவரப்படி, மாகாணத்தின் வேலையின்மை விகிதம் 17% ஆகும்.[5]
மாவட்டங்கள்[தொகு]
- அலி அல்-கர்பி (علي_الغربي)
- அமரா (العمارة)
- அல்-கஹ்லா (الكحلاء)
- அல்-மைமவுனா (الميمونة)
- அல்-மேஜர் அல்-கபி (المجر)
- கல்அத் சலே (قلعة)
குறிப்புகள்[தொகு]
- ↑ Streck, M.; Morony, M.. "Maysān." Encyclopaedia of Islam, Second Edition., 2012. Reference. 30 March 2012
- ↑ Jaboori, Rafid. "Sectarian tensions stalk Iraq elections". BBC News. பார்க்கப்பட்ட நாள் 22 September 2019.
- ↑ Arango, Tim (3 May 2013). "A Sadrist Governor Is a Folk Hero to Iraqis". த நியூயார்க் டைம்ஸ். https://www.nytimes.com/2013/05/04/world/middleeast/a-sadrist-governor-is-a-folk-hero-to-iraqis.html?pagewanted=1&_r=0&ref=global-home. பார்த்த நாள்: 4 May 2013.
- ↑ Cole, Juan. "Marsh Arab Rebellion: Grievance, Mafiasand Militias in Iraq" (PDF). Deepblue. University of Michigan. பார்க்கப்பட்ட நாள் 1 October 2019.
- ↑ http://www.iau-iraq.org/gp/missan/default.asp
