வழிபாட்டு மரபு

கட்டற்ற கலைக்களஞ்சியமான விக்கிப்பீடியாவில் இருந்து.

நவீன ஆங்கிலத்தில், வழிபாட்டு மரபு என்ற சொல் வழக்கத்திற்கு மாறான, ஆன்மீகரீதியான, அல்லது தத்துவ நம்பிக்கைகள் அல்லது ஒரு குறிப்பிட்ட ஆளுமையைச் சார்ந்த, குறிக்கோள் அல்லது இலக்கைக் கொண்டு வரையறுக்கப்பட்ட ஒரு சமூகக் குழுவைக் குறிக்க பயன்படுத்தப்படுகிறது, இந்த வார்த்தை தரக்கூடிய பொருள் சர்ச்சைக்குரியதாகவே உள்ளது. மற்றும் இது பிரபலமான கலாச்சாரம் மற்றும் கல்விப்புலம் ஆகிய இரண்டிலும் மாறுபட்ட வரையறைகளைக் கொண்டுள்ளது. மேலும் இது பல ஆய்வுத் துறைகளில் உள்ள அறிஞர்களிடையே தொடர்ந்து வாதத்திற்குரிய மூலமாகவும் இருந்து வருகிறது.[1][2] இது வழக்கமாக ஒரு சமூகக்குழுவை குறைத்து மதிப்பிடக்கூடிய, இழிவுபடுத்தக்கூடிய சொல்லாகவே கருதப்படுகிறது.

மத இயக்கங்களின் சமூகவியல் வகைப்பாடுகளில், ஒரு வழிபாட்டு முறை என்பது சமூக ரீதியாக மாறுபட்ட அல்லது புதுமையான நம்பிக்கைகள் மற்றும் நடைமுறைகளைக் கொண்ட ஒரு சமூகக் குழுவாகும்,[3] இது பெரும்பாலும் தெளிவாக இல்லை என்றாலும்.[4][5][6] பிற ஆராய்ச்சியாளர்கள் வழிபாட்டு முறைகளின் குறைவான ஒழுங்கமைக்கப்பட்ட காட்சியை முன்வைக்கிறார்கள், அவை புதுமையான நம்பிக்கைகள் மற்றும் நடைமுறைகளைச் சுற்றி தன்னிச்சையாக எழுகின்றன என்றும் கூறுகின்றனர்.[7] வழிபாட்டு மரபுக்குழுக்கள் என்பவை ஒரு சில உறுப்பினர்களைக் கொண்ட உள்ளூர் குழுக்களிலிருந்து தொடங்கி மில்லியன் எண்ணிக்கையிலான சர்வதேச அமைப்புகள் வரை என்ற வரையறைக்குள் வருகின்றன

வழிபாட்டுமரபுக்குழு என்ற வார்த்தையின் பழைய பொருளானது - வேறு ஒரு கட்டுரையில் உள்ளடக்கப்பட்டவாறு - அவர்களின் கலாச்சாரத்திற்குள் மரபுரீதியான மற்றும் ஒரு குறிப்பிட்ட நபருடன் மற்றும் பெரும்பாலும் ஒரு குறிப்பிட்ட இடத்துடன் தொடர்புடைய ஆன்மீகரீதியான மற்றும் பக்திசார்ந்த நடைமுறைகளின் தொகுப்பாகும்.

1930 களில் தொடங்கி, வழிபாட்டு மரபுக் குழுக்களானவை மத நடத்தை தொடர்பான பின்னணியில் சமூகவியல் ஆய்வின் நோக்கமாக மாறியது.[8] 1940 களில் இருந்து கிறிஸ்தவ எதிர்ப்பு எதிர் இயக்கமானது சில பிரிவுகள் மற்றும் புதிய ஆன்மீக இயக்கங்களை அவர்களின் கிறித்துவமல்லாத, மரபுக்கு மாறான நம்பிக்கைகளின் காரணமாக அவற்றை வழிபாட்டு மரபுக்குழுக்கள் என்று முத்திரை குத்தியது.மதச்சார்பற்ற, வழிபாட்டு மரபுக்குழு எதிர்ப்பு இயக்கமானது 1970 களில் தொடங்கியது. இந்த இயக்கமானது, சில குறிப்பிட்ட குழுக்களை அக்குழுக்களின் உறுப்பினர்கள் சிலரால் நிகழ்த்தப்பட்ட வன்முறைச் செயல்களுக்கு எதிர்வினையாற்றும் வகையில் எதிர்த்தது. வழிபாட்டு மரபுக்குழுக்கள் எதிர்ப்பு இயக்கத்தால் நிகழ்த்தப்பட்ட சில கோரிக்கைகள் மற்றும் செயல்கள் கல்வியாளர்கள் மற்றும் புதிய ஊடகங்களால் விவாதத்திற்குட்படுத்தப்பட்டது பொதுவெளியில் முரண்களுக்கு வித்திட்டது.

"புதிய மத இயக்கம்" என்பது 1800 களின் மத்தியில் தோன்றிய மதங்களைக் குறிக்கிறது. அவற்றில் பெரும்பாலானவை வழிபாட்டு மரபுக் குழுக்களாகவே கருதப்பட்டன.

சர்வசங்கார நாள் வழிபாட்டு மரபு சமூகக்குழு, ஆளுமை வழிபாட்டு மரபு சமூகக்குழு, நிறப்பாகுபாட்டு வழிபாட்டு மரபு சமூகக்குழு, பலதாரமண சமூகக்குழு, தீவிரவாத சமூகக்குழு போன்றவை வழிபாட்டு மரபு சமூகக்குழுக்களின் துணைப்பிரிவுகளாகும்.

வரையறை[தொகு]

ஆங்கிலம் பேசும் உலகில் "வழிபாட்டு முறை" என்ற சொல் பெரும்பாலும், இழிவான உட்பொருளைக் கொண்டுள்ளது.[9] இது எப்போதுமே சர்ச்சைக்குரியதாக இருந்துள்ளது. ஏனெனில், இந்த வார்த்தையானது ஒரு அகவயத்தன்மை உடைய, மாறுபட்ட கோட்பாடுகள் அல்லது நடைமுறைகளைக் கொண்ட குழுக்களுக்கு எதிரான தாக்குதலாகப் பயன்படுத்தப்படும் வார்த்தையாக இருந்துள்ளது.[10][11] 1970 களில், மதச்சார்பற்ற வழிபாட்டு எதிர்ப்பு இயக்கங்களின் எழுச்சியுடன், அறிஞர்கள் (ஆனால் பொது மக்கள் அல்ல) "வழிபாட்டு மரபு" என்ற வார்த்தையை கைவிடத் தொடங்கினர். ஆக்ஸ்போர்டு மத இயக்கங்களின் கையேட்டின்படி, வருகின்ற பத்தாண்டின் முடிவில், 'புதிய மதங்கள்' என்ற சொல், தேவாலயத்தின் அடையாளச்சீட்டின் கீழ் எளிதில் பொருந்தாத மீதமுள்ள குழுக்கள் அனைத்தையும் விவரிக்க 'வழிபாட்டு மரபு சமூகக்குழு' என்ற வார்த்தையானது பயன்படுத்தப்படும் என்கிறது.[12]

மேற்கோள்கள்[தொகு]

  1. ↑ Benjamin Zablocki; Thomas Robbins (sociologist) (2001). Misunderstanding Cults: Searching for Objectivity in a Controversial Field. University of Toronto Press. பக். 474. பன்னாட்டுத் தரப்புத்தக எண்:0-8020-8188-6. 
  2. ↑ Richardson 1993
  3. ↑ Stark & Bainbridge 1996
  4. ↑ OED, citing American Journal of Sociology 85 (1980), p. 1377: "Cults [...], like other deviant social movements, tend to recruit people with a grievance, people who suffer from a some variety of deprivation."
  5. ↑ Chuck Shaw – Sects and Cults – Greenville Technical College – Retrieved 21 March 2013.
  6. ↑ Olson, Paul J. 2006. "The Public Perception of 'Cults' and 'New Religious Movements'." Journal for the Scientific Study of Religion 45 (1): 97–106
  7. ↑ Stark & Bainbridge 1987
  8. ↑ Erwin Fahlbusch, Geoffrey William Bromiley – The Encyclopedia of Christianity: P-Sh, Volume 4 p. 897. Retrieved 21 March 2013.
  9. ↑ Compare: T.L. Brink (2008) Psychology: A Student Friendly Approach. "Unit 13: Social Psychology". pp 320 [1] – "Cult is a somewhat derogatory term for a new religious movement, especially one with unusual theological doctrine or one that is abusive of its membership."
  10. ↑ Chuck Shaw – Sects and Cults – Greenville Technical College. Retrieved 21 March 2013.
  11. ↑ Bromley, David Melton, J. Gordon 2002. Cults, Religion, and Violence. West Nyack, NY, USA: Cambridge University Press.
  12. ↑ Lewis 2004
"https://ta.wikipedia.org/w/index.php?title=வழிபாட்டு_மரபு&oldid=2867448" இலிருந்து மீள்விக்கப்பட்டது