சூப்பர் டீலக்ஸ்
| சூப்பர் டீலக்ஸ் | |
|---|---|
 சுவரிதழ் | |
| இயக்கம் | தியாகராஜன் குமாரராஜா |
| தயாரிப்பு | தியாகராஜன் குமாரராஜா எழில்மதி<பிற>குமரேசன் வடிவேலு சத்யராஜ் நடராஜன் சுவாதி ரகுராமன் |
| திரைக்கதை | மிஸ்கின் நலன் குமரசாமி நீலன் கே சேகர் தியாகராஜன் குமாரராஜா |
| இசை | யுவன் சங்கர் ராஜா |
| நடிப்பு | விஜய் சேதுபதி பகத் பாசில் சமந்தா ருத் பிரபு ரம்யா கிருஷ்ணன் |
| ஒளிப்பதிவு | பி. எஸ். வினோத் நீரவ் ஷா |
| படத்தொகுப்பு | சத்யராஜ் நடராஜன் |
| கலையகம் | டைலர் டர்டன் அண்ட் கினோ ஃபிஸ்ட் ஈஸ்ட் வெஸ்ட் ட்ரீம் ஒர்க்ஸ் என்டர்டெயின்மென்ட் அல்சேமி விசன் ஒர்க்ஸ் |
| விநியோகம் | வை நொட் ஸ்டூடியோஸ் |
| வெளியீடு | 29 மார்ச் 2019 |
| ஓட்டம் | 176 நிமிடங்கள் |
| நாடு | இந்தியா |
| மொழி | தமிழ் |
சூப்பர் டீலக்ஸ் (super deluxe) என்பது 2019 ஆம் ஆண்டில் வெளியான தமிழ்த் திரைப்படம். தியாகராஜன் குமாரராஜா என்பவர் இதனை இயக்கினார். மேலும் உதவித் தயாரிப்பாளராகவும், எழுத்தாளராகவும் பணியாற்றினார். விஜய் சேதுபதி, பகத் பாசில், சமந்தா, ரம்யா கிருஷ்ணன், விஜய் ராம் , அப்துல் ஜபார் மற்றும் நவீன் ஆகியோர் முக்கிய கதாபாத்திரங்களில் நடித்தனர். மிஷ்கின் , காயத்ரி மற்றும் பகவதி பெருமாள் ஆகியோர் துணைக் கதாபாத்திரங்களில் நடித்தனர். பி. எஸ். வினோத் மற்றும் நீரவ் ஷா ஆகியோர் ஒளிப்பதிவு செய்துள்ள இத் திரைப்படத்திற்கு யுவன் சங்கர் ராஜா இசையமைத்தார். நலன் குமாரசாமி, நீலன். கே. சேகர் மற்றும் மிஷ்கின் மற்றும் தியாகராஜன் குமாரராஜா ஆகியோர் திரைக்கதை எழுதினர்.[1] மார்ச் 29, 2019 இல் வெளியான இத்திரைப்படம் நேர்மறையான விமர்சங்களைப் பெற்றது.[2][3][4] 2019 ஆம் ஆண்டில் மெல்பர்னில் நடைபெற்ற இந்தியத் திரைப்பட விழாவில் சினிமாவிற்கான சமத்துவ விருதினை இத்திரைப்படம் பெற்றது. [5]
கதைச் சுருக்கம்[தொகு]
இது நான்கு கிளைக் கதைகளைக் கொண்ட கருவாகும்.
ஷில்பாவின் கதை[தொகு]
ஜோதியும் அவளது மகன் ராசுக்குட்டியும் ஏழு ஆண்டுகள் முன் குடும்பத்தை விட்டுச்சென்ற ராசுக்குட்டியின் தந்தையாகிய மாணிக்கம் திரும்பிவருவதற்காக காத்திருக்கின்றனர். அவர்களுக்கு அதிர்ச்சியூட்டும் வகையில், மாணிக்கம் மும்பையிலிருந்து ஷில்பா என்ற திருநங்கையாக வந்தடைகிறார். ராசுக்குட்டி தனது பள்ளி நண்பர்களுக்கு ஷில்பாவை அறிமுகப்படுத்த விரும்புகிறான். வழியில் ஒரு இனவெறி காவலர் ஷில்பாவை நிறுத்துகிறார் மற்றும் பெர்லின் என்னும் ஓர் ஊழல் காவலலுவலரை வாய்வழிப் புணர்ச்சி செய்ய வற்புறுத்தப்படுகிறார் ஷில்பா. மகனின் பள்ளியிலுள்ள மக்களிடமிருந்து மேலும் தொல்லை மற்றும் அவமானத்தை எதிர்கொள்கிறார் ஷில்பா. கலக்கத்தினால், மும்பைக்குத் திரும்ப பயணச்சீட்டு வாங்குகிறார். பள்ளியிலிருந்து வீடு செல்லும் வழியில், ராசுக்குட்டி காணாமல் போகிறான். தனது மகனைக் கண்டுபிடிக்க காவல் நிலையம் சென்று பெர்லினைச் சந்தித்து உதவுமாறு அவரிடம் கெஞ்சுகிறார் ஷில்பா. பெர்லினுக்காக எந்தவொரு பாலியல் உதவிக்காகவும் மகிழ்விக்க மறுத்த பின், அவர் பெர்லினுடன் மல்யுத்தம் செய்து தப்பிக்கும் முன் மரண சாபத்தை வைக்கிறார். கலக்கத்தினால் அவர் முடிவாக வீடு செல்ல தீர்மானித்து அங்கு ராசுக்குட்டியைக் கண்டுபிடிக்கிறார். ஷில்பாவின் பணப்பையில் மும்பைக்கு தொடரி பயணச்சீட்டைப் பார்த்ததும் அவர்களை விட்டுச்செல்லும் ஷில்பாவின் நோக்கம் ராசுக்குட்டிக்குத் தெரியவந்தது என்று ராசுக்குட்டி வெளிப்படுத்துகிறான். உணர்வுரீதியான மோதலுக்குப் பின், ராசுக்குட்டி மற்றும் ஜோதி ஷில்பாவை அப்படியே ஏற்றுக்கொள்ள சித்தமாயிருப்பதை உணர்கிறார் ஷில்பா. பின்னர், அவர்கள் அனைவரும் ஒன்றாக வாழ்கின்றனர்.
தொலைக்காட்சி கதை[தொகு]
ஐந்து சிறுவர்கள் (காஜி, சூரி, மோகன், வசந்த் மற்றும் தூயவன்) பள்ளி செல்வதைத் தவிர்த்து ஆபாசத் திரைப்படம் பார்க்க தூயவன் வீட்டில் திரண்டு ஆபாச நட்சத்திரமே சூரியின் தாய் லீலா என்பதை அறிகின்றனர். ஆத்திரத்தில் சூரி தொலைக்காட்சியை உடைத்து அழுதுகொண்டே ஓடுவிடுகிறான். தூயவன் உடைந்த தொலைக்காட்சி பற்றி தந்தை அறிந்துவிடுவார் என்னும் பயத்தில் காஜி மற்றும் வசந்துடன் மாலைக்குள் புது தொலைக்காட்சிக்குப் பணம் திரட்டச் செல்கின்றான். உள்ளூர் கும்பல்காரனிடமிருந்து பணியொன்றை ஏற்கின்றனர். ஆனால், நியமிக்கப்பட்ட பணியைச் செய்வதில் தோல்வியடைகின்றனர். பிறகு, ஒரு வட இந்திய சேட்டு வீட்டில் திருடி, பின்னர் திருடிய பணம் பழைய செல்லாத பணம் என்று தெரிந்ததும் மீண்டும் அங்கேயே திருட முயலும்போது மந்திர ஆற்றல் கொண்ட ஒரு பெண்ணைப் பார்க்கின்றனர். அவள் தன்னை வெளியுலகவாசி என்று வெளிப்படுத்துகிறாள். அவள் காஜை நகல் எடுத்து ஒரு நகலியை அவளுடன் ஒத்தாசைக்கு வைத்துக்கொள்கிறாள். நண்பர்கள் அவளிடமிருந்து புது தொலைக்காட்சி வாங்க பணம் பெறுகின்றனர். பயன்படுத்தப்படாத கட்டிடத்தின் உடைந்த கூரையில் பழைய உடைந்த தொலைக்காட்சியைக் கிடாசிவிட்டு இறுதியாகத் திரையரங்கிற்கு ஆபாசத் திரைப்படம் பார்க்கப் புறப்படுகின்றனர்.
லீலாவின் கதை[தொகு]
வீடு வந்ததும், ஆத்திரமடைந்த சூரி திருப்புளியுடன் லீலாவை நோக்கி ஆபாசத் திரைப்படத்தில் அவள் நடித்ததை அறிந்தபின் அவளைக் கொல்லும் நோக்குடன் ஓடுகிறான். அவன் கால் தடுமாறி மாடிப்படியில் விழுந்து கவனக்குறைவால் அவனையே வயிற்றில் குத்திக்கொள்கின்றான். கலக்கமடைந்த லீலா அவனை மருத்துவமனைக்கு எடுத்துச்செல்கின்றாள் மற்றும் அவன் தந்தை அற்புதத்திற்கு(முன்பு தனசேகரன் என்று அறியப்பட்டவன்) அவ்விபத்து பற்றி தெரிய வருகிறது. அற்புதம் 2004 இந்தியப் பெருங்கடல் ஆழிப்பேரலையிலிருந்துப் பிழைத்தவர். ஆழிப்பேரலை தாக்கியபோது அவர் பற்றிக்கொண்ட இயேசு சிலையின் வடிவில் கடவுள் தான் அவனைக் காப்பாற்றினாரென நம்புபவன். அந்த அனுபவத்தின் பின்னர் கிறுத்தவத்திற்கு மாறுகிறான். ஆனால், தற்போது நம்பிக்கை குறைய துவங்குகிறது. லீலாவிடமிருந்து சூரியை விடாப்புடியாக எடுத்துச்சென்று அவளை வெளியே வைத்துப் பூட்டி சூரியை அவனது தேவாலயத்தில் நம்பிக்கை சிகிச்சைக்கு உட்படுத்துகிறான். கணவனிடம் கெஞ்சி பயனில்லாத பிறகு, உள்ளூர் அவையுறுப்பினரின் உதவியுடன் லீலா தனது மகனைப் பெற்று மருத்துவமனையின் அனுமதிக்கிறாள். ஆனால் இப்போது மருத்துவச் செலவுகளுக்காக ஏற்பாடு செய்ய போராடுகிறாள். ஷில்பா மும்பையில் அறியாமல் குழந்தைகளைப் பயனுள்ள பிச்சைக்காரர்களாக மாற்ற உருச்சிதைக்கும் குற்றவாளி கும்பலிடம் இரு குழந்தைகளை கடத்தியதன் விதிப்பயன் அவளைப் பற்றிக்கொண்டது என்றும் அவள் மகனுக்கும் அதே விதியால் முடிவு ஏற்படுமென்றும் ராசுக்குட்டியைத் தொலைத்த ஷில்பா தனது குற்றவுணர்வை அற்புதத்திடம் ஒப்புக்கொண்ட முந்தைய உரையாடலினால் தான் அற்புதத்தின் நம்பிக்கை குறைவு தூண்டப்பட்டது என்பது வெளிப்படுகிறது. அற்புதம் அவளைப் போன்ற நபர்களுக்கு மன்னிப்பே கிடையாது என்றும் சாவதே மேல் என்றும் கூறுகிறான். அவனை விட்டுச்செல்லும் முன், ஷில்பா ஏற்கனவே 2004 ஆழிப்பேரலையில் மூழ்க முயன்றும் ஒரு பாறையைப் பற்றியதால் பிழைத்ததாகவும் அற்புதத்திடம் கூறினாள். ஆனால் அற்புதம் போலல்லாமல் அதற்கு எந்த தெய்வீகத்தையும் கற்பிக்கவில்லை. விரக்தி மற்றும் ஆத்திரத்தில் அற்புதம் இயேசு சிலையை உடைத்து அதில் நெடுநாள்-மறக்கப்பட்ட வைரங்களைப் பார்த்ததும் அதை சூரியின் மருத்துவச் செலவுக்குக் கட்ட பயன்படுத்துகிறார். இயேசுவிற்கு பதிலாக கரடி பற்றிக்கொண்டதால் காப்பாற்றப்பட்டிருந்தாலும் கூட அவனுக்கு நம்பிக்கை இருக்குமாவென வினவினாள். சூரி லீலாவுடன் சமரசமாகையில் அவன் அவ்வினாவிற்கு அவன் கருத்தைப் பிரதிபலிக்கிறான்.
வேம்பு மற்றும் முகிலின் கதை[தொகு]
நிச்சயக்கப்பட்ட திருமணத்திற்கு கட்டாயப்படுத்தப்பட்ட மகிழ்ச்சியற்ற திருமணமானப் பெண்ணான வேம்பு அவளுடைய முன்னாள் காதலனுடன் அவள் கணவன் இல்லாதபோது உடலுறவு செய்கையில் காதலன் திடீரென்று இறக்கிறான். கணவன் முகில் வீடு திரும்பி சடலத்தைப் பார்க்கிறார். தனது மனைவி தன்னை ஏமாற்றியதைக் கண்டு மனமுடைந்த நிலையில், விசுவாசமற்ற மனைவியை வைத்திருக்கும் களங்கத்திற்கு பயந்து இச்சம்பவம் வெளிவருவதை அவர் விரும்பாததால் உடலை அப்புறப்படுத்த முடிவு செய்கிறார். இறுதியில், பிணத்தை நகரத்தை விட்டு வெளியே கடத்துகின்றனர். மரணத்தை விபத்தாகக் காட்ட, தண்டவாளத்தில் ஒரு மகிழுந்தில் சடலத்தை வைக்க முயல்கின்றனர். ஷில்பாவின் கதையிலுள்ள ஊழல் காவல் அலுவலர் பெர்லினிடம் சிக்கிக்கொள்கின்றனர். வேம்புவிடமிருந்து பாலியல் உதவிக்காக தம்பதியரை அச்சுறுத்துகிறார். விருப்பமில்லாத கலக்கமடைந்த வேம்பை கற்பழிக்கும் நோக்குடன் நெருங்கும்போது, பையன்கள் எறிந்த பழைய தொலைக்காட்சி(தொலைக்காட்சி கதையிலிருந்து) அவன் தலையில் விழுந்து அவனைக் கொல்கிறது. அத்தம்பதியர் இரு சடலங்களையும் அப்புறப்படுத்தி ஒருவருக்கொருவர் சமரசமாகின்றனர்.
இறுதியுரை[தொகு]
தொலைக்காட்சி கதையிலிருந்த நண்பர்களை திரையரங்கில் ஒருவழியாக ஆபாசத் திரைப்படம் கண்டுகளிக்கின்றனர். இதுவரை நாம் அறியாத வழிகளில் அனைத்தும் ஒன்றோடொன்று இணைக்கப்பட்டு இப்பேரண்டமெங்குமிருக்கும் உயிர் மற்றும் அமைமுறையின் மர்மங்கள் குறித்து தத்துவ ரீதியாக பேசும் மருத்துவருடன் அப்படம் துவங்குகிறது. அவர் சில இரகசியங்களைப் பார்வையாளர்களுக்கு வெளிப்படுத்துவதாகச் சொல்லி சிமிட்டுகிறார். அருகிலுள்ள செவிலியர் கண் சிமிட்டி அவளது உடைகளை கலட்டுகையில் ஆபாசத் திரைப்பட தலைப்பு வாழ்வின் இரகசியம் என்று காட்டப்படுகிறது.
நடிகர்கள்[தொகு]
- விஜய் சேதுபதி - சில்பா (மாணிக்கம்)
- பகத் பாசில் - முகில்
- சமந்தா ருத் பிரபு - வேம்பு
- ரம்யா கிருஷ்ணன் - லீலா
- காயத்ரி (நடிகை) - ஜோதி
- மிஷ்கின் - அற்புதம் தனசேகரன்
- பகவதி பெருமாள் - பெர்லின்
- அஸ்வந்த் அசோக்குமார் ராசுகுட்டியாக
- ராமசாமியாக ரமணா
- விஜய் ராம் பாலாஜி (காஜி)
- மிர்னாலினி ரவி சேத் பெண்ணாக (ஏலியன்)
- சூரியாக நவீன்
- மோகனாக ஜெயந்த்
- துயவனாக அப்துல் ஜபார்
- வசந்த் (முட்டா பப்ஸ்) ஆக நோபல் கே. ஜேம்ஸ்
- மனுஷ்ய புத்திரன்
தயாரிப்பு[தொகு]
ஐந்து வருட கால இடைவெளிக்குப் பிறகு தான் படம் இயக்கவிருப்பதாக அக்டோபர் 2016 இல் தியாகராஜன் குமார ராஜா தெரிவித்தார். மேலும் துவக்கத்தில் அநீதிக் கதைகள் எனப் பெயரிடப்பட்ட இந்தத் திரைப்படத்தில் விஜய் சேதுபதி மற்றும் பகத் பாசில் ஆகியோர் முதன்மைக் கதாப்பத்திரத்தில் நடிக்க உள்ளதாகத் தெரிவித்தார். பின்பு சமந்தா முக்கிய பெண் கதாப்பத்திரத்தில் நடிக்க ஒப்பந்தமானார்.[6][7] குமாராராஜா, ஈஸ்ட் வெஸ்ட் ட்ரீம் ஒர்க் எண்டெர்டெயின்மெண்ட் மற்றும் அல்கெமி விசன் ஒர்க்ஸ் ஆகியோருடன் இணைந்து தயாரித்தார்.[8] ஜுங்கா திரைப்படத்தின் முதல் பாதி படப்பிடிப்பு முடிவடைந்த பிறகு இந்தத் திரைப்படத்தின் படப்பிடிப்பில் கலந்துகொண்டார். இதில் இவர் திருநங்கை கதாப்பத்திரத்தில் நடித்தார்.[9] லீலா எனும் கதாப்பாத்திரத்தில் முதலில் ரம்யாகிருஷ்ணன் நடிக்க ஒப்பந்தமானார். ஆனால் சில காரணங்களினால் அவர் நடிக்க இயலாமல் போகவே நதியா நடித்தார். ஆனால் அவரும் சில காரணங்களினால் நடிக்க இயலாமல் போகவே மீண்டும் ரம்யா கிருஷ்ணன் நடித்தார்.
வெளியீடு[தொகு]
இத்திரைப்படம் மார்ச் 29, 2019 இல் வெளியானது. ஆனால் மலேசியாவில் தடை செய்யப்பட்டது.[10]
வியாபாரம்[தொகு]
இத்திரைப்படத்தின் அதிகாரப்பூர்வ முன்னோட்டம் பெப்ரவரி 22, 2019 இல் வெளியானது.[11][12][13]
விமர்சனம்[தொகு]
பரத்வாஜ் ரங்கன் அவர்களின் விமர்சனத்தில் கதையின் சில நுணுக்கமான விளக்கங்களுக்காகவும் கதையின் தன்மைக்காகவும் இயக்குநரைப் பாராட்டியுள்ளார். ஒரு தைரியமான மற்றும் தனித்துவமான தமிழ்த் திரைப்படம் எனப் பாராட்டினார். இதனைப் போன்று ஒரு தமிழ்ப் படத்தினைப் பார்ததில்லை எனவும் கூறினார். [14]
சான்றுகள்[தொகு]
- ↑ "Five directors to pen dialogues for Vijay Sethupathi's next". thenewsminute.com. The NEWS Minute. 5 November 2016. பார்க்கப்பட்ட நாள் 12 April 2019.
{{cite web}}: Cite has empty unknown parameter:|dead-url=(help) - ↑ Saltz, Rachel (2019-03-28). "'Super Deluxe' Review: A Tamil Film, With a Cosmic Indie Vibe" (in en-US). The New York Times. https://www.nytimes.com/2019/03/28/movies/super-deluxe-review.html.
- ↑ S, Srivatsan (2019-03-29). "'Super Deluxe' review: an unusual film with an assortment of quirky characters" (in en-IN). The Hindu. https://www.thehindu.com/entertainment/movies/super-deluxe-review-believe-the-hype/article26671414.ece.
- ↑ Wetalkiess. "சூப்பர் டீலக்ஸ் திரை விமர்சனம்" (in பிரிட்டிஷ் ஆங்கிலம்). Archived from the original on 2019-04-02. பார்க்கப்பட்ட நாள் 2019-04-02.
{{cite web}}: Unknown parameter|=ignored (help) - ↑ "Vijay Sethupathi, Shah Rukh Khan, Tabu, win top awards at IFFM Awards 2019 - Life and Trendz | DailyHunt". M.dailyhunt.in. பார்க்கப்பட்ட நாள் 2019-08-23.
- ↑ Rangan, Baradwaj (3 December 2016). "Interview: Thiagarajan Kumararaja". baradwajrangan.wordpress.com. பார்க்கப்பட்ட நாள் 21 December 2016.
- ↑ "PC Sreeram to work in Vijay Sethupathi-Samantha film". behindwoods.com. 2016-11-02. பார்க்கப்பட்ட நாள் 6 November 2016.
- ↑ "Vijay Sethupathi likely to play the lead in Thiagarajan Kumararaja's next". behindwoods.com. 2016-10-24. பார்க்கப்பட்ட நாள் 6 November 2016.
- ↑ "Vijay Sethupathi in 'Super Deluxe': The problem with male actors portraying trans-women". 2018-12-18. பார்க்கப்பட்ட நாள் 18 December 2018.
- ↑ https://www.deccanchronicle.com/entertainment/kollywood/210719/kadaram-kondan-banned-in-malaysia.html
- ↑ Reliance Entertainment (2019-03-25), Super Deluxe - Official Trailer | Yuvan | Vijay Sethupathi, Samantha, Ramya Krishnan | March 29, பார்க்கப்பட்ட நாள் 2019-03-29
- ↑ "Super Deluxe trailer: This Vijay Sethupathi, Samantha starrer is highly intriguing". hindustantimes (in ஆங்கிலம்). 2019-02-23. பார்க்கப்பட்ட நாள் 29 March 2019.
{{cite web}}: Cite has empty unknown parameter:|dead-url=(help) - ↑ "Vijay Sethupathi's 'Super Deluxe' trailer - Times of India". The Times of India (in ஆங்கிலம்). பார்க்கப்பட்ட நாள் 29 March 2019.
{{cite web}}: Cite has empty unknown parameter:|dead-url=(help) - ↑ "Super Deluxe a lip-smacking combination of "high" and "low" art". 29 March 2019. Archived from the original on 11 மே 2019. பார்க்கப்பட்ட நாள் 10 அக்டோபர் 2019.