நூற்றாண்டு முட்டை

கட்டற்ற கலைக்களஞ்சியமான விக்கிப்பீடியாவில் இருந்து.
நூற்றாண்டு முட்டை
நூற்றாண்டு முட்டை வெட்டி திறக்கப்பட்டுள்ளது
மாற்றுப் பெயர்கள்பராமரிக்கப்பட்ட முட்டை, நூறு வருட முட்டை, ஆயிரம் வருட முட்டை, கருப்பு முட்டை, தோள் முட்டை
தொடங்கிய இடம்சீனா

நூற்றாண்டு முட்டை அல்லது பிடான் (Century Egg) என்பது வாத்து, கோழி முட்டைகளையும் களிமண், உப்பு, சுன்னாம்பு ஆகியவற்றின் கலவையில் உருவாக்கப்பட்ட சீன உணவு ஆகும். இதன் வேறு பெயர்கள் பராமரிக்கப்பட்ட முட்டை, நூறு வருட முட்டை, ஆயிரம் வருட முட்டை, கருப்பு முட்டை ஆகும். இது சீனாவின் பாரம்பரியமிக்க உணவு ஆகும். இந்த செயல்பாட்டில் ஹைட்ரோஜன் சல்பைடு மற்றும் அம்மோனியாவின் இருப்பினால் முட்டையின் உட்கரு பச்சை மற்றும் இளங்கருப்பு நிறத்தில் மாறும். ஆல்கலைன் உப்பின் இருப்பினால் முட்டையின் pH 9-12 வரை உயர்த்தப்படுகிறது. இந்த வேதியல் மாற்றத்தினால் புரோட்டீன் மற்றும் கொழுப்பு உடைக்கப்படுகின்றது.

சில முட்டைகளின் ஓரத்தில் பைன் மரத்தின் வடிவம் இடம் பெறும்.

வரலாறு[தொகு]

முட்டை அதிகமாக கிடைக்கும் போது ஆல்கலைன் வைத்து பராமறித்ததன் விளைவே நூற்றாண்டு முட்டையின் தோற்றம். மேற்கத்திய கலாச்சாரங்களில் இது ஒரு பழக்கமாக அமைந்தது. களிமண் முட்டையச் சுற்றி உறுதியடைந்து அது கெட்டுப்போகாமல் பாதுகாக்கும்.

சில குறிப்புகளை ஒட்டி, நூற்றாண்டு முட்டை ஐந்து நூற்றாண்டுகள் வரலாறு கொண்டது. இவை 600 ஆண்டுகளுக்கு முன்பு மிங் சாம்ராஜ்யத்தை ஒட்டிய வரலாறு கொண்டவை. உப்பு அதிகமாக கூட்டினால் அதன் சுவை அதிகமாகும்.

ஒரு வீட்டு உரிமையாளர் முட்டையை இரண்டு மாதங்களுக்கு பிறகு பூமிக்கு அடியில் கண்டெடுத்தார். அதன் சுவை அறிந்து அதனை போலவே பல முட்டைகளை செய்ய முன்வந்தார். அதனுடன் அம்மோனியா உப்பு சேர்த்து தயாரிக்க ஆரம்பித்தார்.

முறைகள்[தொகு]

பாரம்பரிய முறையில் நூற்றாண்டு முட்டை

பாரம்பரிய முறை[தொகு]

அழகாக வெட்டிய நூற்றாண்டு முட்டை

களிமண்ணை உபயோகிப்பதற்கு பதில் மரத்தூள்களையும் உப்பையும் கொண்டு நூற்றாண்டு முட்டை தயாரித்தனர். இதன் மூலன் அவை கெட்டுப்போகாமல் பாதுகாக்க உதவும். நூற்றாண்டு முட்டை தயாரிப்பு , 3 பவுன்ட் தேயிலையை தண்ணீரில் போடுவதிலிருந்து துவங்குகிறது. அதனுடன் 9 பவுன்ட் கால்சியம் ஆக்ஸைடு, 7 பவுன்ட் கடல் உப்பு மற்றும் 7 பவுன்ட் சாம்பல் சேர்க்கப்படுகிறது. ஒவ்வொரு முட்டையும் கைகளைக் கொண்டு மூடப்படுகிறது.

நவீன முறை[தொகு]

பல்வேறு சூழ்நிலைகளில் பாரம்பரிய முறை கடைபிடிக்கப்பட்டாலும், அறிவியல் வளர்ச்சியின் மூலம் நவீன முறை பின்பற்றப்பட்டது. இந்த முறையைக் கொண்டு நூற்றாண்டு முட்டையை ஒரு சில வாரங்களிலேயே உருவாக்க முடியும்.

பயன்கள்[தொகு]

நூற்றாண்டு முட்டை எந்தவிதமான தயாரிப்புமின்றி அப்படியே தோலை உறித்து சாப்பிடலாம். தாய்வானில் நூற்றாண்டு முட்டையை அழகாக் வெட்டி மற்ற உணவுகளுடன் சேர்ந்து சாப்பிடுவர். அவற்றை புதிய முட்டைகளுடன் சேர்த்து வைத்து சாப்பிடுவர்.

அரிசி கஞ்சுடன் நூற்றாண்டு முட்டை

சில சீன வீடுகளில், நூற்றாண்டு முட்டையை துண்டு துண்டாக வெட்டி அரிசி கஞ்சுடன் சேர்த்து சாப்பிடுவர்.

தவறான புரிதல்கள்[தொகு]

நூற்றாண்டு முட்டைகள் குதிரையின் சிறுநீரில் முக்கி உருவாக்கப்பட்ட்வை என்று நம்பப்பட்டது. பிறகு குதிரை சிறுநீரின் pH கணக்கிடப்பட்டு, அது பொய் என நிரூபிக்கப்பட்டது.

தாய்லாந்தில், நூற்றாண்டு முட்டையை, குதிரை சிறுநீர் முட்டை என்று குறிப்பிடுவர்.

பாதுகாப்பு[தொகு]

பாரம்பரிய முறையில் சில நூற்றாண்டு முட்டைகள் தயாரிக்க பட்டாலும், சில தயாரிப்பாளர்கள் வேறு குறுக்கு வழிகளில் இதனை உருவாக்குகின்றனர். அவை உடல்நக்கேடு விளைவிக்கக்கூடியவை. சீனாவில் காப்பர் சல்பேட்டு கொண்டு உருவாக்கப்பட்ட நூற்றாண்டு முட்டையில் பல கலப்படங்கள் உள்ளது. சீன அரசாங்கம் இதனை தடுக்க சட்டம் கொண்டு வந்து முயற்சி செய்து வருகிறது.

"https://ta.wikipedia.org/w/index.php?title=நூற்றாண்டு_முட்டை&oldid=2756553" இலிருந்து மீள்விக்கப்பட்டது