செஞ்சி என். இராமச்சந்திரன்

கட்டற்ற கலைக்களஞ்சியமான விக்கிப்பீடியாவில் இருந்து.
செஞ்சி என். இராமச்சந்திரன்
இந்திய அரசின் முன்னாள் நிதி அமைச்சர்
தொகுதிவந்தவாசி
தனிப்பட்ட விவரங்கள்
பிறப்பு3 சூன் 1944 (1944-06-03) (அகவை 79)
செஞ்சி, தமிழ்நாடு
அரசியல் கட்சிமதிமுக
துணைவர்இரா. தனலட்சுமி
பிள்ளைகள்1 மகன்
2 மகள்கள்
வாழிடம்(s)செஞ்சி, தமிழ்நாடு
As of 22 September, 2006
மூலம்: [1]

செஞ்சி ந. இராமச்சந்திரன் (Gingee N. Ramachandran) (பிறப்பு: சூன் 3, 1944) ஓர் இந்திய அரசியல்வாதி ஆவார். இவர் இந்திய நாடாளுமன்ற உறுப்பினராகவும் தமிழ்நாடு சட்டப் பேரவை உறுப்பினராகவும் இருந்துள்ளார்.

வாழ்க்கை வரலாறு[தொகு]

இராமச்சந்திரம் தென்னாற்காடு மாவட்டம் செஞ்சு வட்டம் அவியூரினைச் சார்ந்தவர். இவர் இளங்கலை பட்டத்தினை சென்னை பச்சையப்பன் கல்லூரியிலும், சட்டப்படிப்பினை சென்னை சட்டக் கல்லூரியிலும் பயின்றார். இவருக்கு ஒரு மகன் உள்ளார்.

அரசியல்[தொகு]

இராமச்சந்திரன் தமிழக சட்டப் பேரவைக்கு 1977, 1980, மற்றும் 1989ஆம் ஆண்டுகளில் நடைபெற்ற தேர்தலில் திராவிட முன்னேற்றக் கழக வேட்பாளராகப் போட்டியிட்டு வெற்றிபெற்றுள்ளார். பின்னர் வைகோ திமுகவிலிருந்து விலகிய போது இவரும் திமுகவிலிருந்து விலகினார். இவர் 14 வது மக்களவை உறுப்பினராகவும், இந்திய அரசின் நிதி அமைச்சராகவும் இருந்துள்ளார். இவர் தமிழ்நாட்டின், வந்தவாசி தொகுதியிலிருந்து, இந்திய நாடாளுமன்றத்திற்கு மறுமலர்ச்சி திராவிட முன்னேற்றக் கழக வேட்பாளராகப் போட்டியிட்டுத் தோ்ந்தெடுக்கப்பட்டாா்.[1][2][3][4][5] இவர் மறுமலர்ச்சி திராவிட முன்னேற்ற கழகம் (MDMK) அரசியல் கட்சியில் உறுப்பினராக உள்ளார். திசம்பர் மாதம் 6 ஆம் தேதி, மறுமலா்ச்சி திராவிட முன்னேற்றக் கழகத்தின் பொதுச் செயலாளரான வைகோ கட்சியின் செயல் தலைவரான எல். கணேசன் மற்றும் துணை பொதுச் செயலாளர் செஞ்சி என். இராமச்சந்திரன் ஆகியோரை கட்சிக்கு எதிரான நடவடிக்கைகளில் ஈடுபட்டதற்காக, அனைத்து பதவி மற்றும் பொறுப்பிலிருந்து தற்காலிகமாக நீக்கப்பட்டனர். பின்னர் 2014ஆம் ஆண்டு செ. செயலலிதா முன்னிலையில் அனைத்திந்திய அண்ணா திராவிட முன்னேற்றக் கழகத்தில் இணைந்தார்.[6]

மேற்கோள்கள்[தொகு]

  1. "Ramachandran, Shri Gingee N embers Bioprofile". Lok Sabha. பார்க்கப்பட்ட நாள் 9 April 2021.
  2. "MDMK rebels to join DMK on Feb 22". New Indian Express. 2 January 2009. பார்க்கப்பட்ட நாள் 9 April 2021.
  3. "Thanthai Periyar award for Gingee Ramachandran". New Indian Express. 17 January 2020. பார்க்கப்பட்ட நாள் 9 April 2021.
  4. "Former ministers appointed to key posts in party". New Indian Express. 14 September 2018. பார்க்கப்பட்ட நாள் 9 April 2021.
  5. "Vaiko follows Rao, pulls out of UPA". தி எகனாமிக் டைம்ஸ். 17 May 2007. பார்க்கப்பட்ட நாள் 9 April 2021.
  6. "Veteran 'Gingee' Ramachandran Joins AIADMK". New Indian Express. 18 April 2014. பார்க்கப்பட்ட நாள் 9 April 2021.

வெளி இணைப்புகள்[தொகு]