கொங்குச்சோழர்

கொங்குச்சோழர் என்போர் கி.பி. 942 முதல் 1305 வரை கொங்கு பகுதிகளை ஆண்ட சோழ பரம்பரையினர் ஆவர். கி.பி. 942 முதல் கி.பி. 1138 வரை வடகொங்கினையும் கி.பி. 1138 முதல் 1305 வரை வடதென்கொங்கு பகுதிகளை சேர்த்தும் ஆண்டனர்.

கொங்குச்சோழர் பட்டியல்

கி.பி. 942 முதல் பதினைந்து கொங்குச்சோழ அரசர்கள் கொங்குப்பகுதியை ஆண்டுள்ளனர். அவர்களின் பட்டியல் கீழே.

எண்	பெயர்	ஆட்சியாண்டுகள் (கி.பி.)	செயல்கள்
1	வீரச்சோழப்பராந்தகன்	942 - 980
2	கலிமூர்க்கப்பெருமான்	980 - 1004	முன்னவனின் மகன். பிரம்மியம், கொடுவாய் போன்ற கல்வெட்டுகளில் இவனின் செயல்கள் சொல்லப்பட்டுள்ளன.
3	கலிமூர்க்க விக்ரமச்சோழன்	1004 - 1047
4	அபிமானச்சோழன்	1047 - 1085	அன்னூர் கல்வெட்டுகளில் இவனின் செயல்கள் சொல்லப்பட்டுள்ளன.
5	ராஜாதிராஜ சோழன்	1085 - 1110	திருமுருகன்பூண்டி கல்வெட்டுகளில் இவனின் செயல்கள் சொல்லப்பட்டுள்ளன.
6	உத்தமச்சோழன்	1110 - 1117	இருகூர் செப்பேடுகளில் இவனின் செயல்கள் சொல்லப்பட்டுள்ளன. ராஜாதிராஜ சோழனின் முதல் மகன்.
7	ராஜாதிராஜ வீரச்சோழன்	1118 - 1127	கத்தாங்கண்ணி, விஜயமங்கலம் கோயில்களுக்கு கொடை அளித்துள்ளான். ராஜாதிராஜ சோழனின் இரண்டாம் மகன்.
8	ராஜகேசரி வீரநாராயணன்	1127 - 1149	உத்தமச்சோழனின் மகன். கோயில்பாளையம், பெருந்தலையூர் கல்வெட்டுகளில் இவனின் செயல்கள் சொல்லப்பட்டுள்ளன.
9	ராஜகேசரி குலோத்துங்கன்	1149 - 1183	பாண்டியர்களுக்கு இடையில் நடந்த தாயாதிச்சண்டையில் தலையிட்டு குலசேகர பாண்டியனை ஆட்சியில் அமர்த்தினான்.
10	திரிபுவன வீரத்தேவன்	1183 - 1196	இருகொங்கையும் சேர்த்து முதலில் ஆண்ட கொங்குச்சோழன் இவன் ஆவான். இதற்கு முன்னர் தென்கொங்கை ஆண்ட வீரகேரளனின் மருமகன்.
11	இரண்டாம் குலோத்துங்கன்	1196 - 1207	அன்னூர், அவிநாசி கல்வெட்டுகளில் இவனின் செயல்கள் சொல்லப்பட்டுள்ளன.
12	வீரராஜேந்திரன்	1207 - 1256	சமயப்பொறை கொண்டவனாக கல்வெட்டுகள் சொல்கின்றன.
13	இரண்டாம் விக்ரமச்சோழன்	1256 - 1264
14	சோழன் ராஜகேசரி	1264 - 1274
15	மூன்றாம் விக்ரமச்சோழன்	1274 - 1304