பூவாடைக்காரி வழிபாடு
பூவாடைக்காரி அம்மன் வழிபாடு என்பது புடவையை வைத்து வழிபடும் வழக்கமாகும். பூ என்பதற்கு பூப்பு என்பது பொருள். [1] பூப்பு என்பதற்கு பூப்படைதல், மாதவிடாய் என்பது பொருள். ஒவ்வொரு வீட்டிலும் பருவம் எய்திய ஆண், பெண்கள் கன்னிகழிவதற்குமுன் இறந்துவிட்டால் அவர்களை வழிபடுவது பூவாடைக்காரி வழிபாடு ஆகும்.
அமைவிடம்[தொகு]
விழுப்புரம் மாவட்டம், செஞ்சி வட்டத்தில் அனைத்து ஊர்களிலும் பூவாடைக்காரி வழிபாடு உள்ளது.
உடை படைத்தல்[தொகு]
பூவாடைக்காரி வழிபாட்டில் உருவச்சிலை இல்லை. இறந்த ஆண் முன்னோருக்கு வெள்ளைத் துண்டும், பெண் முன்னோருக்கு சிவப்புத் துண்டு அல்லது புடவையும் வைத்து வழிபடுவர். அவ்வாடைகளே முன்னோர்களாகக் கருதப்படுகிறது. மேலும் கரகம் சோடித்து அக்கரகத்தையே முன்னோர்களாகக் கருதுகின்றனர்.
கோயில் அமைப்பு[தொகு]
வீடுகளில் வழிபடும் வழக்கம் கொண்டோர் பூசை அறையில் படைக்கின்றனர்.
வழிபாடு[தொகு]
குளக்கரையில் அல்லது கிணற்றங்கரையில் கரகம் சோடித்து அதை முன்னோராகக் கருதி அவர்களை அழைத்துவந்து பூசை அறையில் வைத்து வழிபடுவர். ஒவ்வொரு ஆண்டும் தைப்பொங்கல் நாளில் இவ்வழிபாடு நடைபெறும்.
ஆடி மாதத்தில் புடவைக்காரி வழிபாடு நடத்தப்படுகிறது. [1]
வழிபடுவோர்[தொகு]
வன்னியர், துளுவ வேளாள முதலியார், ரெட்டியார், சைவப் பிள்ளை மற்றும் செட்டியார் போன்ற குலத்தினர் இவ்வழிபாட்டை மேற்கொள்கின்றனர்.
திருவிழா[தொகு]
கன்னிமார் அழைத்தல், பொங்கல் படையல், ஆடுகள், கோழிகள் பலியிடுதல், காடேறுதல், நேர்த்திக்கடன் செலுத்துதல் ஆகியவை திருவிழா வழிமுறைகளாகும். சில இடங்களில் இரண்டு மூன்று தினங்களுக்குத் திருவிழா நடைபெறுகிறது. [1]
கோயில்கள்[தொகு]
- புதுக்கோட்டை நார்த்தாமலை பூவாடைக்காரி அம்மன் கோயில் [2]
- அன்னசாகரம் பூவாடைக்காரியம்மன் கோயில்
- அள்ளாளபுரம் புடவை காரியம்மன் கோயில்
- வாழைப்பந்தல் பூவாடைக்காரி கோயில்
உசாத்துணைகள்[தொகு]
- பெண்ணிய நோக்கில் செஞ்சி நாட்டுப்புற அம்மன் தெய்வங்கள், ஜோதிராஜன் பதிப்பகம், ஓசூர், 2008.
- துளசி. இராமசாமி, நெல்லை மாவட்ட நாட்டுப்புறத்தெய்வங்கள், உலகத்தமிழாராய்ச்சி நிறுவனம், சென்னை,1985
ஆதாரங்கள்[தொகு]
- ↑ 1.0 1.1 1.2 "புடவைக்காரி வழிபாடு". Hindu Tamil Thisai. 24 ஜூலை, 2014.
{{cite web}}
: Check date values in:|date=
(help) - ↑ "Muthu Mari Amman Temple : Muthu Mari Amman Muthu Mari Amman Temple Details | Muthu Mari Amman- Narthamalai | Tamilnadu Temple | முத்து மாரியம்மன்". temple.dinamalar.com.