இலங்கையின் பதிப்புரிமைச் சட்டம்

கட்டற்ற கலைக்களஞ்சியமான விக்கிப்பீடியாவில் இருந்து.

இலங்கையின் பதிப்புரிமைச் சட்டம் என்பது  2003ஆம் ஆண்டின் 36ஆம் இலக்க புலமைச்சொத்துப் பாதுகாப்புச் சட்டத்திற்கு அமைவான சட்டம் ஆகும்.[1] இச்சட்டம் 1979 ஆம் ஆண்டின் 52 ஆம் இலக்க குறியீட்டு அறிவுசார் சொத்துச் சட்டத்திற்குப் பதிலாக இயற்றப்பட்ட சட்டம் ஆகும். [2]

சட்டம்[தொகு]

சட்டத்தில் உள்ளடங்கப்படுபவை[தொகு]

இச்சட்டத்தின் ஆறாம் பகுதிக்கு அமைவாக படைப்புக்கள் எனப் பொதுப்பெயர் கொண்டு வழங்கப்படும் இலக்கியம், அறிவியல், கலை சார்ந்த படைப்புக்கள் யாவும் இச்சட்டத்தினுள் அடங்கும் மேலும்

  • புத்தகங்கள், குறும்புத்தகங்கள், கணனி நிரற்படுத்தல்கள், கட்டுரைகள், எழுத்துப்படைப்புகள்
  • பேச்சுகள், விரிவுரைகள், இதர பேச்சுப் படைப்புகள்
  • நாடகங்கள், இசை நாடகங்கள், சிறுவர் நாடகங்கள் மற்றும் இதர மேடைப் படைப்புகள்
  • இசைப் படைப்புகள்
  • கட்செவிப்புல படைப்புகள்
  • கட்டடக்கலைப் படைப்புகள்
  • தட்டச்சு, ஓவியம், சிலைகள் போன்ற நுண்கலைப் படைப்புகள்
  • படப்பிடிப்புப் படைப்புகள்
  • வரைபடங்கள், திட்டங்கள், வடிவமைப்புகள், முப்பரிமாணப் படைப்புகள், புவியியல், அறிவியல் சார்ந்தவை

என அனைத்துப் படைப்புகளுகள், அவற்றின் திரிபுகள், உருமாற்றங்கள், சேமிப்புகள் அனைத்தும் இச்சட்டத்தினுள் அடங்குபவை ஆகும். (ப. 7)

அத்துடன் இச்சட்டத்தின் 8 ஆம் பகுதியின் 26 ஆம் உபபகுதிச் சட்டத்தின் படி

  • எண்ணங்கள், தத்துவங்கள், கொள்கைகள்
  • உத்தியோகபூர்வ மொழிபெயர்ப்புகள், உத்தியோகபூர்வ சொற்றொடர்கள், நிர்வாக, சட்ட சொற்றொடர்கள்
  • நாளொன்றின் செய்திகள்

ஆகியவையும் இச்சட்டத்தினுள் அடங்கும்.

பதிப்புரிமைக் காலம்[தொகு]

ஒரு படைப்பானது ஒரு ஆசிரியருக்கும் சொந்தமாக இருக்கும் போது, அவ்வாசிரியர் தன் வாழ்நாள் காலம் முழுவதும் இப்பதிப்பை த்ன்னுடைய சொந்த உரிமையாகக் கொண்டுள்ளார். மேலும் அவர் இறக்கும் திகதியிலிருந்து 70 வருடங்களின் பின்னும் இச்சட்டம் செல்லுபடியாகும்.

பதிப்புரிமை மீறல்[தொகு]

இச்சட்டத்தினுள் அடங்குகின்ற விடயங்களை குறித்த பதிப்பு அல்லது படைப்பினுடைய உரிமையாளரின் உத்தியோகபூர்வ அனுமதி இன்றி, சட்டத்திற்கு முரணாக அவற்றை பிரதி செய்யும் போது, நீதிமன்றம், சட்டத்தை மீறியவர் மீது தடை, தண்டப்பணம் ஆகியவற்றை விதிக்கும் அதிகாரத்தைக் கொண்டுள்ளது.

குறிப்புகள்[தொகு]

  1. http://www.customs.gov.lk/docs/25489.pdf பரணிடப்பட்டது 2012-01-31 at the வந்தவழி இயந்திரம்வழக்குகள் தொடர்பான
  2. http://www.wipo.int/wipolex/en/text.jsp?file_id=128549#P261_11559