தேரா இஸ்மாயில் கான் மாவட்டம்

தேரா இஸ்மாயில் கான் மாவட்டம் ضلع ڈیره اسماعیل خان
மாவட்டம்
கடிகாரச் சுற்றுப்படி, மேலிருந்து காபீர் கோட்டை, பல ஆயிரம் பழமையான இந்து-பௌத்த கட்டிட சிதிலங்கள், லால் மாரா கல்லறைகள்
Map of Dera Ismail Khan
Country	பாக்கித்தான்
மாகாணம்	கைபர் பக்துன்வா மாகாணம்
மாவட்டம்	தேரா இஸ்மாயில் கான் மாவட்டம்
தலைமையிடம்	தேரா இசுமாயில் கான்
அரசு
• வகை	மாவட்ட நிர்வாகம்
பரப்பளவு
• மொத்தம்	9,334 km2 (3,604 sq mi)
மக்கள்தொகை (2017)
• மொத்தம்	1,6,95,688
• அடர்த்தி	180/km2 (470/sq mi)
நேர வலயம்	பாகிஸ்தான் சீர் நேரம் (ஒசநே+5)
முக்கிய மொழிகள்	சராய்கி மொழி, பஷ்தூ மொழி

தேரா இஸ்மாயில் கான் மாவட்டம் (Dera Ismail Khan District) பாகிஸ்தான் நாட்டின் வடக்கில் கைபர் பக்துன்வா மாகாணத்தில் உள்ளது. இம்மாவட்ட நிர்வாகத் தலைமையிடம் தேரா இசுமாயில் கான் நகரம் ஆகும். இம்மாவட்டத்தில் வரலாற்று புகழ்பெற்ற காபீர் கோட், பல நூற்றாண்டுகள் பழமையான இந்துக் கோயில்கள் மற்றும் பௌத்த விகாரைகளில் தொல்லியல் சிதிலங்கள் மற்றும் லால் மாரா கல்லறைகள் கொண்டுள்ளது.

மக்கள் தொகையியல்

7326 சதுர கிலோ மீட்டர் பரப்பளவு கொண்ட இம்மாவட்டத்தின் 1998-ஆம் ஆண்டின் மக்கள் தொகை கணக்கெடுப்பின் படி, மொத்த மக்கள் தொகை 8,52,995 ஆகும். மக்கள் தொகை வளர்ச்சி (1981 - 98) 3.26% ஆகவுள்ளது. மக்கள் தொகையில் ஆண்கள் 4,48,990 (52.63%); பெண்கள் 4,04,005 (47.36 %) ஆக உள்ளனர். பாலின விகிதம் 100 ஆண்களுக்கு 111 பெண்கள் வீதம் உள்ளனர். மக்கள் தொகை அடர்த்தியானது ஒரு சதுர கிலோ மீட்டரில் 116.4 மக்கள் வாழ்கின்றனர். கிராமப்புற மக்கள் தொகை 7,27,188 (85.25%) ஆக உள்ளது. எழுத்தறிவு 31.3% ஆக உள்ளது.இம்மாவட்டத்தில் பஷ்தூ மொழி, சராய்கி மொழி மற்றும் உருது மொழிகள் பேசப்படுகிறது.

மாவட்ட நிர்வாகம்

7326 சதுர கிலோ மீட்டர் பரப்பளவு கொண்ட தேரா இஸ்மாயில் கான் மாவட்டத்தின் நிர்வாக வசதிக்காக தேரா இஸ்மாயில் கான், குலாச்சி, தாராபின், பரோவா, பாகர்பூர் என ஐந்து தாலுக்காக்களாகவும், 47 கிராம ஒன்றியக் குழுக்களாகவும், 384 வருவாய் கிராமங்களாகவும் பிரிக்கப்பட்டுள்ளது. இம்மாவட்டம் ஒரு நகராட்சி மன்றமும், இரண்டு நகரக் குழுக்களையும், ஒரு இராணுவப் பாசறை ஊரும் கொண்டது.

அரசியல்

இம்மாவட்டம் பாகிஸ்தான் தேசிய நாடாளுமன்றத்திற்கு இரண்டு உறுப்பினர்களைத் தேர்ந்தெடுக்கிறது.மேலும் கைபர் பக்துங்க்வா மாகாணச் சட்டமன்றத்திற்கு ஐந்து உறுப்பினர்களைத் தேர்ந்தெடுத்து அனுப்புகிறது.

இதனையும் காண்க

• இந்து ஷாகி
• காபீர் கோட்