இமாம் அபூதாவூத்

கட்டற்ற கலைக்களஞ்சியமான விக்கிப்பீடியாவில் இருந்து.
அபூதாவூத் சுலைமான் இப்னு அல் அஸ்ஹத் அல் அஜ்தி அஸ் சிஸ்தானி
பிறப்புகி.பி. 817
சிஸ்தான்
இறப்புகி.பி.889
பசுரா
இனம்பாரசீகம்
பணிஇஸ்லாமிய அறிஞர், ஹதீஸ் தொகுப்பாளர்
மதப்பிரிவுஇசுலாம்
சட்டநெறிஹன்பலி
ஆக்கங்கள்சுனன் அபூதாவூத்
செல்வாக்கு செலுத்தியோர்
செல்வாக்குக்கு உட்பட்டோர்

அபூதாவூத் சுலைமான் இப்னு அல் அஸ்ஹத் அல் அஜ்தி அஸ் சிஸ்தானி (Abu Dawud Sulaymān ibn al-Ash‘ath al-Azdi as-Sijistani அரபு மொழி: أبو داود سليمان بن الأشعث الأزدي السجستاني‎), பொதுவாக இமாம் அபூதாவூத் என அழைக்கப்படுகிறார். இவர் பாரசீக இஸ்லாமிய அறிஞர், குறிப்பாக முஹதீத் ( ஹதீஸ் கலை அறிஞர் ) ஆவார். ஆறு முக்கிய ஹதீஸ்கள் தொகுப்புகளான ஸிஹாஹ் ஸித்தாவில் இவர் தொகுத்த சுனன் அபூதாவூத் ஹதீஸ் நூல் மிகவும் நம்பகமான ஹதீஸ் தொகுப்பாக கருதப் படுகிறது.[2].

பிறப்பு[தொகு]

சிஸ்தான் என்ற ஊரிலே இ.நா 202வது ( கி.பி. 817 ) வருடத்தில் பிறந்தார். சஜஸ்தான் என்ற நகரில் பிறந்தமையால் அபூதாவூத் சஜஸ்தானீ என்று அழைக்கப்படுகிறார். அஷ்அஸ் என்பவர் இவர்களின் தகப்பனாராவார். இவரது இயற்பெயர் சுலைமான்.

கல்வி[தொகு]

இமாம் அபூதாவூத் சிறுவயதிலேயே பத்திசாலியாகவும் திகழ்ந்தார். ஹதீஸ் துறையில் துரிதமாகச் செயல்பட்டதால் அறிஞர்களைச் சந்திக்கும் வாய்ப்பு இமாம் அபூதாவூதிற்குக் கிடைத்தது. ஹதீஸ் துறையிலும் மார்க்கச் சட்டத் துறையிலும் பெரும் பங்கு வகித்தார்.[3]

ஹதீஸ் தொகுப்பு[தொகு]

அவர் மொத்தம் 21 புத்தகங்களை எழுதியுள்ளார். மிக முக்கியமான சில:

  • சுனன் அபூதாவூத் ஹதீஸ் நூல்--4,800 ஹதீஸ்கள் கொண்ட, அவருடைய முக்கியமான ஹதீஸ் தொகுப்பாக இருக்கிறது.
  • கிதாப் அல்-மராசில்-- 600 முர்சல் ஹதீஸ்கள் பட்டியலிடுகிறது.
  • தனது சுனன் அபூதாவூதை விவரித்து மக்காவின் குடிகளுக்கு எழுதிய கடிதமான ”ரிசாலத் அபூதாவூத் இலா அஹ்லிகி மக்கா”.[4]

கல்விக்காகப் பயணித்த ஊர்கள்[தொகு]

தன்னுடைய 18 வது வயதிலே கல்விக்காக பல ஊர்களுக்குப் பயணிக்க ஆரம்பித்தார். ஈராக், கூஃபா, பசுரா , ஷாம், ஜஸீரா, ஹிஜாஸ், எகிப்து, ஹுராஸான், சஜஸ்தான், ரய் ஆகிய ஊர்களுக்குப் பயணம் செய்துள்ளார்.

ஆசிரியர்கள்[தொகு]

இமாம் அஹ்மத், அலீ பின் மதீனி, யஹ்யா பின் மயீன், முஹம்மத் பின் பஷ்ஷார் மற்றும் பலர்.

இவரது மாணவர்கள்[தொகு]

இமாம் திர்மிதி, இமாம் நஸாயீ, இப்னு அபித்துன்யா, அபூ உவானா, இப்ராஹிம் பின் ஹம்தான் மற்றும் பலர்.

இறப்பு[தொகு]

இமாம் அபூதாவூத் 73 ஆம் வயதில் பசுரா நகரில் 11 ம் தேதி ஷவ்வால் மாதம் இ.நா 275 ( கி.பி. 888) இல் இறந்தார்.

மேற்கோள்கள்[தொகு]

  1. Al-Bastawī, ʻAbd al-ʻAlīm ʻAbd al-ʻAẓīm (1990). Al-Imām al-Jūzajānī wa-manhajuhu fi al-jarḥ wa-al-taʻdīl. Maktabat Dār al-Ṭaḥāwī. பக். 9. 
  2. Various Issues About Hadiths
  3. "Imam Abu Dawud". www.sunnah.org. Archived from the original on 2018-02-15. பார்க்கப்பட்ட நாள் 2016-02-21.
  4. "Translation of the Risālah by Abū Dāwūd". Archived from the original on 2009-08-19. பார்க்கப்பட்ட நாள் 2017-01-16.
"https://ta.wikipedia.org/w/index.php?title=இமாம்_அபூதாவூத்&oldid=3543882" இலிருந்து மீள்விக்கப்பட்டது