தஞ்சாவூர் விஜயராமர் கோயில்

கட்டற்ற கலைக்களஞ்சியமான விக்கிப்பீடியாவில் இருந்து.
தஞ்சாவூர் விஜயராமர் கோயில்
அமைவிடம்
நாடு:இந்தியா
மாநிலம்:தமிழ்நாடு
மாவட்டம்:தஞ்சை மாவட்டம்
அமைவு:தஞ்சாவூர்
கோயில் தகவல்கள்
மூலவர்:விஜயராமர்

தஞ்சாவூர் விஜயராமர் கோயில், தமிழ்நாடு, தஞ்சை மாவட்டம், தஞ்சாவூரில் மேல வீதியில் அமைந்துள்ளது.

தேவஸ்தான கோயில்[தொகு]

தஞ்சாவூர் அரண்மனை தேவஸ்தானத்திற்கு உட்பட்ட 88 கோயில்களில் இக்கோயிலும் ஒன்றாகும்.[1] இக்கோயில் டபீர் விஜயராமசாமி கோயில் என்றும் அழைக்கப்படுகிறது. பிரதாபசிம்மர் காலத்தில் அமைச்சராக இருந்தவர் டபீர் பண்டிதர் ஆவார். அவரது பெயரால் இக்கோயில் அழைக்கப்படுவதால் பிரதாபசிம்மர் காலத்தைச் சேர்ந்த கோயிலாகக் கருதலாம்.[2]

அமைப்பு[தொகு]

இக்கோயில் ராஜகோபுரம், பலிபீடம், கொடி மரம், முன் மண்டபம், கருவறை, விமானம், வெளிச்சுற்று ஆகிய அமைப்புகளோடு விளங்குகிறது. முன்மண்டபத்தில் இடப்புறம் ஆஞ்சநேயர் சன்னதி உள்ளது. கொடி மரத்தையடுத்து கருடாழ்வார் உள்ளார். இக்கோயிலின் வெளிச்சுற்றில் வால்மீகி மண்டபம் உள்ளது.

மூலவர்[தொகு]

இக்கோயிலின் மூலவராக விஜயராமர் சீதை, இலக்குவனார், அனுமார் ஆகியோருடன் உள்ளார். மூலவர் விஜயகோதண்டராமர் என்றழைக்கப்படுகிறார்.

குடமுழுக்கு[தொகு]

21 ஆகஸ்ட் 1987இல் குடமுழுக்கு ஆனதாகக் கல்வெட்டு காணப்படுகிறது.

மேற்கோள்கள்[தொகு]

  1. அருள்மிகு விஜயராமர் கோயில், வரிசை எண்.15, தஞ்சாவூர் அரண்மனை தேவஸ்தானத்தைச் சேர்ந்த ஆலயங்கள், தஞ்சை இராஜராஜேச்சரம் திருக்குட நன்னீராட்டுப் பெருவிழா மலர், 1997
  2. குடவாயில் பாலசுப்பிரமணியன், தஞ்சாவூர், அஞ்சனா பதிப்பகம், தஞ்சாவூர், 1997