சரத் யாதவ்

கட்டற்ற கலைக்களஞ்சியமான விக்கிப்பீடியாவில் இருந்து.
சரத் யாதவ்
ஐக்கிய ஜனதா தளக் கட்சித் முதல் தலைவர்
தனிப்பட்ட விவரங்கள்
பிறப்பு1 சூலை 1947 (1947-07-01) (அகவை 76)
அக்மௌ கிராமம், ஹோஷன்காபாத் மாவட்டம், மத்தியப் பிரதேசம்
இறப்பு12 சனவரி 2023(2023-01-12) (அகவை 75)[1]
குருகிராம், அரியானா, இந்தியா
அரசியல் கட்சிராஷ்டிரிய ஜனதா தளம்
துணைவர்டாக்டர். ரேகா யாதவ்
வாழிடம்புது தில்லி
முன்னாள் கல்லூரிஜபல்பூர் பொறியியல் கல்லூரி
வேலைஅரசியல்வாதி
இணையத்தளம்www.sharadyadavjdu.in

சரத் யாதவ் (Sharad Yadav, 1 சூலை 1947 – 12 சனவரி 2023), ராஷ்டிரிய ஜனதா தளக் கட்சியைச் சேர்ந்த அரசியல்வாதி. முன் இந்திய நாடளுமன்ற மேலவையான மாநிலங்களவையில் பிகார் மாநில உறுப்பினராக இருந்தார். இந்திய மக்களவைக்கு ஏழுமுறையும், மாநிலங்களவைக்கு மூன்றுமுறையும் தேர்ந்தெடுக்கப்பட்டார். ஐக்கிய ஜனதா தளம் உருவான காலத்திலிருந்து அக்கட்சியின் தேசியத் தலைவராக 2016 வரை இருந்தார்[2]. மத்தியப் பிரதேசம், உத்தரப் பிரதேசம், பீகார் என மூன்று மாநிலங்களில் இருந்து மக்களவைக்கு தேர்ந்தெடுக்கபட்ட சிறப்பு இவருக்கு உண்டு. 2023 ஆண்டு சனவரி 12ல் மறைந்தார்.

தொடக்ககால வாழ்க்கை[தொகு]

மத்தியப் பிரதேசத்தில் கோசங்காபாத் மாவட்டத்தின் அக்மௌ கிராமத்தில், ஒரு நடுத்தரக் குடும்பத்தில் 1947, சூலை முதல் நாள் பிறந்தார். இவரது தந்தை நந்த கிசோர் யாதவ் ஒரு காங்கிரசுகாரராவார். இராபர்ட்சன் கல்லூரியிலும், ஜபல்பூர் பொறியியல் கல்லூரியிலும் கல்வி பயின்றார்.

அரசியல் வாழ்வு[தொகு]

கல்லூரி வாழ்க்கையில், டாக்டர் ராம் மனோகர் லோகியாவின் கருத்துக்களால் ஈர்க்கப்பட்டு இளைஞரணித் தலைவராகச் செயற்பட்டார். ஜெயபிரகாஷ் நாராயணின் முழுமையான புரட்சி இயக்கத்தின் சார்பில் நடந்த போராட்டங்களில் ஈடுபட்டு சிறை சென்றார். 1969-70, 1972, 1975 களில் மிசாவின் கீழ் கைது செய்யப்பட்டார்; மண்டல் ஆணைக்குழுவின் பரிந்துரைகளைச் செயற்படுத்துவதில் முக்கியப் பங்கு வகித்தார்.

தேர்தல்கள்[தொகு]

1974 ஜபல்பூர் நாடாளுமன்றத் தொகுதி இடைத்தேர்தலில் சரத் யாதவை எதிர்க்கட்சிகள் பொது வேட்பாளராக தேர்ந்தெடுத்தனர். அப்போது சரத் யாதவ் மிசா சட்டத்தில் சிறையில் அடைக்கபட்டிருந்தார். அத்தேர்தலில் சரத் யாதவ் எருவெற்றி பெற்றார். மக்களவையின் பதவிக் காலத்தை ஐந்து ஆண்டுகளில் இருந்து ஆறு ஆண்டுகளாக உயர்த்தும் முடிவை எடுத்த இந்திரா காந்திரைக் கண்டித்து பதவி விலகினார். மீண்டும் அதே தொகுதியிலிருந்து 1977 இல் மக்களவைக்குத் தேர்ந்தெடுக்கப்பட்டார். 1981 மக்களவைத் தேர்தலில் உத்தரப் பிரதேசத்தின், அமேதி மக்களவைத் தொகுதியில் முதன்முறையாக போட்டியிட்ட இராஜீவ் காந்தியை எதிர்த்து அனைத்து கட்சி வேட்பாளராக போட்டியிட்டு தோல்வியுற்றார்.[3] 1989 இல் பிகாரின் பத்வான் மக்களவைத் தொகுதிக்குத் தேர்ந்தெடுக்கப்பட்டார். பின்னர் 1991 இலிருந்து பிகாரின் மதேபுரா மக்களவைத் தொகுதியிலிருந்து போட்டியிட்டு வெற்றி பெற்று வந்தார்.[4] 1991 தேர்தலுக்குப் பிறகு பீகாரே இவரது அரசியல் களமாக மாறியது. 2014 மக்களவைத் தேர்தலில் மதேபுரா மக்களவைத் தொகுதியில் போட்டியிட்டுத் தோற்றுப் போனார்.

வகித்த பதவி[தொகு]

ஆண்டு வகித்த பதவி
1974 இடைத் தேர்தலில் 5 வது மக்களவைக்குத் தேர்வு
1977 6வது மக்களவைக்குத் தேர்வு (இரண்டாம் முறை)
யுவ ஜனதா தளத் தலைவர்
1978 லோக் தளப் பொதுச்செயலாளர்
யுவ லோக் தளத் தலைவர்
1986 மாநிலங்களவைக்குத் தேர்வு
1989 9வது மக்களவைக்குத் தேர்வு (மூன்றாம் முறை)
1989-97 லோக் தளப் பொதுச்செயலாளர்
ஜனதா தள நாடாளுமன்ற போர்டு தலைவர்
1989-90 நடுவண் ஆய அமைச்சர், ஜவுளி மற்றும் உணவு பதனிடும் தொழில்
1991 10வது மக்களவைக்குத் தேர்வு (நான்காம் முறை)
பொதுக்கணக்குக் குழு உறுப்பினர்
1993 ஜனதா தள நாடாளுமன்றக் கட்சித் தலைவர்
1995 ஜனதா தள செயற்தலைவர்
1996 11வது மக்களவைக்கு மீண்டும் தேர்வு (ஐந்தாவது முறை);
நிதிக் குழுத் தலைவர்
1997 ஜனதா தளத் தலைவர்
1999 13வது மக்களவைக்குத் தேர்வு (ஆறாவது முறை)
அக்டோபர் 13, 1999 - ஆகஸ்டு 31, 2001 நடுவண் ஆய அமைச்சர், உள்நாட்டு விமானப் போக்குவரத்து
செப்டம்பர் 1, 2001- ஜூன் 30, 2002 நடுவண் தொழிலாளர் ஆய அமைச்சர்
ஜூலை 1, 2002 - மே 15 2004 நடுவண் ஆய அமைச்சர், நுகர்வோர் விவகாரம், உணவு மற்றும் பொது விநியோகம்
2004 மாநிலங்களவைக்குத் தேர்வு (இரண்டாவது முறை)
வணிக ஆலோசனைக் குழு உறுப்பினர்
நீர்வளக் குழு உறுப்பினர்
பொது நோக்கங்கள் குழு உறுப்பினர்
கலந்தாய்வுக் குழு உறுப்பினர்
உள்துறை அமைச்சகம்
2009 15வது மக்களவைக்குத் தேர்வு (ஏழாவது முறையாக)
ஆகஸ்டு 31, 2009 நகர்ப்புற மேம்பாட்டுக் குழுத் தலைவர்

மேற்கோள்கள்[தொகு]

  1. ↑ "Former Union minister Sharad Yadav passes away, condolences pour in". Timesofindia.com. பார்க்கப்பட்ட நாள் 12 January 2023.
  2. ↑ Sanskarshan Thakur (2014). Single Man. HarperCollins Publishers India. பக். Epilogue. பன்னாட்டுத் தரப்புத்தக எண்:9789350297780. https://books.google.co.in/books?id=mdRHAwAAQBAJ&pg=PT98&dq=sharad+yadav&hl=en&sa=X&ei=aMVsVfOXD4GXuATe4ICQDQ&ved=0CCIQ6AEwATgK#v=onepage&q=sharad%20yadav&f=false. 
  3. ↑ "சரத் யாதவ்: சாரமிழந்த சோஷலிஸ்ட்!". Hindu Tamil Thisai. பார்க்கப்பட்ட நாள் 2023-02-02.
  4. ↑ "Madhepura Parliamentary Constituency" இம் மூலத்தில் இருந்து 2013-07-01 அன்று. பரணிடப்பட்டது.. https://web.archive.org/web/20130701085704/http://www.sharadyadav.com/p/constituency.html. 

வெளியிணைப்புகள்[தொகு]

"https://ta.wikipedia.org/w/index.php?title=சரத்_யாதவ்&oldid=3926617" இலிருந்து மீள்விக்கப்பட்டது