காட்டுப்பள்ளி கப்பல் கட்டும்தளம் (Kattupalli Shipyard cum Captive Port Complex) சென்னை எண்ணூர் அருகேயுள்ள காட்டுப்பள்ளி கிராமத்தில் எல் & டி ஷிப்பில்டிங் லிமிடெட் மூலம் கட்டப்பட்டது. இந்தத் தளம் டிட்கோ மற்றும் லார்சன் & டூப்ரோ ( எல் & டி ) கூட்டாக இணைந்து இரண்டு கட்டங்களாக அமைக்கப்படுகிறது.
இங்கு ஜப்பான் மற்றும் கொரிய கப்பல் கட்டும் தளங்களோடு போட்டியிடும் வகையில், பெரிய அளவிளான போர்க்கப்பல்கள், கார் சரக்குந்துகள், நீர்மூழ்கி கப்பல்கள், கடற்படை ரோந்துக் கப்பல்கள் மற்றும் வேகமாக செல்லும் ரோந்துக் கப்பல்கள் போன்ற சிறப்பு கப்பல்கள் கட்டும் தளமாக உருவாக்கிட திட்டமிடப்பட்டுள்ளது. இந்த பிராந்தியத்தில் கொழும்பு மற்றும் சிங்கப்பூருக்கு பிறகு, மூன்றாவது பெரிய சர்வதேச கப்பல் பழுது பார்க்கும் தளமாக காட்டுப்பள்ளி இருக்கிறது.[2]
