கால்சியம் சயனமைடு

கட்டற்ற கலைக்களஞ்சியமான விக்கிப்பீடியாவில் இருந்து.
கால்சியம் சயனமைடு
பெயர்கள்
ஐயூபிஏசி பெயர்
கால்சியம் சயனமைடு
வேறு பெயர்கள்
சயன்மைடு கால்சியம் உப்பு, சுண்ணாம்பு நைட்ரசன், யூ.என் 1403, நைட்ரோலைம்
இனங்காட்டிகள்
156-62-7 Y
ChemSpider 10669887 Y
21106503 N
EC number 205-861-8
InChI
  • InChI=1S/CN2.Ca/c2-1-3;/q-2;+2 N
    Key: MYFXBBAEXORJNB-UHFFFAOYSA-N N
  • InChI=1/CN2.Ca/c2-1-3;/q-2;+2
    Key: MYFXBBAEXORJNB-UHFFFAOYAU
யேமல் -3D படிமங்கள் Image
Image
பப்கெம் 4685067
வே.ந.வி.ப எண் GS6000000
SMILES
  • [Ca+2].N#CN
  • [Ca+2].[N-2]C#N
UNII ZLR270912W Y
UN number 1403
பண்புகள்
CaCN2
வாய்ப்பாட்டு எடை 80.102 கி/மோல்
தோற்றம் வெண்மையான திண்மம் (மாசுநிலையில்,பெரும்பாலும் சாம்பல் அல்லது கருப்பு நிறம்)
மணம் மணமற்றது
அடர்த்தி 2.29 கி/செ.மீ3
உருகுநிலை 1,340 °C (2,440 °F; 1,610 K)[1]
கொதிநிலை 1150 முதல் 1200 செ (நேரடியாக ஆவியாகும்)
வினைபுரியும்
தீங்குகள்
பொருள் பாதுகாப்பு குறிப்பு தாள் ICSC 1639
ஈயூ வகைப்பாடு தீங்கானது (Xn)
எரிச்சலை உண்டாக்கும் (Xi)
S-சொற்றொடர்கள் (S2) S22 S26 S36/37/39
தீப்பற்றும் வெப்பநிலை எளிதில் தீப்பற்றாது
அமெரிக்க சுகாதார ஏற்பு வரம்புகள்:
அனுமதிக்கத்தக்க வரம்பு
none[2]
பரிந்துரைக்கப்பட்ட வரம்பு
TWA 0.5 மி.கி/மீ3
உடனடி அபாயம்
N.D.[2]
மாறுதலாக ஏதும் சொல்லவில்லை என்றால் கொடுக்கப்பட்ட தரவுகள் யாவும்
பொருள்கள் அவைகளின் இயல்பான வெப்ப அழுத்த நிலையில் (25°C, 100kPa) இருக்கும்.
 N verify (இதுY/N?)
Infobox references

கால்சியம் சயனமைடு (Calcium cyanamide) என்பது CaCN2 என்ற மூலக்கூறு வாய்ப்பாடு கொண்ட ஒரு கனிம வேதியியல் சேர்மமாகும். கால்சியம் வழிப்பொருளான சயனமைடு (CN22-) ஒரு உரமாகப் பயன்படுகிறது[3]. இச்சேர்மம் 1898 ஆம் ஆண்டு முதன்முதலில் அடோல்பு பிராங்க் மற்றும் நிக்கோடெம் கரோ ஆகியோரால் தொகுப்பு முறையில் தயாரிக்கப்பட்டது. இச்செயல்முறை பிராங்க் – கரோ செயல்முறை என்று அழைக்கப்படுகிறது[4]. கால்சியம் சயனமைடு வர்த்தகத் துறையில் நைட்ரோலைம் என்ற பெயராலும் அழைக்கப்படுகிறது.

தயாரிப்பு[தொகு]

கால்சியம் கார்பைடில் இருந்து கால்சியம் சயனமைடு தயாரிக்கப்படுகிறது. கார்பைடு தூளை மின்னுலையில் இட்டு பலமணி நேரம் நைட்ரசன் வாயுவைச் செலுத்தியபடி[5] சுமார் 1000 பாகை செ வெப்பநிலைக்கு சூடாக்கினால் கால்சியம் சயனமைடு கிடைக்கிறது. விளைபொருளை சூழல் வெப்பநிலைக்கு குளிரவைத்து வினையில் ஈடுபடாமல் எஞ்சியிருக்கும் கார்பைடு தண்ணீர் மூலமாக எச்சரிக்கையுடன் வெளியேற்றப்படுகிறது.

CaC2 + N2 → CaCN2 + C (ΔHƒ°= –69.0 kcal/mol at 25 °C)

இவ்வினை பெரிய எஃகு கொள்கலன்களில் மேற்கொள்ளப்படுகிறது. மின்னேற்றம் பெற்ற கார்பன் வினைப்படுபொருள்களை சிவக்கும் அளவிற்கு சூடாக்குகிறது. வளிமண்டல அழுத்தம் 2 என்ற அளவில் நைட்ரசன் வாயு உட்செலுத்தப்படுகிறது.

R3m இடக்குழு மற்றும் a = 3.67, c = 14.85 (.10−1 nm) என்ற சட்டகமாறிலி மதிப்புகளுடன் கால்சியம் சயனமைடு அறுங்கோண வடிவத்தில் படிகமாகிறது.[6][7]

பயன்கள்[தொகு]

விவசாயத்தில் உரமாகப் பயன்படுவதுதான் கால்சியம் சயனமைடின் முக்கியமான பயனாகும்.[3]. இது நீருடன் சேர்ந்து சிதைவடைந்து அமோனியாவை வெளியேற்றுகிறது

CaCN2 + 3 H2O → 2 NH3 + CaCO3

சோடியம் கார்பனேட்டுடன் இணைத்து சோடியம் சயனைடு தயாரிக்கவும் கால்சியம் சயனமைடு உதவுகிறது.

CaCN2 + Na2CO3 + 2C → 2 NaCN + CaO + 2CO

தங்கச் சுரங்கத்தில் சயனைடு செயல்முறையில் இச்சோடியம் சயனைடு பயன்படுத்தப்படுகிறது. மேலும் இது கால்சியம் சயனைடு மற்றும் மெலாமைன் முதலியனவற்றைத் தயாரிக்கவும் பயன்படுகிறது.

கால்சியம் சயனமைடை நீராற்பகுத்தல் வினைக்கு உட்படுத்தினால் சயனமைடு உருவாகிறது.

CaCN2 + H2O + CO2 → CaCO3 + H2NCN

இவ்வேதி மாற்றம் பெரும்பாலும் நீர்மக் குழம்பு நிலையிலேயே நிகழ்த்தப்படுகிறது. ஆதலால் வர்த்தகத்திலும் இது நீர்த்த கரைசலாகவே விற்பனை செய்யப்படுகிறது.

கார்பன் டை ஆக்சைடு முன்னிலையில் [5]. கால்சியம் சயனமைடுடன் ஐதரசன் சல்பைடைச் சேர்த்து வினை புரிய வைப்பதால் தையோ யூரியா தயாரிக்கலாம்.

எஃகு தயாரிப்பின் போது எஃகுடன் நைட்ரசனைச் சேர்த்து உலோகக் கலவை தயாரிக்கும் வினையிலும் கால்சியம் சயனமைடு உதவுகிறது

மேற்கோள்கள்[தொகு]

  1. Pradyot Patnaik. Handbook of Inorganic Chemicals. McGraw-Hill, 2002, ISBN 0-07-049439-8
  2. 2.0 2.1 "NIOSH Pocket Guide to Chemical Hazards #0091". National Institute for Occupational Safety and Health (NIOSH).
  3. 3.0 3.1 Auchmoody, L.R.; Wendel, G.W. (1973). "Effect of calcium cyanamide on growth and nutrition of plan fed yellow-poplar seedlings". U.S. Department of Agriculture, Forest Service. Archived from the original on 2009-08-25. பார்க்கப்பட்ட நாள் 2008-07-18.{{cite web}}: CS1 maint: multiple names: authors list (link)
  4. "History of Degussa: Rich harvest, healthy environment". பார்க்கப்பட்ட நாள் 2008-07-18.
  5. 5.0 5.1 Thomas Güthner (2006). "Cyanamides". Ullmann's Encyclopedia of Industrial Chemistry. Weinheim: Wiley-VCH. 
  6. F. Brezina, J. Mollin, R. Pastorek, Z. Sindelar. Chemicke tabulky anorganickych sloucenin (Chemical tables of inorganic compounds). SNTL, 1986.
  7. Vannerberg, N.G. "The crystal structure of calcium cyanamide" Acta Chemica Scandinavica (1-27,1973-42,1988) (1962) 16, p2263-p2266

இவற்றையும் காண்க[தொகு]

வெளி இணைப்புகள்[தொகு]

"https://ta.wikipedia.org/w/index.php?title=கால்சியம்_சயனமைடு&oldid=3704764" இலிருந்து மீள்விக்கப்பட்டது