முந்நீர் (சொல்)

முந்நீர் என்னும் சொல் கடலைக் குறிக்கும். கடலில் பொழிந்து கடல் வளத்தைப் பெருக்கும் மழைநீர், ஆறு அடித்துக்கொண்டு வரும் மழைநீர், மண்ணிலிருந்து ஊறிவரும் ஊற்றுநீர் ஆகிய மூன்று நீரும் கலந்தது என்னும் கருத்துடன் முந்நீர் என்னும் சொல் உருவாக்கப்பட்டுள்ளது.

முந்நீர் சொல்லாட்சி

முந்நீர் என்னும் சொல்லைக் கையாண்டு சங்கநூல் பாடல்கள் தெரிவிக்கும் கருத்துக்கள் இங்குத் தொகுப்பாக வைக்கப்படுகின்றன. முந்நீர் என்னும் சொல் கடலைக் குறிக்கும்.

இரண்டு வகை

• பருக முடியாத கடல் முந்நீர், பருகும் முந்நீர் இரண்டும் வெவ்வேறு.

உப்பு-அமிழ்தம்

• முந்நீர் தரும் உப்பை அமிழ்தம் என்பர்.

தன்மை

• முந்நீர் குளிர்ந்திருக்கும்.
• முந்நீரின் ஆழம் அளக்க முடியாதது.
• முந்நீர் நீர்மட்டத்தில் ஏற்றத்தாழ்வு இல்லை.

முந்நீரில் செல்லல்

• முந்நீரில் செல்லத் திமிலும் நாவாய்க் கப்பல்களும் கலன்-கப்பல்களும் பயன்படுத்தப்பட்டன.
• முந்நீரில் செல்வோர் மகளிருடன் செல்வதில்லை. முந்நீர் வழக்கம் மகடூஉவோடு இல்லை

வழிபாடு

• முந்நீரில் தோன்றும் சுடரை மக்கள் வழிபடுவர்.
• திருமால் முந்நீர் வண்ணம் கொண்டவன். திருமால் ‘திரை பாடு அவிந்த முந்நீர் போன்ற வண்ணம் கொண்டவன்

செம்மை

• அரசன் குடிமக்களுக்கு நீதி வழங்கும்போது முந்நீரின் நடுவில் தோன்றும் ஞாயிறு போல் விளங்குவான்.
• நெடுஞ்செழியன் அவ்வாறு முறை வழங்கினான்.

விழா

• பாண்டிய அரசன் நெடியான் முந்நீர் விழாக் கொண்டாடினான்.
• வைகை நீராட்டு விழா முந்நீர் விழா போல இருந்தது.

முழக்கம்

• மதுரையில் முரசு முழங்கும் ஒலி முந்நீர் முழக்கம் போல இருந்தது.

பயன்பாடு

• முந்நீரில் செல்ல உதவுவது காற்று.
• முந்நீரில் செல்லும் கப்பல்களைக் காற்று கவிழ்க்கும்.
• முந்நீரில் இரவில் செல்வோர் விளக்குச் சுடருடன் செல்வர்.
• குட்டுவன் … முந்நீர் முற்றி … பௌவம் நீங்க ஓட்டிய எஃகம்
• சேரலாதன் முந்நீர் ஓட்டிக் கடம்பு அறுத்து இமையத்து … வணங்குவில் பொறித்தான்.
• மூவேந்தரும் முந்நீரை ஏணி போல் பயன்படுத்தி வாணிகம் செய்து முன்னேறினர்.

காதலி கூறுகிறாள்

• திரை தரும் முந்நீர் வளாகம் எல்லாம் – ஞாயிறே, தேடு என்றேன்.
• முந்நீர் வெறும் மணலாக இறைப்பேன் … காற்றே! - கதிரே! – என் நலன் உண்டு துறந்தானைக் காட்டாயேல்

விளக்கத் தொடர்கள் - நிலம்

• இருள் நிற முந்நீர் வளைஇய உலகம்
• மாசு இல் வான் பரந்த முந்நீர்த் தொன்னிலம்
• விரிதிரை முந்நீர் மண்திணிக் கிடக்கை
• முழங்கு இரு முந்நீர்த் திரை
• முந்நீர் மண்டிலம் ஆதி ஆற்றா - குதிரை நடைக்கு
• முந்நீர் உடுத்த வியன் உலகு
• முந்நீர் வரைப்பகம்
• வெண்திரை முந்நீர் வளைஇய உலகம்
• இரு முந்நீர்த் துருத்தி
• திரை பொரு முந்நீர்க் கடல்

விளக்கத் தொடர்கள் – கடல்

• முழங்கு முந்நீர் … ஞாலம்
• இரு முந்நீர் … பௌவம்
• ஒலி முந்நீர்
• இரங்கும் முந்நீர் … ஊர்