திருக்குடந்தைப் புராணம்
கும்பகோணத்தின் தல வரலாற்றினைப் பற்றி பல புராணங்கள் வெளிவந்துள்ளன. அவற்றுள் குறிப்பிடத்தக்கது. திருக்குடந்தைப் புராணம் ஆகும்.
தல புராணங்கள்[தொகு]
குடந்தையைப் பற்றி வந்துள்ள தலபுராணங்கள் கீழ்க்கண்டவாறு அமையும். [1]
- கும்பகோணத் தல புராணம் - 1406 பாடல்கள் - ஆசிரியர் பெயர் தெரியவில்லை.
- கும்பகோணப் புராணம் - 1118 பாடல்கள் -ஆசிரியர் அகோர தேவர்
- கும்பகோணப் புராணம் - ஆசிரியர் ஒப்பிலா மணிப்புலவர்
- திருக்குடந்தைப் புராணம் - 70 படலங்கள், 2384 பாடல்கள் - ஆசிரியர் மகாவித்துவான் மீனாட்சிசுந்தரம்பிள்ளை
உருவாக்கம்[தொகு]
1865இல் கும்பகோணத்தில் தாசில்தாராக இருந்த சிவகுருநாதபிள்ளை மற்றும் பல பக்தர்களின் வேண்டுகோளுக்கிணங்க மகாவித்துவான் மீனாட்சிசுந்தரம் பிள்ளை கும்பகோணம் பேட்டைத்தெருவிலுள்ள திருவாவடுதுறை மடத்தில் தங்கியிருந்து இப்புராணத்தை இயற்றினார். [1]
சிறப்பு[தொகு]
1866ஆம் ஆண்டு அச்சிடப்பெற்ற இப்புராணம் இலக்கியச் சிறப்புகள் கொண்டதாகும். இத்தலத்தின் சிறப்புகள் முழுவதையும் இப்புராணத்தில் காணலாம். [1]
ஆதிகும்பேசர்[தொகு]
ஆதிகும்பேசர் பற்றி இப்புராணத்தில் காணும் பாடல் பின்வருமாறு அமையும். [2]
"பூமேய வாரணனும் நாரணனும்
வாரணனும் பொற்பூ மாலைத்
தேமேய விண்ணவரும் நண்ணவரும்
பசுமுலதாஞ் சிறப்பு நல்கி
மாமேய குடமூக்கி னிடமூக்கின்
பார்கருணை வடிவின் மேய
பாமேய புகாதி கும்பேசர்
தாமரைத்தாள் பணிந்து வாழ்வாம்."