கயந்தலை

முழந்தாள் இரும் பிடிக் கயந்தலைக் குழவி (குறுந்தொகை 394)

மலை ஆற்றுப் படுத்த மூ இரு கயந்தலை! - பரிபாடல் 5

கயந்தலை தோன்றிய காமர் நெய்யணி - தொல்காப்பியம் கற்பியல் 6

கயந்தலை (ஒலிப்பு^ⓘ) என்னும் சொல்லானது பெரிய தலையைக் குறிக்கும். யானைகளில் பெண்யானைகளின் தலை ஆண் யானையின் தலையை விடச் சற்று பெரிதாக இருக்கும். எனவே பெண்யானைகளைக் கயந்தலை மடப்பிடி என முன்னோர் வழங்கினர். அன்றியும் குட்டி யானைகளின் தலையும் அதன் அளவை நோக்கச் சற்றே பெரிது. எனவே அவற்றையும் கயந்தலை என்றனர். மேலும் மக்கள் பெறும் குழந்தைகளின் தலையும் அவ்வாறே சற்று பெரிது. எனவே குழந்தைகளையும் அவ்வாறே கயந்தலை என்றனர்.

• குழந்தையைக் கயந்தலை எனல்
• முருகன் பலராமன், திருமால் ஆகியோரைக் கயந்தலை என்றது.
• யானைக் கன்றைக் கயந்தலை என்றனர்
• பெண்-யானையைக் கயந்தலை என்றனர்.