விக்கிப்பீடியா:ஆண்டு நிறைவுகள்/செப்டம்பர் 15
செப்டம்பர் 15: அனைத்துலக மக்களாட்சி நாள்
- 1830 – லிவர்பூல் முதல் மான்செஸ்டர் வரையான தொடருந்து சேவை ஆரம்பிக்கப்பட்ட இதே நாளில் தொடருந்து ஒன்று தடம் புரண்டதில் பிரித்தானிய நாடாளுமன்ற உறுப்பினர் வில்லியம் அசுக்கிசன் உயிரிழந்தார். இவரே வரலாற்றில் தொடருந்து விபத்தில் இறந்த முதலாவது நபராக அறியப்படுகிறார்.
- 1835 – சார்லசு டார்வின் காலபாகசுத் தீவுகளுக்குச் சென்று உயிரினங்களின் படிவளர்ச்சிக் கொள்கை பற்றிய ஆய்வுகளை மேற்கொண்டார்.
- 1916 – முதலாம் உலகப் போர்: முதற்தடவையாக பீரங்கி வண்டிகள் போரில் ஈடுபடுத்தப்பட்டன.
- 1935 – செருமனியில் யூதர்களுக்கு குடியுரிமை சட்டபூர்வமாக மறுக்கப்பட்டது.
- 1952 – ஐநாவின் ஒப்புதலுடன் எரித்திரியா எத்தியோப்பியாவுடன் இணைக்கப்பட்டது.
- 1987 – இந்திய அமைதிப் படைக்கெதிராக திலீபன் நீராகாரம் இன்றி உண்ணாநோன்பைத் தொடங்கினார்.
- 2017 – சனிக் கோளை ஆய்வு செய்வதற்காக 1997 இல் ஏவப்பட்ட காசினி-ஐசென் (படம்) விண்கலம் தன் பணிகளை முடித்துக்கொண்டு அழிந்தது.
அறிஞர் அண்ணா (பி. 1909) · கம்பதாசன் (பி. 1906) · மறைமலை அடிகள் (இ. 1950)
அண்மைய நாட்கள்: செப்டெம்பர் 14 – செப்டெம்பர் 16 – செப்டெம்பர் 17