ஐசான் (வால்வெள்ளி)

**C/2012 S1**
	; 2013 ஏப்ரல் 10-11 இல் ஹபிள் விண்வெளித் தொலைநோக்கியூடாக எடுக்கப்பட்ட சி/2012 எஸ்1 இன் படம்
கண்டுபிடிப்பு
கண்டுபிடித்தவர்(கள்):	04-மீ தெறிப்பியைக் கொண்டு; வித்தாலி நெவ்ஸ்க்கி, ; அர்த்தியோம் நவிச்சோனக்; (உருசியா); ஆகியோர்
கண்டுபிடித்த நாள்:	21 செப்டம்பர் 2012
சுற்றுவட்ட இயல்புகள் A
ஊழி:	14 டிசம்பர் 2013; (யூநா 2456640.5)
ஞாயிற்றண்மைத் தூரம்:	0.01244 வாஅ (q)
மையப்பிறழ்ச்சி:	1.0000020
சுற்றுக்காலம்:	வெளியேற்றப் பாதை (epoch 2050)
சாய்வு:	62.39°
அடுத்த அண்மைப்புள்ளி:	28 நவம்பர் 2013

சி/2012 எசு1 (C/2012 S1, ISON) அல்லது ஐசான் வால்வெள்ளி என்பது சூரியனைச் சுற்றிவரும் ஒரு வால்வெள்ளியாகும். இது 2012 செப்டம்பர் 21 அன்று பெலருசைச் சேர்ந்த வித்தாலி நெவ்ஸ்கி, உருசியாவைச் சேர்ந்த ஆர்த்தியோம் நோவிசோனக் ஆகியோரால் கண்டறியப்பட்டது. இந்த கண்டுபிடிப்பிற்கு பன்னாட்டு அறிவியல் ஓளிமப் பிணையத்தில் உள்ள 0.4 மீட்டர் (16") பிரதிபலிப்பு தொலைநோக்கி பயன்படுத்தப்பட்டது. இதன் உட்கரு 5 கிலோமீட்டர் (3.1 மைல்) விட்டமுடையது என கணிக்கப்பட்டுள்ளது.

பெயர்க் காரணம்[தொகு]

இவ் வால்வெள்ளிC/2012 S1, ISON என்று பெயர் பெற காரணம் உண்டு.^[4]

பெயரின் பகுதி	காரணம்
C	காலமுறையரற்ற(non-periodic) வால்வெள்ளி
2012	கண்டுபிடிக்கபட்ட ஆண்டு
S	செப்டம்பர் மாதம் இரண்டாவது பாதி (half-month)
S1	செப்டம்பர் மாதம் இரண்டாவது பாதியில் காணப்பட்ட முதல் வால்வெள்ளி
ISON	சர்வதேச ஒளி ஊடகக் கூட்டமைப்பு (ஐசான்) - வால்வெள்ளி கண்டுபிடிக்க பட்ட இடம்.

சிறப்பம்சங்கள்[தொகு]

சூரிய மண்டலத்துக்கு அடுத்துள்ள ஊர்ட் எனும் மேகப் பகுதியில் இருந்து இவ்வால்வெள்ளி வருகிறது.கடந்த 200 ஆண்டுகளில் பூமி கண்ட வால்வெள்ளிகள் யாவும் மீண்டும் மீண்டும் சூரியனையே சுற்றி வருபவை ஆகும். ஆனால் முதன்முறையாக சூரியனை நோக்கி வருகிறது இவ்வால்வெள்ளி.. மேலும் 'ஊர்ட்' மேகப் பகுதியில் இருந்து வரும் இந்த வால்நட்சத்திரம் சூரிய குடும்பம் தோன்றியபோது உருவானது. அதனால் அது சூரியக் குடும்பம் தோன்றிய காலத்தில் உள்ள தகவல்களைப் பத்திரமாக வைத்திருக்கும். அதன் மூலம் உலகம் தோன்றியதைப் பற்றி மேலும் புதிய ஆய்வுகளை முன்னெடுக்க உதவும்.^[5]

சூரியனை கடந்து செல்லுதல்[தொகு]

இது சூரியனை மிக நெருக்கமாகக் கடந்து செல்ல முயன்ற நிலையில், 28 நவம்பர் 2013 அன்று சூரிய ஈர்ப்பு விசையின் காரணமாக , கரு சிதைக்கப்பட்டு 2000 டிகிரி செல்சியஸ் வெப்பத்தில் உருகி ஆவியாகி நீரோடை போலச் சென்று மறைந்துவிட்டது. .^[6]^[7]^[8] இருப்பினும் இதன் சில பாகங்கள் இன்னும் அழியாமல் இருக்கக்கூடும் எனவும் சிலர் நம்பிக்கை தெரிவித்துள்ளனர்^[9]^[10].^[11] அமெரிக்காவின் நாசா ஆய்வுமையத்தின் சோஹோ லாஸ்கோ சி2 மற்றும் சி3 போன்ற தொலைநோக்கியில் பதிவான 76 படங்களில் உள்ளபடி ஐசானின் சிறிய தூசி மண்டலத் துண்டு சூரியனில் மோதியது போக மிச்சம் வளிமண்டலத்தில் மிதப்பதாக நம்பப்படுகிறது.^[12]