மதம் (நூல்)
நூல் மதம் என்பது நூல் எழுதுதலின் கோட்பாடு. இது சமயக் கோட்பாடு அன்று. நூல் கோட்பாடு. நாலாசிரியரின் உத்திக் கோட்பாடு. இந்தக் கோட்பாட்டை நன்னூல் 7 வகையினதாகப் பகுத்துக் காட்டுகிறது.[1]
அவை:
- உடன்படல் [2]
- மறுத்தல் [3]
- பிறர்தம் மதமேற் கொண்டு களைவே [4]
- தாஅன் நாட்டித் தனாது நிறுப்பே [5]
- இருவர் மாறுகோள் ஒருதலை துணிவே [6]
- பிறர்நூல் குற்றம் காட்டல் [7]
- ஏனைப் பிறிதொடு படாஅன் தன்மதம் கொளலே எந்தம் மோட்பாட்டையும் பின்பற்றாமல் தன் கோட்பாட்டை நிலைநாட்டல்
என்பன அந்த நூல் கோட்பாடுகள்.
அடிக்குறிப்பு[தொகு]
- ↑
எழு வகை மதமே உடன்படல் மறுத்தல்
பிறர்தம் மதமேற் கொண்டு களைவே
தாஅன் நாட்டித் தனாது நிறுப்பே
இருவர் மாறுகோள் ஒருதலை துணிவே
பிறர்நூல் குற்றம் காட்டல் ஏனைப்
பிறிதொடு படாஅன் தன்மதம் கொளலே (நன்னூல் 11) - ↑ முன்னோர் கருத்துக்களை ஏற்றுக்கொள்ளுதல்
- ↑ முன்னோர் கருத்தை மறுத்தல்
- ↑ முன்னோர் கருத்தை ஏற்றுக்கொண்டு அது பொருந்தாது என விலக்கல்
- ↑ தன் புதிய கருத்தை நிலைநாட்டுதல்
- ↑ முன்னோர் இருவரோ, பலரோ மருத்தில் மாறுபட்டு நிற்கும்போது, அவர்களில் யாராவது ஒருவரின் கருத்தினை மட்டும் ஏற்றுக்கொண்டு நூல் எழுதுதல்
- ↑ பிறர் நூலில் குற்றம் காணல்