தொல்காப்பியம் புறத்திணையியல் செய்திகள்

வாழ்க்கையை அகப்பொருள் என்றும், புறப்பொருள் என்றும் பகுத்துக் காண்பது தமிழர் நெறி. அகப்பொருளை அகத்திணை என்றும், புறப்பொருளைப் புறத்திணை என்றும் தொல்காப்பியம் குறிப்பிடுகிறது. புறத்திணை என்பது பொதுவாழ்க்கை. இந்தப் பொதுவாழ்க்கைப் பாங்கைக் கூறுவது இந்தப் புறத்திணையியல். அகத்திணையை 7 பிரிவுகளில் தொகுத்துக்கொண்ட தொல்காப்பியம் புறத்திணையையும் 7 பிரிவுகளாகக் கொள்கிறது. அத்துடன் அகத்திணையையும் புறத்திணையையும் ஒப்பிட்டும் காட்டுகிறது. புறத்திணைச் செய்திகள் 30 நூற்பாக்களில் சொல்லப்பட்டுள்ளன.

செய்திகள்

1. வெட்சித் திணை 14 வகை என்றும் அதன் துறைகள் 21 என்றும் கூறித் தொகுத்துக் காட்டப்பட்டுள்ளது.
   முதன்மைக் கட்டுரை: வெட்சித் திணை
2. வஞ்சித் திணையின் துறைகள் 13.
   முதன்மைக் கட்டுரை: வஞ்சித் திணை
3. உழிஞைத் திணை 8 வகை என்றும் 12 துறைகளைக் கொண்டது என்றும் காட்டப்படுகிறது.
   முதன்மைக் கட்டுரை: உழிஞைத் திணை
4. தும்பைத் திணையின் பகுதிகள் இரண்டு. துறைகள் 12.
   முதன்மைக் கட்டுரை: தும்பைத் திணை
5. வாகைத் திணையின் வகைகள் ஏழு. துறைகள் இரு பகுதிகளில் ஒன்பதாக உள்ளன.
   முதன்மைக் கட்டுரை: வாகைத் திணை
6. காஞ்சித் திணை என்பது தொல்காப்பியத்தில் நிலையில்லாத உலக வாழ்க்கை பற்றிய செய்திகளைக் கூறுவது.
   முதன்மைக் கட்டுரை: காஞ்சித் திணை
7. பாடாண் திணை என்பது ஆண்மகனையும், கடவுளையும் பாடுவது.
   முதன்மைக் கட்டுரை: பாடாண் திணை

துறை-விளக்கம், அகர வரிசை

• தொல்காப்பியம், புறத்திணை இயல், துறை விளக்கம்