சாந்தி ரமேஸ்
| சாந்தி நேசக்கரம் | |
|---|---|
| பிறப்பு | வலிகாமம் வடக்கு பலாலியை அண்டிய குப்பிளான் |
| தேசியம் | இலங்கைத் தமிழர் |
| மற்ற பெயர்கள் | ஜெர்மனி |
| அறியப்படுவது | ஈழத்து எழுத்தாளர் |
| உறவினர்கள் | மகன் பார்த்திபன், மகள் வவுனீத்தா |
சாந்தி நேசக்கரம் செருமனியில் வசிக்கின்ற ஈழத்து எழுத்தாளர். கவிதைகள், சிறுகதைகள் பலவற்றை எழுதியுள்ளார்.
வாழ்க்கைச் சுருக்கம்[தொகு]
சாந்தி யாழ் மாவட்டம் வலிகாமம் வடக்கு பலாலியை அண்டிய குப்பிளான் என்ற சிறு கிராமத்தில் பிறந்தார். இவரது தந்தையார் அரசியலில் ஈடுபட்டவர். சிறீலங்கா சுதந்திரக் கட்சியின் உறுப்பினர். இடம்பெயர்ந்து செருமனியில் , மகன் பார்த்திபன், மகள் வவுனீத்தா ஆகியோருடன் வசித்து வருகிறார். ஈழத்தின் வடக்குக் கிழக்குப்பகுதி மக்களின் வாழ்க்கையைக் கட்டியெழுப்புவதை நோக்காகக் கொண்டு "நேசக்கரம்" என்ற அமைப்பை உருவாக்கி, உதவிப் பணிகளைச் செய்து வருகிறார்.
எழுத்துலகில்[தொகு]
சாந்தி எழுதத் தொடங்கியது 13வயதில். 1990 இல் விடுதலைப் புலிகளின் கலை, பண்பாட்டுக் கழகத்துடனான தொடர்பு அவரை குறிப்பிடத்தக்க எழுத்தாளராக்கியது. கவிதை, நாடகம், சிறுகதையெனப் பலவற்றை எழுதினார்.
வெளியிட்ட நூல்கள்[தொகு]
- இன்னொருகாத்திருப்பு (கவிதைத்தொகுப்பு-2000)
- அழியாத ஞாபகங்கள் (கவிதைத்தொகுப்பு 2001)
- கலையாத நினைவுகள் (சிறுகதைத்தொகுப்பு 2002)
- உயிர்வாசம் (கவிதைத்தொகுப்பு 2005)
- கண்கள் எழுதிய கவிதையின் கடைசிச்சொட்டு (கவிதைத்தொகுப்பு 2012)
- உயிரணை (நாவல் 2016)