பேச்சு:யானை

யானை எனும் இக்கட்டுரை முதற்பக்கத்தில் காட்சிப்படுத்திய கட்டுரைகளில் ஒன்று.

Wikipedia

செல்வா,

• இணையத்தில் தேடியதில் தந்தங்களுடன் கூடிய இலங்கை யானைகள் அரிது என்றே குறிப்பிடப்பட்டுள்ளது.
• மற்றொன்று, சவான்னா யானைகள். இவை ஆப்பிரிக்க யானையின் ஒரு சிற்றினம் என்றுள்ளது. சாவா (JAVA?) யானை என்பது அதில் காணப்படவில்லை.
• ஏனைய மாற்றங்கள் மிகவும் நன்று.
• சிங்கம் என்பதற்கு இணையாக அரிமா என்ற சொல்லை ஆண்டுள்ளீர்கள். சிங்கம் - சிம்ஹம் என்பதன் திரிபா?
• யானையின் தந்தங்கள் முன்னம்பற்கள் (Incisors) என்று குறிப்பிடப்பட்டுள்ளன.

--Sivakumar ^{\பேச்சு} 16:11, 17 பெப்ரவரி 2007 (UTC)

இலங்கைப் பெண் யானைகளுக்குத் தந்தம் இல்லையென்றே நினைக்கிறே. தந்த முள்ள, தந்தமற்ற ஆண் யானைகள் உண்டு. தந்தமுள்ள ஆண் யானைகள் குறைந்து வருகின்றன. ஆனால் உள்ளன. --கோபி 16:17, 17 பெப்ரவரி 2007 (UTC)

சிவகுமார், கோபி நன்றி. சிவகுமாருக்கு என் நெஞார்ந்த நன்றிகள். இந்த யானை கட்டுரையை கிக நேர்த்தியாய் வளர்த்தெடுத்துள்ளார்கள். பல நல்ல கருத்துக்கள் சேர்க்க வேண்டியுள்ளன (இந்திய யானைக்கும் ஆப்பிரிக்க யானைக்கும் இடையே உள்ள வேறுபாடுகள் - கால் நகம், துதுக்கிகை நுனி (இரண்டு நுனி, ஒருநுனி), காதுகளின் அமைப்பு, பழக்குவதில் உள்ள வேறுபாடுகள் முதலியன). பின்னர் வந்து எழுதுகிறேன். இப்பொழுது சுமார் 5-7 மணிநேரம் பங்குகொள்ள இயலாது. சிவகுமார் மீண்டும் என் நெஞ்சார்ந்த பாராட்டுக்கள். இக்கட்டுரை சிறப்புக் கட்டுரையாக வடிவெடுக்க வேண்டும்.--செல்வா 16:51, 17 பெப்ரவரி 2007 (UTC)

அரிமா எனும் பெயர்புழக்கம் இலங்கையில் இல்லை சிங்கம் என்றே கூறப்படுகின்றது.சிங்களதிலும் சிங்ஹ என அழக்கப்படுகின்றது.மற்றும் யானை இலங்கையின் தேசிய விலங்காகும்.பௌத்த இந்துமதச்சடங்குகளில் யானை முன்னிலைவகிப்பதையும் போரில் யானைப்படை பயன்படுத்தப்பட்டது பற்றியும் குறிப்பெடுத்துஎழுத பரிந்துரைக்கின்றேன்.மாமன்னர் அலெக்சாண்டர் கூட இந்திய யானைப்படைகளை கண்டு பயந்ததாக வரலாறு படித்ததுண்டு --கலாநிதி 17:27, 18 பெப்ரவரி 2007 (UTC)

தமிழ்நாட்டில் சிங்கம் என்பது பெரிதும் பேச்சு வழக்கில் உள்ள சொல். இதை ஒதுக்கத் தேவை இல்லை. அதே வேளை அரிமா என்பதும் தமிழ்நாட்டில் புரிந்து கொள்ளத் தக்கதே. Lions club போன்றவற்றை அரிமா சங்கம் என்றே அழைக்கிறோம். --Ravidreams 18:33, 18 பெப்ரவரி 2007 (UTC)

இக் கட்டுரையை இன்னும் சிறிது திருத்தி வளர்த்தெடுத்தால் நல்ல கட்டுரைகளில் ஒன்றாகவோ சிறப்புக் கட்டுரையாகவோ ஆக்கலாம். --செல்வா 13:42, 31 மார்ச் 2007 (UTC)

இன்று ஹபரணயில் வைத்து யானைகளைப் படமெடுத்துள்ளேன். இன்னமும் சோதித்துத் பார்க்கவில்லை. நன்றாகவிருந்தால் பொதுவிக்கி (விக்கிகாமன்ஸ்) நாளை பதிவேற்றிவிடுகின்றேன். --Umapathy 13:51, 31 மார்ச் 2007 (UTC)

உமாபதி, செய்யுங்கள்! நன்றாக இருக்கும்! --செல்வா 14:04, 31 மார்ச் 2007 (UTC)

உமாபதி, படம் என்றாக வந்துள்ளது. பாராட்டுகள்.--செல்வா 14:12, 1 ஏப்ரல் 2007 (UTC)

நன்றி செல்வா, மேலும் இப்போது இல்லவிட்டாலும் வேறுபடங்கள் எடுக்க முடியும் என்றால் எடுத்துப் மேலேற்றிவிடுகின்றேன். --Umapathy 14:22, 1 ஏப்ரல் 2007 (UTC)

தகவல் சுருக்கம்

அளவு

• உயரம் (ஆண், பெண்)
• நிறை (ஆண், பெண்)

உயிர்ப்பெருக்கம்

• பாலியல் முதிர்ச்சி: ?? வயது
• பாலியல் உறவுக் காலம்
• Gestation
• குட்டிகள் எண்ணிக்கை

வாழ்வுமுறை

• வாழ்விடம்/வாழ்வுச்சூழல்
• குடும்பமுறை
• தொடர்பாடல் முறை
• உணவு
• வாழ்வுக்காலம்

மதப்பாடு

ஆன் யானைகள் பாலுணர்வு மிகுந்து கலவிக்கு எத்தனிக்கையில் அவற்றிற்கு ஏற்படும் உடலியக்க, நடத்தை மாற்றங்களைப் பற்றி கட்டாயம் எழுத வேண்டும். இதற்கு மதம் பிடித்தல் சரியான சொற்றொடர்தானா? மலையாள விக்கி கட்டுரையில் (http://transliterator.blogspot.com/ கொண்டு படித்ததில்) மதப்பாட் என்று தரப்பட்டுள்ளது. ஆங்கிலத்தில் musth என்கின்றனர். -- சுந்தர் ^{\பேச்சு} 14:59, 21 மே 2008 (UTC)

ஆம் சுந்தர், தமிழில் தேம், மைந்து, மையல், மதம் ஆகிய சொற்கள் இதனைக் குறிக்க ஆள்கின்றனர். இலக்கியச் சான்றுகளுடன் சென்னை பல்கலை அகரமுதலி சுட்டுவதைப் பார்க்கலாம். சில இலைகளை இடுவதால் ஏற்படும் மதத்தை இடுகளி என்றும் குறித்துள்ளனர்.--செல்வா 15:12, 21 மே 2008 (UTC)

மதம் பிடித்தல் என்னும் சொல்லாட்சி குறைந்தது இரு பொருளில் ஆளப்படும் என்று நினைக்கிறேன். முற்காலத்தில் போரில் யானையை பயன்படுத்துவர். அப்பொழுது கோட்டை வாயில்களை இடித்து மோதி திறப்பதற்கு யானைகளைப் பயன்படுத்துவர். போரில் அம்புகளை பிற ஆயுதங்களையும் பொருட்படுத்தாது முன்னேறும் யானைகளுக்கு தனக்கேற்படும் வலி தெரியாமல் இருக்கவும், முரட்டுத்தனமாக போரிடவும் வெறியூட்டுதல் அல்லது மதம் பிடிக்கச்செய்தல் என்பார்கள். மதநீர் வடிவதாகவும் கூறுவார்கள். அது வேறு ஆனால், இணைவிழைப்பால் "கொழுத்து" நடப்பது வேறு மதம். இந்த இரண்டாவது வகையைத் தேம், மைந்து, மையல் என்று கூறுவார்கள். மதம் என்பது இரண்டிற்கும் பயன்படலாம். இடுகளி என்பது வலிந்து வெறியூட்டுவதற்காகமட்டும் பயன்படுமா என்று அறியேன். இடுகளி என்பது புணர்ச்சி உணர்வு தூண்டுவதற்காகவும் இருக்கலாமோ என்று அறியேன். --செல்வா 15:23, 21 மே 2008 (UTC)

தெளிவிற்கு நன்றி செல்வா. இதே ஐயத்தினாலேயே பொருத்தம் பற்றிக் கேட்டேன். -- சுந்தர் ^{\பேச்சு} 15:37, 21 மே 2008 (UTC)

இனைப்பு

இந்த பக்கங்ளில் உள்ள விசயங்களை யாரேனும் அட்டவனையில் இட்டால் நன்றாக இருக்கும் http://envfor.nic.in/pe/population_we.pdf http://envfor.nic.in/pe/ehabitat.pdf http://envfor.nic.in/pe/eprotected_areas.pdf

பெயர்கள்

யானைக்கு தமிழில் 44 பெயர்கள் இருப்பதாக அறிகிறேன். ஆனால் அவற்றின் பட்டியல் என்னிடம் இல்லை. யாரேனும் அவற்றைத் தொகுத்தால் நன்றாக இருக்கும். Y ஆயிற்று காண்க: யானையின் தமிழ்ப்பெயர்கள்-- பார்வதிஸ்ரீ (பேச்சு) 17:13, 26 செப்டெம்பர் 2012 (UTC)