ஹம்சத்வனி

கட்டற்ற கலைக்களஞ்சியமான விக்கிப்பீடியாவில் இருந்து.

ஹம்சத்வனி 29 ஆவது மேளகர்த்தா இராகமாகிய, "பாண" என்றழைக்கப்படும் 5வது சக்கரத்தின் 5வது மேளமாகிய சங்கராபரணத்தின் ஜன்னிய இராகம் ஆகும். எப்போதும் பாடக் கூடிய இவ்விராகம் ஔடவ இராகம் ஆகும்.

இதர அம்சங்கள்[தொகு]

ஹம்சத்வனி சுரங்கள் C யிலிருந்து தொடக்கம்
ஆரோகணம்: ஸ ரி23 ப நி3 ஸ்
அவரோகணம்: ஸ் நி3 ப க3 ரி2
  • இந்த இராகத்தில் ஷட்ஜம், சதுஸ்ருதி ரிஷபம் (ரி2), அந்தர காந்தாரம் (க3), பஞ்சமம், காகலி நிஷாதம் (நி3) ஆகிய சுரங்கள் வருகின்றன.
  • ஆரோகண அவரோகணத்தில் ம, த வர்ஜம். இது உபாங்க இராகம் ஆகும்.
  • மூர்ச்சனாகாரக இராகம். இதன் பஞ்சம மூர்ச்சனையே நாகஸ்வராளி இராகம் ஆகும்.
  • ஜண்டை சுரக்கோர்வைகளும், தாட்டு சுரக்கோர்வைகளும் இவ்விராகத்திற்கு இனிமையைக் கொடுக்கின்றன.
  • அரங்கிசை நிகழ்ச்சிகளிலும், பிற நிகழ்ச்சிகளிலும் தொடக்கத்தில் பாடுவதற்கு மிகப் பொருத்தமான இராகம். வீரச்சுவை நிரம்பியது.
  • முத்துஸ்வாமி தீஷிதர் அவர்களின் தந்தையாகிய இராமசாமி தீஷிதர் (1735-1817) இந்த இராகத்தைக் கண்டுபிடித்ததாகச் சொல்லப்படுகின்றது.

உருப்படிகள்[தொகு]

  1. வர்ணம் : "ஜலஜாக்ஷா" - ஆதி - மானம்புசாவடி வெங்கடசுப்பைய்யர்.
  2. கிருதி : "வாதாபி கணபதீம்" - ஆதி - முத்துஸ்வாமி தீட்சிதர்.
  3. கிருதி : "ரகு நாயகா" - ரூபகம் - தியாகராஜர்.
  4. கிருதி : "கந்தனைக் காணாமல்" - ஜம்பை - பெரியசாமி தூரன்.
  5. திருவருட்பா : "தயாகி தந்தையும்" - கண்ட சாபு - இராமலிங்க அடிகள்.


ஹம்சத்வனி இராகத்தில் அமைந்த திரையிசைப் பாடல்கள்[தொகு]

  1. சிறீரங்க ரங்கநாயகி... - மகாநதி
  2. வா வா வா கண்ணா வா... - வேலைக்காரன்
  3. திறக்காதக் காட்டுக்குள்ளே... - என் சுவாசக் காற்றே
  4. தேர்கொண்டுவந்தவன்... - எனக்குள் ஒருவன்
  5. மௌனம்யாவும் மலரும்... - மயூரி
  6. காலம் மாறலாம்... - வாழ்க்கை

மேற்கோள்கள்[தொகு]


வெளியிணைப்புகள்[தொகு]

  • Raga Hamsadhwani - டி. எம். கிருஷ்ணாவின் வாய்ப்பாட்டுக் காணொலி
"https://ta.wikipedia.org/w/index.php?title=ஹம்சத்வனி&oldid=2486944" இலிருந்து மீள்விக்கப்பட்டது