ஹென்ரியேட்டா லீவிட்

ஹென்ரியேட்டா சுவான் லீவிட் Henrietta Swan Leavitt
பிறப்பு	சூலை 4, 1868
பிறப்பிடம்	லான்காஸ்டர், மாசசூசெட்ஸ், ஐக்கிய அமெரிக்கா
இறப்பு	திசம்பர் 12 1921 (அகவை 53)
இறப்பிடம்	கேம்பிரிட்ஜ், மாசசூசெட்ஸ், ஐக்கிய அமெரிக்கா
தேசியம்	அமெரிக்கர்
துறை	வானியல்
பணி நிறுவனம்	ஹார்வர்டு பல்கலைக்கழகம்
கல்வி கற்ற இடங்கள்	கேம்பிரிட்ஜ் கல்லூரி
அறியப்படுவது	ஒளிமிகு விண்மீன்களின் வேகம்-ஒளிர்திறன் வேறுபாடு

ஹென்ரியேட்டா சுவான் லீவிட் (Henrietta Swan Leavitt, சூலை 4, 1868 - டிசம்பர் 12, 1921) அமெரிக்க வானவியலாளர். நமது இடத்திலிருந்து அதி தொலைவில் உள்ள அண்டங்கள் மற்றும் ஒளிமிகு விண்மீன்களின் தொலைவைத் துல்லியமாகக் கணிக்கும் வழியைக் கண்டறிந்து கூறிய இருபதாம் நூற்றாண்டின் பெண் வானவியலாளர்.

வாழ்வும் பணியும்

ஹென்ரியேட்டா லீவிட் மாசசூசெட்ஸ்-ல் உள்ள லான்கேச்டெர் என்ற இடத்தில் பிறந்தவர். 1892-ல் அமெரிக்காவின் ரெட்கிளிஃப் கல்லூரியில் பட்டம் படித்தார். 1880 முதல் ஹார்வாட் வானாராய்ச்சி நிலையத்தில் எடுக்கப்பட்ட பல ஆயிரக்கணக்கான புகைப்படத் தட்டுகளை ஆய்வு செய்யப் பெண்கள் பலர் நியமிக்கப்பட்டிருந்தனர். அப்பணியில் 1983-ல் ஹென்ரிட்டா லீவிட்டும் ஈடுபட்டார். அக்காலத்தில் தொலைநோக்கியை இயக்க பெண்கள் அனுமதிக்கப்படவில்லை. இந்தப் புகைப்படத் தட்டுகளில் பல விண்மீன்கள், நெபுலாக்கள் போன்றவற்றின் நிறமாலை போன்ற விவரங்களும் இருந்தன. இவற்றில் சீபிட்ஸ் (Cepheid Variable Stars) என்றழைக்கப்பட்ட குறிப்பிட்ட வகை விண்மீன்களின் ஒளி மாறுபாட்டு வேகமும், அவற்றின் ஒளிர் திறனும் (Luminosity) நேர் விகிதத்தில் இருப்பதைக் கண்டார். இக்கண்டுபிடிப்பை அவர் 1908 ஆம் ஆண்டு நிகழ்த்தினார்.

வான்பொருளின் தொலைவைக் கண்டறிதல்

ஒருவிண்மீனின் ஒளி குறைந்து பின்னர் மீளும் காலம் இரண்டு நாள்கள் எனக் கொண்டால் இதனை அந்த விண்மீனின் ஒளி மாறுபாட்டுக் காலம் என அழைப்பர். இதனை வரைபடம் மூலமாக வகுத்துத் தந்தவர் ஹென்ரிட்டா லீவிட் ஆவார். இதன் மூலம் பேரண்டவியல் கொள்கைக்கு வித்திட்டவர் ஆனார்.

உசாத்துணை

'அறிவியல் ஒளி' -நவம்பர் 2008 இதழ். முனைவர் ஐயம்பெருமாள்- செயல் இயக்குநர், தமிழ்நாடு அறிவியல் தொழில் நுட்பமையம் சென்னை-25. எழுதிய 'வானவியல் முன்னோடிகள்' என்ற கட்டுரை.

இவற்றையும் காண்க

• http://www.britannica.com/EBchecked/topic/334136/Henrietta-Swan-Leavitt
• http://www.womanastronomer.com/hleavitt.htm
• http://www.pbs.org/wgbh/aso/databank/entries/baleav.html
• http://apod.nasa.gov/apod/ap981027.html
• http://web.mit.edu/invent/iow/leavitt.html
• http://www.kidsastronomy.com/leavitt.html
• http://starchild.gsfc.nasa.gov/docs/StarChild/shadow/cepheids.html
• http://www.eaae-astronomy.org/WG3-SS/WorkShops/Hubble.html
• http://physics.weber.edu/carroll/expand/Leavitt.html
• http://madscientistsofetsy.blogspot.com/2010/03/ada-lovelace-and-henrietta-swan-leavitt.html