ஹனோய்

கட்டற்ற கலைக்களஞ்சியமான விக்கிப்பீடியாவில் இருந்து.
தாவிச் செல்லவும்: வழிசெலுத்தல், தேடல்
ஹ னோய்
ஹ னோய்
(இடமிருந்து) மேல்: லோங் பியென் பாலம், நறுமணப் பகோடா, நடு: ஆமைக் கோபுரம், கீழ்: இலக்கியக் கோயில், ஹோ சி மின் நினைவிடம், ஹனோய் அரங்கு
(இடமிருந்து) மேல்: லோங் பியென் பாலம், நறுமணப் பகோடா, நடு: ஆமைக் கோபுரம், கீழ்: இலக்கியக் கோயில், ஹோ சி மின் நினைவிடம், ஹனோய் அரங்கு
Official logo of
ஹனோயின் சின்னம்
வியட்நாமில் அமைவிடம்
வியட்நாமில் அமைவிடம்
அமைவு: 21°2′0″N 105°51′00″E / 21.03333, 105.85
நாடு {{{பெயர் விகுதியுடன்}}} கொடி வியட்நாம்
மத்திய நகர் ஹ னோய்
தாய் வியெட்டின் தலைநகராக உருவாக்கம் 1010
வியட்நாமின் தலைநகர் செப்டெம்பர் 2, 1945
இடப்பெயர் ஹனோயர்
பரப்பளவு
 - நகரம் 3,344.7 கிமீ²  (1,291.4 ச. மைல்)
 - புறநகர் 186.22 கிமீ² (71.9 ச. மைல்)
மக்கள் தொகை (2009)
 - நகரம் 6
 - அடர்த்தி /கிமீ² (./ச. மைல்)
நேர வலயம் ICT (ஒ.ச.நே.+7)
இணையத்தளம்: hanoi.gov.vn

ஹனோய் (இந்த ஒலிக்கோப்பு பற்றி listen) வியட்நாமின் தலைநகரமும் அந்நாட்டின் இரண்டாவது பெரிய நகரமுமாகும். 2009 மதிப்பீட்டின்படி இதன் நகர்ப்புறச் சனத்தொகை 2.6 மில்லியனும்,[1] புறநகர்ச் சனத்தொகை 6.5 மில்லியனும் ஆகும்.[2] 1010இலிருந்து 1802வரை, வியட்நாமின் முக்கிய அரசியல் மையமாகவும் திகழ்ந்தது. ஙுயென் வம்ச (1802 -1945) ஆட்சிக்காலத்தில் ஆட்சித் தலைநகர் ஹூ நகருக்கு மாற்றப்பட்டது. எனினும் 1902இலிருந்து 1954 வரை பிரெஞ்சு இந்தோசீனாவின் தலைநகராக ஹனோய் செயற்பட்டது. 1954இலிருந்து 1976வரை வட வியட்நாமின் தலைநகராகவும், 1976இல் வியட்நாம் போரில் வடவியட்நாமின் வெற்றியைத் தொடர்ந்து ஒன்றிணைந்த வியட்நாமின் தலைநகராகவும் செயற்பட்டது.

இந்நகரம் செவ்வாற்றின் வட கரையில் அமைந்துள்ளது. ஹனோய் நகர், ஹோ சி மின் நகருக்கு வடக்கே 1,760 கிமீ (1 மை) தொலைவிலும், ஹாய் ஃபோங் நகருக்கு மேற்கே 120 கிமீ (75 மை) தொலைவிலும் அமைந்துள்ளது.

ஒக்டோபர் 2010ல் இந்நகர் நிறுவப்பட்டதன் ஆயிரம் ஆண்டு நிறைவு கொண்டாடப்பட்டது.[3] இந்நிகழ்வைச் சிறப்பிக்கும் விதத்தில் 4கிமீ நீளமுடைய ஹனோய் பீங்கான் புடைப்புச் சித்திரம் உருவாக்கப்பட்டுள்ளது.

2019 ஆசிய விளையாட்டுப் போட்டிகள் இந்நகரத்திலேயே நடத்தப்படவுள்ளன.

பெயர்கள்[தொகு]

ஹனோய் () நகரம் வரலாறு முழுவதும் பல்வேறு பெயர்களால் அழைக்கப்பட்டுள்ளது. இவை அனைத்தும் சீனோ-வியட்நாமிய மூலத்தைக் கொண்டுள்ளன. வியட்நாம் சீன ஆதிக்கத்தின் கீழ் இருக்கையில் முதலில் லோங் பியென் எனவும், பின்னர் தொங் பின் , "சொங் சமாதானம்") மற்றும் லோங் தோ (, "டிராகன் வயிறு") எனவும் அழைக்கப்பட்டது. 866ல், இது ஒரு கோட்டையாக மாற்றப்பட்டு தாய் லா (, "பெரிய வலை") எனப் பெயரிடப்பட்டது.

வரலாறு[தொகு]

வரலாற்றுக்கு முற்பட்ட காலம்[தொகு]

ஹனோய் நகரில் மனிதர்கள் கிமு 3000 ஆண்டளவிலேயே குடியேறியுள்ளனர். அறியப்பட்ட முதல் நிரந்தரக் குடியேற்றங்களுள் கிமு 200ல் அமைக்கப்பட்ட கோ லோ கோட்டை குறிப்பிடத்தக்கது.

வார்ப்புரு:Infobox Chinese

1000 ஆண்டுகால சீன ஆட்சி[தொகு]

கிமு 197ல், ஹான் ஆக்கிரமிப்பாளர்களால் ஔ லாக் நாடு இணைக்கப்பட்டது. இது 1000 ஆண்டுகால சீன ஆதிக்கத்துக்கு வித்திட்டது. 5ம் நூற்றாண்டின் நடுப்பகுதியில் சீன ஆட்சியாளர்கள் பண்டைய ஹனோயின் நடுப்பகுதியில் தொங் பின் எனப்படும் புதிய மாவட்டமொன்றை உருவாக்கினர். பின்னர் இதனுடன் செவ்வாற்றின் தெற்கேயுள்ள ஙியா ஹோய் மற்றும் துய் நிங் (தற்போதைய து லியெம் மற்றும் ஹோய் டக் மாவட்டங்கள்) ஆகிய இரு மாவட்டங்களும், தற்போதைய ஹனோயின் உட்பகுதியிலுள்ள நகர்ப் பகுதியும் சேர்க்கப்பட்டு ஒரு மாகாணமாக்கப்பட்டது. 679ம் ஆண்டளவில், தாங் வம்சம் (சூ வம்சத்தின் பின்னர்) நாட்டின் பெயரை அன்னாம் (அமைதியான தெற்கு) என மாற்றியதோடு, நாட்டின் தலைநகராக தொங் பின்னையும் தெரிவு செய்தது. [4]

8ம் நூற்றாண்டின் பிற்பாதியில், மக்களின் கிளர்ச்சியை அடக்கும் வகையில், தாங் வம்ச ஆளுநரான துரோங் பா ஙி என்பவன், லா தாங்கை(லா கோட்டை,து லீயிலிருந்து இன்றைய பா திங் புறநகர்ப்பகுதியிலுள்ள கான் ஙுஆ வரை) உருவாக்கினான். 9ம் நூற்றாண்டின் முற்பாதியில், இது மேலும் மெருகூட்டப்பட்டு கிம் தாங் (கிம் கோட்டை) என அழைக்கப்பட்டது. 866ல், சீன ஆளுநரான காஓ பியென் ஆட்சியை நிறுவி இதனை தாய் லா கோட்டை (கான் ஙுஆவிலிருந்து பா தாஓ வரை) எனப் பெயர் மாற்றினான். இதுவே பண்டைய ஹனோயின் மிகப்பெரிய கோட்டையாகும்.[4]

தாங் லோங், தொங் தோ, தொங் கான், தொங் கின்[தொகு]

1010ல், லி வம்சத்தின் முதல் ஆட்சியாளரான லி தாய் தோ தாய் வியட்டின் தலைநகரை தாய் லா கோட்டைக்கு மாற்றினான். செவ்வாற்றின் மேலாக டிராகன் ஒன்று பறந்ததைக் கண்டதாகக் குறிப்பிட்டு இவன் இவ்விடத்தை தாங் லோங் (, "மேலெழும் டிராகன்") எனப் பெயரிட்டான். இப் பெயர் தற்போதும் கவிதைகளில் குறிப்பிடப்படுகிறது.1397 வரை தாய் வியட்டின் தலைநகராக தாங் லோங் விளங்கியது. பின்னர் தலைநகர் தாங் ஹோவுக்கு மாற்றப்பட்டு தாய் தோ (西), அதாவது "மேற்குத் தலைநகர்" என அழைக்கப்பட்டது. தாங் லோங் பின்னர் தொங் தோ (), அதாவது "கிழக்குத் தலைநகர்" என அழைக்கப்பட்டது.

1408ல், சீனாவின் மிங் வம்சம் வியட்நாமைத் தாக்கிக் கைப்பற்றியதுடன், தொங் தோவின் பெயரை வியட்நாமிய மொழியில் தொங் கான் (சீனம்: , Dōngguān) அதாவது, "கிழக்கு வாயில்" எனப் பெயர் மாற்றம் செய்தது. 1428ல், லீ லோயின் தலைமையில் ஒன்றிணைந்த வியட்நாமியர் சீனர்களைத் தோற்கடித்தனர். லீ லோய் பின்னர் லீ வம்சத்தைத் தோற்றுவித்ததோடு, தொங் கானை தொங் கின் (, "கிழக்குத் தலைநகர்") அல்லது டொங்கின் எனப் பெயரிட்டான். தாய் சோன் வம்சத்தின் முடிவைத் தொடர்ந்து இது பாக் தான் (, "வடக்குக் கோட்டை") எனப் பெயரிடப்பட்டது.

ஙுயென் வம்ச ஆட்சி மற்றும் பிரெஞ்சு குடியேற்றக் காலம்[தொகு]

1802ல், ஙுயென் வம்சம் நிறுவப்பட்டு தலைநகர் ஹூவுக்கு மாற்றப்படுகையில், பண்டைய பெயரான தாங் லோங் (, "மேலெழும் மற்றும் வளமுறும்") மீண்டும் பயன்படுத்தப்பட்டது. 1831ல், ஙுயெம் பேரரசரான மிங் மாங் இவ்விடத்தை ஹ னோய் ( "நதிகளுக்கிடையில்" அல்லது "நதியின் உட்புறம்") எனப் பெயரிட்டான். 1873ல் ஹனோய் பிரான்சினால் ஆக்கிரமிக்கப்பட்டு, பத்து வருடங்களின் பின் அவர்களிடமே கையளிக்கப்பட்டது. 1887ன் பின், இது ஹனோய் எனும் பெயரில் பிரெஞ்சு இந்தோசீனாவின் தலைநகரானது.

இரு போர்கள்[தொகு]

1940ல் இந்நகர் சப்பானியர்களால் ஆக்கிரமிக்கப்பட்டு 1945ல் விடுவிக்கப்பட்டது. பின்னர் ஹோ சி மின் சுதந்திர வியட்நாமை அறிவித்ததைத் தொடர்ந்து சிறிது காலம் வியட் மின் அரசாங்கத்தின் இருப்பிடமாக விளங்கியது. எவ்வாறாயினும் 1946ல் பிரான்சியர் இதனை மீளக் கைப்பற்றினர். பிரான்சியருக்கும் வியட் மின் படைகளுக்குமிடையிலான ஒன்பது வருட கால மோதலைத் தொடர்ந்து, 1954ல் சுதந்திர வட வியட்நாமின் தலைநகராக ஹனோய் அறிவிக்கப்பட்டது.

வியட்நாம் போரின்போது, பாலங்கள் மற்றும் புகையிரதப் பாதைகள் மீதான குண்டுவீச்சுக்களால் ஹனோயின் போக்குவரத்து வசதிகள் மிகவும் பாதிக்கப்பட்டது. எவ்வாறாயினும் இவையனைத்தும் உடனடியாகத் திருத்தப்பட்டன. போர் முடிவடைந்ததையடுத்து, சூலை 2, 1976ல் வட மற்றும் தென் வியட்நாம்கள் ஒன்றிணைக்கப்பட்டு ஹனோய் அதன் தலைநகரானது.

நவீன ஹனோய்[தொகு]

ஆகத்து 1, 2008இலிருந்து, ஹா தாய் மாகாணம், வின் ஃபூக் மாகாணத்தின் மீ லின் மாவட்டம் மற்றும் ஹோ பின் மாகாணத்தின் லோங் சோன் மாவட்டத்தின் 4 கொம்யூன்கள் என்பன ஒன்றிணைக்கப்பட்டு ஹனோய் பெருநகர்ப் பகுதியாக்கப்படுவதாக மே 29, 2008 அன்று முடிவெடுக்கப்பட்டது.[5] இதன் மூலம் 29 உப பிரிவுகளுடன் ஹனோயின் மொத்தப் பரப்பளவு 334,470 ஹெக்டேயராக உயர்ந்ததோடு[6] மொத்த மக்கள்தொகை 6,232,940 ஆகவும் மாறியது.[6] இதன் மூலம் இதன் அளவு மூன்று மடங்கானது. 2020ம் ஆண்டளவில் பெருநகர்ப் பகுதியான ஹனோய் தலைநகரப் பகுதி (Vùng Thủ đô Hà Nội) ஹனோய் மற்றும் 6 அயல் மாகாணங்களை தனது நிர்வாகத்தின் கீழ் கொண்டு வார்ப்புரு:Convert/LoffAoutDbSoffவார்ப்புரு:Convert/track/abbr/out பரப்பளவையும் 15 மில்லியன் சனத்தொகையையும் கொண்டிருக்கும்.

ஹனோய் நகரம் அண்மைக்காலங்களில் கட்டட அதிகரிப்பைச் சந்தித்துள்ளது. புதிய மாநகரப் பகுதிகளில் உருவாகும் வானளாவிய கட்டடங்கள் ஹனோயின் காட்சியை பெருமளவில் மாற்றியுள்ளன. இசுகைசுகிராபர்சிற்றி இணையத்தளத்தின்படி, 2013ல், ஹனோயிலுள்ள இரு உயரமான கட்டடங்கள் ஹனோய் லான்ட்மாக் 72 டவர் (336மீ, வியட்நாமிலேயே உயரமானதும் மலேசியாவின் பெட்ரோனாசு இரட்டைக் கோபுரங்களுக்கு அடுத்ததாக தென்கிழக்காசியாவிலேயே உயரமானதுமாகும்) மற்றும் ஹனோய் லொட்டே மையம்(267மீ, வியட்நாமில் இரண்டாவது உயரமானது) என்பனவாகும்.

காலநிலை[தொகு]

செய்மதியூடான ஹனோயின் தோற்றம்

ஹனோய் நகர் ஈரப்பதனான அயன அயல் மண்டலக் காலநிலையைக் (கோப்பென் Cwa) கொண்டுள்ளதோடு, அதிக படிவுவீழ்ச்சியையும் கொண்டுள்ளது. இந்நகரம் வட வியட்நாமின் வழமையான காலநிலையான, வெப்பமான ஈரப்பதனுள்ள கோடை காலத்தையும், குளிரான வரண்ட குளிர்காலத்தையும் அனுபவிக்கிறது. மேயிலிருந்து செப்டம்பர் வரையிலான காலம் வெப்பமான ஈரப்பதனுள்ள கோடை காலமாகும். வருட மழைவீழ்ச்சியான 1,680 millimetres (66.1 அங்குலம்)ல் பெரும்பாலான அளவு இக்காலப்பகுதியில் கிடைக்கிறது. நவம்பரிலிருந்து மார்ச் வரையான காலப்பகுதி மென்மையான குளிர்காலமாகும். இதன் முற்பாதி வரட்சியாகவும், பிற்பாதி ஈரப்பதனுடனும் காணப்படும். எனினும், இளவேனிற்காலத்தில் (ஏப்ரல்) சிறிய மழைவீழ்ச்சி கிடைக்கிறது. இக்காலப்பகுதியில் குறிப்பாக ஹலோங் குடாவைச் சுற்றியுள்ள பகுதிகள் சிறிது குளிராகக் காணப்படும் என்பது குறிப்பிடத்தக்கது. இலையுதிர்காலப் பகுதியே (ஒக்டோபர்) மிகவும் சிறப்பான காலநிலைப் பகுதியாகும். குளிர்காலத்தில் இந்நகரம் வழமையாக மேக மூட்டத்துடனும், பனி மூட்டத்துடனும் காணப்படும். பெப்ரவரி மாதத்தின் சராசரி மாதாந்த சூரிய ஒளி நேரம் ஒரு நாளுக்கு 1.8 மணிநேரங்கள் மாத்திரமேயாகும்.

வெப்பநிலை வீச்சுக்கள் 2.7 °C (36.9 °F) இலிருந்து 40.4 °C (வார்ப்புரு:Convert/sroundT0 °F) வரையாகக் காணப்படுகின்றன.[7]

தட்பவெப்ப நிலை தகவல், ஹனோய் (1898-1990)
மாதம் சன பிப் மார் ஏப் மே சூன் சூலை ஆக செப் அக் நவ திச ஆண்டு
உயர் சராசரி °C (°F) 19.3
(66.7)
19.9
(67.8)
22.8
(73)
27.0
(80.6)
31.5
(88.7)
32.6
(90.7)
32.9
(91.2)
31.9
(89.4)
30.9
(87.6)
28.6
(83.5)
25.2
(77.4)
21.8
(71.2)
27.0
(80.6)
தினசரி சராசரி °C (°F) 16.5
(61.7)
17.5
(63.5)
20.5
(68.9)
24.2
(75.6)
27.9
(82.2)
29.2
(84.6)
29.5
(85.1)
28.8
(83.8)
27.8
(82)
25.3
(77.5)
21.9
(71.4)
18.6
(65.5)
23.98
(75.16)
தாழ் சராசரி °C (°F) 13.7
(56.7)
15.0
(59)
18.1
(64.6)
21.4
(70.5)
24.3
(75.7)
25.8
(78.4)
26.1
(79)
25.7
(78.3)
24.7
(76.5)
21.9
(71.4)
18.5
(65.3)
15.3
(59.5)
20.9
(69.6)
மழைப்பொழிவுmm (inches) 18.6
(0.732)
26.2
(1.031)
43.8
(1.724)
90.1
(3.547)
188.5
(7.421)
239.9
(9.445)
288.2
(11.346)
318.0
(12.52)
265.4
(10.449)
130.7
(5.146)
43.4
(1.709)
23.4
(0.921)
1,676.2
(65.992)
ஈரப்பதம் 78 82 83 83 77 78 79 82 79 75 74 75 78.8
சராசரி மழை நாட்கள் 8.4 11.3 15.0 13.3 14.2 14.7 15.7 16.7 13.7 9.0 6.5 6.0 144.5
சூரியஒளி நேரம் 68.2 45.2 43.4 81.0 164.3 156.0 182.9 164.3 162.0 164.3 126.0 108.5 1,466.1
Source #1: உலக காலநிலை அமைப்பு (UN),[8] BBC Weather (ஈரப்பதன்) [9]
Source #2: (சூரிய ஒளி நேரங்கள் மாத்திரம்)[10]

மேற்கோள்கள்[தொகு]

  1. General Statítcs Office ò Vietnam
  2. "Vietnam's Population Soars". balita.ph.
  3. LE-QUYEN LE (18). "Commemorating 1,000 Years of the Founding of Hanoi". Vietnam Talking Points. Vietnam Talking Points. பார்த்த நாள் 4 November 2012.
  4. 4.0 4.1 "Historical stages of Thang Long- Hanoi - 1000 Years Thang Long (VietNamPlus)". En.hanoi.vietnamplus.vn. பார்த்த நாள் 2013-11-24.
  5. "Country files (GNS)". National Geospatial-Intelligence Agency. பார்த்த நாள் 2007-04-06.
  6. 6.0 6.1 "Hơn 90% đại biểu Quốc hội tán thành mở rộng Hà Nội". Dantri. பார்த்த நாள் 2008-05-29.
  7. "Extreme Temperatures Around the World". பார்த்த நாள் 2010-12-01.
  8. "World Weather Information Service - Hanoi". Hydro-Meteorological Service of Vietnam. பார்த்த நாள் 2012-08-11.
  9. "BBC Weather - Hanoi". BBC News (BBC). http://news.bbc.co.uk/weather/forecast/1355. பார்த்த நாள்: 2011-07-28. 
  10. "Solar Energy and Solar Photovoltaics in Vietnam". பார்த்த நாள் May 15, 2013.

வெளி இணைப்புகள்[தொகு]

"http://ta.wikipedia.org/w/index.php?title=ஹனோய்&oldid=1647740" இருந்து மீள்விக்கப்பட்டது