ஷர்மிளா தாகூர்

Sharmila Tagore
Sharmila Tagore in 2009
இயற் பெயர்	Sharmila Tagore
பிறப்பு	திசம்பர் 8, 1946 (1946-12-08) ஐதராபாது, ஆந்திரப் பிரதேசம், இந்தியா
வேறு பெயர்	Ayesha Sultana Ayesha Sultana Khan Sharmila Tagore Khan Sharmila Khan Ayesha Khan
தொழில்	நடிகர்
நடிப்புக் காலம்	1959–present
துணைவர்	Mansoor Ali Khan (1969 – present)
பிள்ளைகள்	சைஃப் அலி கான் Saba Ali Khan Soha Ali Khan
விருதுகள் பில்ம்ஃபெயார் விருதுகள் Best Actress 1970 Aradhana Lifetime Achievement 1997 தேசிய திரைப்பட விருது Best Actress 1977 Mausam Best Supporting Actress 2004 Abar Aranye வேறு விருதுகள் Star Screen Lifetime Achievement Award 2003

ஷர்மிளா தாகூர் (வங்காள: শর্মিলা ঠাকুর ஷோர்மிளா தாக்கூர்; டிசம்பர் 8, 1946) ஒரு பெங்காலிலிருந்து வந்த இந்தியத் திரைப்பட நடிகை. அவர் தன்னுடைய நடிப்புக்காக பல தேசிய திரைப்பட விருதுகள் மற்றும் ஃபிலிம்ஃபேர் விருதுகளை வென்றுள்ளார்.

அவர் இந்திய திரைப்பட தணிக்கைக் குழுவுக்குத் தலைமை வகித்துள்ளார். டிசம்பர் 2005 ஆம் ஆண்டில் அவர் யூனிசெஃப் நல்லெண்ண தூதராக நியமிக்கப்பட்டார்..

ஆரம்பகால வாழ்க்கை

இந்தியாவின் ஆந்திரப் பிரதேசத்தின் ஹைதராபாத்தில் ஒரு வங்காளக் குடும்பத்தில் ஷர்மிளா தாகூர் பிறந்தார், அவருடைய தந்தை கிதிந்திரநாத் தாகூர் அப்போது எல்ஜின் மில்ஸ் உரிமையாளரான பிரிட்டிஷ் இண்டியா கம்பெனியின் துணைப் பொது மேலாளராக இருந்தார்.

தொழில் வாழ்க்கை

ஷர்மிளா தாகூர் தன்னுடைய வாழ்க்கைத் தொழிலை ஒரு நடிகையாக 1959 ஆம் ஆண்டு சத்யஜித் ரேயின் திரைப்படமான அபுர் சன்ஸார் (அபுவின் உலகம்) மூலம் தொடங்கினார், இதில் முதன்மை கதாபாத்திரத்தின் அவலநிலையிலுள்ள மணமகளாகத் தோன்றினார். ரேவுக்கான அதிகாரப்பூர்வ வலைதளத்தில் குறிப்பிட்டிருப்பது போல், "அப்போது அவர் வெறும் பதினான்கு வயதே நிரம்பியிருந்தார், அதற்கு முன் அவருக்கு எந்த நடிப்பு அனுபவமும் இருந்ததில்லை. ஷூட்டிங் தொடங்கியதும், டேக்குகளின் போது நெறிமுறைகளுக்காக ரே ஷர்மிளாவைத் திட்டவேண்டியிருந்தது. ஆனால், இவை எதுவும் திரையில் பிரதிபலிக்கவில்லை. ரே தன்னுடைய அடுத்த படமான தேவி யிலும் கூட அவரை நடிக்க வைத்தார்." அவர் ரேயின் பல திரைப்படங்களில் தோன்றினார், மீண்டும் மீண்டும் அவர் சௌமித்ரா சாட்டர்ஜி உடன் இணைந்து நடித்தார்.

1964 ஆம் ஆண்டில் சக்தி சமந்தாவின் காஷ்மீர் கி காளி திரைப்படத்தின் மூலம் அவர் இந்தி திரைப்படத்தின் பிரபல நடிகையாக உருவானார். சமந்தா மீண்டும் அவரைப் பல வெற்றிப் படங்களில் நடிக்க வைத்தார், குறிப்பாக ஆன் ஈவனிங் இன் பாரிஸ் (1967), ஒரு இந்திய நடிகை பிகினி அணிந்து தோன்றிய முதல் தோற்றமாக இருந்தது, இது பழம்பாணியிலிருந்த இந்தியப் பார்வையாளர்களை அதிர்ச்சிக்குள்ளாக்கியது மட்டுமல்ல இது பல நடிகைகள் பிகினி அணிந்து வரக்கூடிய சூழலை உருவாக்கி, பர்வீன் பாபி (யே நஸ்தீகியான் , 1982), ஜீனத் அமான் (ஹீரா பன்னா 1973; குர்பாணி , 1980) மற்றும் டிம்பிள் கபாடியா (பாபி , 1973), ஆகியோரால் முன்னெடுத்துச் செல்லப்பட்டது, ஆனால் இது பாலிவுட்டில் தாகூரின் கதாபாத்திரத்தை ஒரு பாலியல் குறியீடாக உருவாக்கியது. பிகினியை அணிந்ததால் இந்தியப் பத்திரிக்கைகள் எல்லா காலங்களுக்குமான பத்து ஹாட்டஸ்ட் நடிகைகளில் ஒருவராக அவருடைய பெயரைப் பரிந்துரைத்தன, இது அடக்க ஒடுக்க நிலையிலான பெண்ணின் இயல்பை அடையாளப்படுத்தி செயல்படுத்தி வந்த மும்பை திரைப்படங்களுக்கு எதிரான வரம்பு மீறிய செயலாக இருந்தது. ஆனால், தாகூர் சென்ட்ரல் போர்ட் ஆஃப் ஃபிலிம் சர்டிஃபிகேஷன் தலைவராக இருந்தபோது, இந்திய சினிமாக்களில் பிகினி அணிவது அதிகரித்து வருவதைப் பற்றி தன்னுடைய கவலையை வெளிப்படுத்தினார்.

ஆராதனா (1969) மற்றும் அமர் பிரேம் (1972), போன்ற திரைப்படங்களுக்காக சமந்தா பின்னாளில் தாகூரை ராஜேஷ் கண்ணாவுடன் கூட்டு சேர்த்தார், பின்னர் கூறிய திரைப்படத்தில் தாகூர் என்றும் நினைவைவிட்டு நீங்கா கதாபாத்திரமான புஷ்பாவாக, கொல்கத்தா நகரின் அரசவை பரத்தையாக, மீண்டும் ராஜேஷ் கண்ணாவுக்கு ஜோடியாகத் தோன்றினார், இதில் ராஜேஷ் கண்ணா அடிக்கடி கூறும் வசனம் "புஷ்பா நான் கண்ணீரை வெறுக்கிறேன்..." இடம்பெற்றது. இதர இயக்குநர்கள், அவர்கள் இருவரையும் இணைத்து டாக் (1973), மாலிக் (1972) மற்றும் சஃபார் (1970) ஆகிய திரைப்படங்களைக் கொடுத்தனர். அவர் குல்சாரின் 1975 ஆம் ஆண்டு திரைப்படம், மௌஸம் மில் தோன்றினார், மேலும் அவர் மீரா நாயரின் 1991 ஆம் ஆண்டு திரைப்படம் மிஸ்ஸிஸிப்பி மசாலா வில் கதாநாயகி சரிதா சௌத்ரியின் தாயாக ஒரு துணை கதாபாத்திரத்தில் நடித்தார்.

அவருடைய சமீபத்திய வெளியீடு, அமோல் பலேகரின் மராத்திய திரைப்படமான சமான்தார். அவருடைய முந்தைய வெளியீடுகள் விது வினோத் சோப்ரா திரைப்படம், Eklavya: The Royal Guard, நிஜ வாழ்க்கை தாய் மற்றும் மகன், ஷர்மிளா தாகூர் மற்றும் சயிஃப் அலி கான்-ஐ இணைக்கிறது. ஆஷிக் ஆவாரா (1993) வுக்குப் பிறகு முதல் முறையாக அவர்கள் திரையில் ஒன்றாக பங்குபெறுகிறார்கள்.

சொந்த வாழ்க்கை

படௌடியின் நவாப், மன்சூர் அலி கான் படௌடியை டாகூர் திருமணம் செய்துகொண்டார். அவர்களுக்கு மூன்று குழந்தைகள் இருக்கிறார்கள்: சைய்ஃப் அலி கான் (பி. 1970), சபா அலி கான் மற்றும் சோஹா அலி கான் (பி. 1978).

விருதுகள்

• 1969 - ஃபிலிம்ஃபேர் சிறந்த நடிகைக்கான விருது - ஆராதனா
• 1970 - ஃபிலிம்ஃபேர் சிறந்த நடிகைக்கான விருது (நியமனம்) -சஃபார்
• 1976 - சிறந்த நடிகைக்கான தேசிய திரைப்பட விருது - மௌஸம்
• 1997 - ஃபிலிம்ஃபேர் வாழ்நாள் சாதனையாளர் விருது
• 2002 - ஸ்டார் ஸ்க்ரீன் வாழ்நாள் சாதனையாளர் விருது
• 2004 - சிறந்த துணை நடிகைக்கான தேசிய திரைப்பட விருது - அபார் ஆரன்யே
• 2004 - கமாண்டர் ஆஃப் தி ஆர்டர் ஆஃப் ஆர்ட்ஸ் அண்ட் லெட்டர்ஸ் ஆஃப் ப்ரான்ஸ்
• 2006 - நியமனம், ஃபிலிம்ஃபேர் சிறந்த நடிகைக்கான விருது - விருத்... ஃபாமலி கம்ஸ் ஃபர்ஸ்ட
• 2007 - வாழ்நாள் சாதனையாளர் தேசிய விருது (நடிகை) - ஜர்னலிஸ்ட் ஆசோசியேஷன் ஆஃப் இண்டியா

தேர்வுசெய்யப்பட்ட திரைப்பட வரலாறு

ஆண்டு	திரைப்படம்	பாத்திரம்	இதர குறிப்புகள்
1959	அபுர் சன்சார் (அபுவின் உலகம் )	அபர்ணா
1960	தேவி/தி காடஸ்	டோயாமோயீ
1963	நிர்ஜான் சாய்கேதே	ரேணு
1963	சாயா ஷுர்ஜோ	கென்டூ
1964	காஷ்மீர் கி காளி	சம்பா
1965	வக்த்	ரேணு கண்ணா
1966	அனுபமா	உமா ஷர்மா
	தீவார்
	நாயக்	அதிதி
1967	ஆன் ஈவனிங் இன் பாரிஸ்	தீபா மாலிக்/ரூபா மாலிக் (சுஸி)
	ஆம்னெ சாம்னெ
1968	மேரி ஹம்தான் மேரி தோஸ்த்	அனிதா
1969	யகீன்	ரீடா
	சத்யகாம்	ரஞ்சனா
	ஆராதனா	வந்தனா த்ரிபாதி	வெற்றியாளர், ஃபிலிம்ஃபேர் சிறந்த நடிகை விருது'
1970	ஆரன்யெர் தின் ராத்ரி (காட்டில் பகலும் இரவும்)	அபர்ணா
1971	சீமாபத்தா	துடுல்
	சோட்டி பஹு
1972	அமர் பிரேம்	புஷ்பா
1973	தாக்	சோனியா கோஹ்லி
	ஆ கலே லக் ஜா	பிரீத்தி
1975	மௌஸம்	சந்தா/கஜ்லி	வெற்றியாளர், சிறந்த நடிகைக்கான தேசிய விருது
	சுப்கே சுப்கே	சுலேகா சதுர்வேதி
	ஃபரார்	மாலா / ஆஷா
1977	அமானுஷ்	ரேகா
1982	நம்கீன்	நிம்கி
	தேஷ் பிரேமி	பாரதி
1984	சன்னி	சன்னியின் தாயார்
1991	மிஸ்ஸிஸிப்பி மசாலா	கின்னு
1993	ஆஷிக் ஆவாரா	திருமதி. சிங்
1999	மான்	தேவின் பாட்டி
2000	தட்கன்	தேவின் தாயார்
2005	விருத் ஃபேமிலி கம்ஸ் ஃபர்ஸ்ட்	சுமித்ரா பட்வர்தன்	ஃபிலிம்ஃபேர் சிறந்த நடிகைக்கான விருது, நியமனம்
2006	Eklavya: The Royal Guard	சுஹாசினிதேவி
2007	ஃபூல் அண்ட் ஃபைனல்	பாபி
2008	தஸ்வீர் 8*10	சாவித்ரி புரி
2009	மார்னிங் வாக்	நீலிமா
	சமான்தார்	ஷாமா வேஸ்	மராத்தி

மேலும் பார்க்க

• இந்திய திரைப்பட நடிகைகள் பட்டியல்

விருதுகள்
ஃபிலிம்பேர் விருது
முன்னர் வஹீதா ரெஹ்மான் for Neel Kamal	Best Actress for Aradhana 1969	பின்னர் Mumtaz for Khilona
முன்னர் Dharmendra and Mumtaz	Lifetime Achievement 1997	பின்னர் மனோஜ் குமார் and Helen
தேசிய திரைப்பட விருது
முன்னர் சபனா ஆசுமி for Ankur	Best Actress for Mausam 1976	பின்னர் Laxmi for Sila Nerangalil Sila Manithargal
முன்னர் Raakhee Gulzar for Shubho Mahurat	Best Supporting Actress for Abar Aranye 2004	பின்னர் Sheela for Akale

வெளி இணைப்புகள்

• இணையத் திரைப்பட தரவுத்தளத்தில் Sharmila Tagore
• satyajitray.org யிலிருந்து வாழ்க்கை வரலாறு
• பீயிங் ஷர்மிளா