வேலை (இயற்பியல்)

கட்டற்ற கலைக்களஞ்சியமான விக்கிப்பீடியாவில் இருந்து.
(வேலை இலிருந்து வழிமாற்றப்பட்டது)
தாவிச் செல்லவும்: வழிசெலுத்தல், தேடல்

இயற்பியலில் வேலை என்பது ஒரு விசையினால் பரிமாறப்பட்ட ஆற்றலைக் குறிக்கும். ஒரு பொருளின் மீது விசை ஒன்று செயற்பட்டு, அதனால் விசை செயற்படும் புள்ளி நகர்ந்தால், விசையினால் வேலை செய்யப்படுகிறது என்கிறோம். ஆற்றலைப் போலவே வேலையும் ஒரு ஸ்கேலர் அளவாகும். இது எஸ்.ஐ. அலகுத்திட்டத்தில் ஜூல் என்னும் அலகால் தரப்படும்.

பேஸ்போல் எறிபவர் பந்துக்கு ஆற்றலைக் கொடுப்பதன் மூலம் இங்கு வேலை செய்யப்படுகிறது.

ஒரு பொருளின் மீது மாறா விசை F ஒன்று செயற்பட்டு D என்ற இடப்பெயர்ச்சியை விசையின் திசையில் அடைந்தால் அவ்விசையினால் செய்யப்பட்ட வேலை பின்வரும் சமன்பாட்டினாற் தரப்படும்:


W = F D  \,\!             (1)


எப்போதும் விசையும் இடப்பெயர்ச்சியும் ஒரு திசையில் அமைவதில்லை. விசை F, இடப்பெயர்ச்சி D உடன் \phi கோணத்தை ஏற்படுத்தின், வேலையானது இவ்விரு காவிகளின் புள்ளிப் பெருக்கல் மூலம் தரப்படும்:


W = \vec{F} \cdot \vec{D} = |\vec{F}| |\vec{D}| \cos\phi              (2)


SI அலகுகளில் ஒரு நியூட்டன் அளவுள்ள விசை செயற்பட்டு, அப்பொருள் ஒரு மீட்டர் இடப்பெயற்சியை அடைந்தால் செய்யப்படும் வேலை 1 ஜூல் ஆகும்.

"http://ta.wikipedia.org/w/index.php?title=வேலை_(இயற்பியல்)&oldid=1346971" இருந்து மீள்விக்கப்பட்டது