2007 ஆம் ஆண்டு ஈழப் போரின் நான்காவது கட்டமாக பலராலும் நோக்கப்படுகிறது. இத்தொகுப்பு 2007 ஆம் ஆண்டின் ஈழப் போர் தொடர்பாக விக்கிபீடியா நடப்பு நிகழ்வுகளில் இணைக்கப்பட்ட ஈழப் போர்ச் செய்திகளின் தொகுப்பாகும். இதில் சில செய்திகள் விடுபட்டுள்ளதாக நீங்கள் கருதினால் சம்பவம் நடைப்பெற்ற மாத தலைப்பிற்கு எதிராக தரப்பட்டுள்ள "தொகு" என்ற இணைப்பை சொடுக்கி இணைப்பு இட்டுச் செல்லும் வார்ப்புருவில் செய்திகளை இணைத்து சேமிப்பதன் மூலம் இத்தொகுப்பில் மேலதிகச் செய்திகளைச் சேர்க்கலாம்.
டிசம்பர் 29 - மன்னாரில்இலங்கைப் படையினரின் பாரியளவிலான முன்நகர்வு நடவடிக்கைகளின் போது இடம்பெற்ற சமரில் 20-க்கும் மேற்பட்ட படையினரும் 3 விடுதலைப் புலிகளும் கொல்லப்பட்டதாக புலிகள் அறிவித்துள்ளனர். (புதினம்)
டிசம்பர் 5 - அநுராதபுரத்தில் கெப்பிட்டிகொல்லாவ என்ற இடத்தில் பயணிகள் பஸ் ஒன்றின் மீது நடத்தப்பட்ட கிளைமோர் தாக்குதலில் 15 பேர் கொல்லப்பட்டு 23 பேர் படுகாயமடைந்தனர். (தமிழ்நெட்)
டிசம்பர் 2 - கொழும்பிலும் அதன் சுற்றுப்புறங்களிலும் 3,000 இற்கும் அதிகமான தமிழர்கள் கைது செய்யப்பட்டனர். இவர்களில் பல நூற்றுக்கணக்கானோர் காலியில் உள்ள பூசா தடுப்பு முகாமில் சிறைவைக்கப்பட்டனர். (புதினம்)
நவம்பர் 30 - இலங்கையின் தலைநகர் கொழும்பில் நடைபெற்ற திடீர் தேடுதல் வேட்டையில் 350-க்கும் மேற்பட்ட தமிழ் இளைஞர்கள், யுவதிகள் கைது செய்யப்பட்டு காவல் நிலையங்களில் அடைக்கப்பட்டனர். (புதினம்)
நவம்பர் 26 - அனுராதபுரம் "மகாவிலாச்சிய" என்ற கிராமத்தில் துப்பாக்கிச் சூட்டுக்காயங்களுடன் நான்கு பொதுமக்களின் சடலங்கள் மீட்கப்பட்டன. (புதினம்)
நவம்பர் 25 - கிளிநொச்சி தர்மபுரத்தில் இலங்கை வான்படை நடத்திய குண்டுவீச்சுத் தாக்குதலில் ஒரே குடும்பத்தைச் சேர்ந்த பொதுமக்கள் மூவர் கொல்லப்பட்டுள்ளதுடன் ஏழு பேர் படுகாயமடைந்துள்ளனர். (புதினம்)
நவம்பர் 21 - கொழும்பின் தென்பகுதியில் உள்ள இரத்மலானையில் அமைந்துள்ள "சண்டே லீடர்" மற்றும் "மோர்ணிங் லீடர்" ஆகிய வார ஏடுகளின் அச்சகம் அதிகாலை அடையாளம் தெரியாத ஆயுதக்குழு ஒன்றினால் எரித்து அழிக்கப்பட்டது. (புதினம்)
நவம்பர் 7 - யாழ். கிளாலி முதல் முகமாலை வரையான பகுதியில் இலங்கைப் படையினர் மேற்கொண்ட பாரியளவிலான முன்நகர்வு விடுதலைப் புலிகளால் முறியடிக்கப்பட்டதுடன் 20-க்கும் மேற்பட்ட படையினர் கொல்லப்பட்டு 100-க்கும் மேற்பட்ட படையினர் காயமடைந்ததாகவும் ஒரு போராளி இறந்ததாகவும் புலிகள் தெரிவித்தனர். 52 புலிகளும் தமது தரப்பில் 11 பேரும் இறந்ததாக இராணுவத்தினர் தெரிவித்தனர்.(புதினம்), (டெய்லி மிரர்)
நவம்பர் 3 - இலங்கையில் இருந்து இரகசியமாக லண்டனுக்கு சென்ற துணை இராணுவக் குழுவைச் சேர்ந்த கருணா, போலி கடவுச் சீட்டு வைத்திருந்ததாக லண்டனில் கைது செய்யப்பட்டார். (பிபிசி)
நவம்பர் 1 -முருங்கன் மன்னார் முன்னரங்க நிலைகளில் ஏற்பட்ட மோதல்களில் இரு தரப்பிற்கும் சேதம் ஏற்பட்டது. குறைந்தது ஒரு குடிமகள் கொல்லப்பட்டாள்.(தமிழ்நெட்), (இலங்கை பாதுகாப்பு அமைச்சு)
அக்டோபர் 26 - திஸ்ஸமகாராம பகுதியில் ஆயுதம் தரித்த புலிகள் ஊடுருவியுள்ளதாக பொய்யான செய்தியொன்றை ஒலிபரப்பியதாகக் குற்றங்சாட்டி ஏபிசி வானொலிச் சேவைகள் இலங்கையில் தடை செய்யப்பட்டன.(டெயிலி மிரர்)
அக்டோபர் 25 - மன்னார்பெரியமடுவில்இலங்கைப் படையினர் நடத்திய எறிகணைத் தாக்குதலில் நிறைமாதக் கர்ப்பிணித் தாய் உள்ளிட்ட ஒரே குடும்பத்தைச் சேர்ந்த 4 பேர் படுகொலை செய்யப்பட்டனர். சிறுவர்கள் உட்பட 7 பேர் படுகாயமடைந்தனர். (புதினம்)
அக்டோபர் 25 - புலிகளின் கட்டுப்பாட்டில் உள்ள வன்னி பெருநிலப்பரப்பில் எல்லாளன் நடவடிக்கையில் பங்கெடுத்த 21 சிறப்புக் கரும்புலிகளுக்கு அஞ்சலி செலுத்தும் நிகழுவுகள் பல ஒழுங்குச் செய்யப்பட்டன.(புதினம்), (தமிழ்நெட்)
அக்டோபர் 18 - மன்னாரில் இருந்து இந்தியா நோக்கி சென்று கொண்டிருந்த அகதிகள் படகொன்றின் மீது இலங்கைக் கடற்படையின சுட்டதில் இரண்டு குழந்தைகளும் ஒரு முதியவரும் இறந்தனர். குழந்தைகளின் தாயார் மறும் இரு குழந்தைகள் படுகாயமடைந்தனர். (தமிழ்நெட்)
ஆகஸ்ட் 20 - வவுனியாவில்செட்டிகுளம்உலுக்குளம் பகுதியில் காவற்படை சோதனை நிலையம் மீது நடத்தப்பட்ட தாக்குதலில் மூன்று பெண் ஊர்காவல் படையினர் உட்பட நான்கு ஊர்காவல் படையினரும் சாரதியொருவரும் கொல்லப்பட்டதுடன் இருவர் படுகாயமடைந்தனர். (தினக்குரல்)
ஜூலை 10 - மாங்குளம் பகுதியில் தமிழீழ சுகாதார சேவைக்குச் சொந்தமான வாகனம் ஒன்றின் மீது நடத்தப்படட கிளேமோர் கண்ணிவெடி தாக்குதலில் தமிழீழ சுகாதார சேவைகள் பிரிவு பணியாளர்கள், பொதுமக்கள் உட்பட 5 பேர் கொல்லப்பட்டுள்ளதாகவும், வேறு இருவர் காயமடைந்துள்ளதாகவும் விடுதலைப் புலிகள் தெரிவித்துள்ளனர். (புதினம்)
ஜூலை 11 - முல்லைத்தீவுஅளம்பிலில் தேவாலயம் மற்றும் மீன்வாடிகள் மீது சிறிலங்கா வான்படையினர் நடத்திய தாக்குதலில் சிறுவன் உட்பட பொதுமக்கள் இருவர் கொலை செய்யப்பட்டுள்ளனர். ஒரு வயதுக்குழந்தை உட்பட பொதுமக்கள் 11 பேர் படுகாயமடைந்துள்ளனர். (புதினம்)
ஜூலை 14 - மன்னாரில் இருமுனைகளில் இலங்கை இராணுவத்தினர் மேற்கொண்ட முன்நகர்வு நடவடிக்கையில் 16 இராணுவத்தினர் கொல்லப்பட்டு 45 பேர் படுகாயமடைந்துள்ளனர். 3 விடுதலைப் புலிகள் பலியாயினர். இராணுவத்தினரின் பவள் கவச வாகனம் ஒன்றும் சேதமாக்கப்பட்டுள்ளதாக புலிகள் தெரிவித்துள்ளனர். (வாஷிங்டன் போஸ்ட்), (புதினம்)
ஜூலை 23 - யாழ்ப்பாணம்ஆனைக்கோட்டையில் டெனிஸ் கண்ணிவெடி அகற்றும் அனைத்துலக தொண்டு நிறுவனத்தில் பணியாற்றும் மரியநாயகம் அலோசியஸ் (வயது 26) சுட்டுக்கொல்லப்பட்டுள்ளார். (புதினம்)
ஜூன் 1 - அம்பாறையில் இருந்து பொத்துவில் பகுதிக்குச் சென்ற இலங்கை இராணுவத்தின் துணை இராணுவக் குழுவான கருணா குழுவினரின் இரு முச்சக்கர வாகனங்கள் பதுங்கித் தாக்குதலுக்கு உள்ளாகியதில் 6 பேர் கொல்லப்பட்டனர். (புதினம்)
ஜூன் 3 - வவுனியாபம்பைமடு இராணுவ பீரங்கி தளத்தின் மீது விடுதலைப் புலிகள் மேற்கொண்ட தாக்குதலில் படையினருக்கு பலத்த சேதம் ஏற்படுத்தி, ஆயுதத் தளபாடங்களையும் இராணுவ கவச வாகனங்களையும் தாங்கள் கைப்பற்றியுள்ளதாகப் புலிகள் கூறியுள்ளனர். (பிபிசி)
மே 13 - திருகோணமலையில் பொங்கு தமிழ் நிகழ்ச்சிகள் உட்படப் பலநிகழ்வுகளில் கலந்துகொண்ட மொறவேவாப் பகுதியில் தமிழில் சரளமாக உரையாடும் திறமையுள்ள வணக்கத்துக்குரிய நந்தரத்ன தேரோ என்னும் புத்த மதகுரு இனம் தெரியாத துப்பாக்கிதாரிகளினால் சுட்டுக்கொலை செய்யப்பட்டார். (புதினம்)
மே 28 - கொழும்புஇரத்மலானையில் இடம்பெற்ற குண்டு வெடிப்பு ஒன்றில் குறைந்தது 7 பேர் கொல்லப்பட்டதுடன், மேலும் 7 இராணுவத்தினர் உட்படப் பலர் காயமடைந்தனர். (பிபிசி)
மே 29 - முல்லைத்தீவுபுதுக்குடியிருப்பு பகுதியில் இலங்கை வான்படையின் மிக்-27 ரக வானூர்திகள் நடத்திய குண்டுத் தாக்குதலில் வயோதிப பெண்மணி ஒருவர் கொல்லப்பட்டுள்ளதுடன் மேலும் இருவர் காயமடைந்துள்ளனர். பல வீடுகள் சேதமடைந்தன. (புதினம்)
ஏப்ரல் 29 - யாழ்ப்பாணத்திலிருந்து வெளிவரும் உதயன் நாளேட்டின் ஊடகவியலாளர் செல்வராஜா ரஜிவர்மன் (வயது 25) உந்துருளியில் வந்த அடையாளம் தெரியாத நபர்களினால் சுட்டுக்கொல்லப்பட்டுள்ளார். (புதினம்)
மார்ச் 1 - இலங்கை விமானப் படையின் பிரி-06 ரக பயிற்சி விமானம் அநுராதபுரம் அருகில் வீழ்ந்து நொருங்கியதில் அதன் பயிற்சியாளரும் பயிற்சி பெற்ற விமானியும் சம்பவ இடத்திலேயே கொல்லப்பட்டனர்.
பெப்ரவரி 28: இலங்கை கடற்படை புலிகளின் ஆயுதக் கப்பல் என் சந்தேகிக்கப்படும் கப்பலொன்றை மாத்தறைக்கு அப்பாலுள்ள கடலில் அழித்துள்ளனர்.(தமிழ்நெட்)
பெப்ரவரி 27: மட்டக்களப்பில் நடைபெறவிருந்த சந்திப்பு ஒன்றுக்குக்காக உலங்கு வானூர்தி மூலம் சென்ற பல நாட்டு தூதுவர்கள் மற்றும் அமைச்சர் ஒருவர் அடங்கிய குழு மட்டக்களப்பு வெபர் மைதானத்தில் தரையிரங்கியப் போது உந்துகணை தாக்குதலுக்கு உள்ளானார்கள் இதில் அமெரிக்க மற்றும் இத்தாலிய தூதுவர்கள் காயமடைந்தனர்.(தமிழ்நெட்)
காலி மாவட்டம் மீட்டியகொட சீனிகம பகுதியில் இடம்பெற்ற பேருந்துக் குண்டுவெடிப்பில் 15 பொதுமக்கள் வரையில் கொல்லப்பட்டும் 40 பேர் வரை படுகாயமும் அடைந்தனர். இது புலிகளின் செயலாகும் என இலங்கை அரசு குற்றஞ்சாட்டியுள்ளது. புலிகள் இதனை மறுத்துள்ளனர்.(பிபிசி)
கொழும்பிலிருந்து 36கிமீ தொலைவில் நித்தம்புவ என்ற இடத்தில் இடம்பெற்ற பேருந்துக் குண்டுவடிப்பில் 6 பொதுமக்கள் கொல்லப்பட்டும் 50 பேர் வரை காயமடைந்தும் உள்ளனர். இது புலிகளின் செயலாகும் என இலங்கை அரசு குற்றஞ்சாட்டியுள்ளது.(புதினம்)
மன்னாரில்இலுப்பைக்கடவையில் இடம்பெற்ற இலங்கைப் படையினரின் வான் தாக்குதலில் 8 சிறுவர்கள் உட்பட 15 பொதுமக்கள் கொல்லப்பட்டனர். 40 பேர் படுகாயமடைந்தனர்.(புதினம்)
