மீமாம்சம்

கட்டற்ற கலைக்களஞ்சியமான விக்கிப்பீடியாவில் இருந்து.
(மீமாம்சை இலிருந்து வழிமாற்றப்பட்டது)
தாவிச் செல்லவும்: வழிசெலுத்தல், தேடல்

இந்திய மெய்யியலில், மீமாம்சம் அல்லது மீமாம்சை (Mīmāṃsā, சமக்கிருதம்: मीमांसा), என்பது வேதத்தை ஏற்கும் தத்துவப் பிரிவுகளில் ஒன்றாகும். இத்தத்துவப் பிரிவை நிறுவியர் ஜெய்மினி (கி. மு. 200). இது மீமாம்ச சூத்திரம் என்ற நூலை அடிப்படையாக கொண்டது. மீமாம்ச சூத்திரங்களுக்கு சபர சுவாமி (கி. மு. 57) விளக்க உரை எழுதியுள்ளார். இதை பூர்வ மீமாம்சம் (கர்ம காண்டம்) என்றும் உத்தர மீமாம்சம் (ஞான காண்டம்) என்று இரு காண்டங்களாக பிரித்துள்ளனர். பூர்வ மீமாம்சம் நான்கு வேதங்களுக்குப் பொருள் கூறும். உத்தர மீமாம்சத்தை தொகுத்தவர் வியாசர். நான்கு வேதங்களின் இறுதியில் உள்ள வேதாந்தங்களான உபநிடதங்களை உத்தர மீமாம்சம் என்பர்.

பூர்வ மீமாம்சம்[தொகு]

பூர்வ மீமாம்சை பனிரெண்டு காண்டங்களாகவும், அறுபது அத்தியாயங்களாகவும் பிரிக்கப்பட்டுப் பல சூத்திரங்களாகச் செய்யப்பட்டுள்ளது. பூர்வமீமாம்சைக்கு, சபரர், குமாரிலர் மற்றும் சாயனர் ஆகியவர்கள் விளக்க உரைநூல்கள் எழுதியுள்ளனர். பூர்வ மீமாம்சையில், பிரம்மம், படைப்பு, மோட்சம் குறித்த விசாரணைகள் இல்லை. இதில் பல்வேறு யாகங்கள், யக்ஞங்கள் செய்வது குறித்தான விவரங்கள், விரதங்கள், மற்றும் பூசை புனஸ்காரங்கள் குறித்தான விவரங்கள் தெரிவிக்கின்றது.

பூர்வ மீமாம்சையின் தன்மைகள்[தொகு]

  • பூர்வ மீமாம்சையை கர்ம காண்டம் என்பர்.
  • பிரமாணத்தால் (நான்கு வேதங்கள் எனும் கருவி மூலம்) உண்மை அறிவது
  • நான்கு வேதங்களை மட்டும் பின்பற்றுபவர்கள். வேதத்தில் சொல்லப்பட்ட வேள்விகளுக்கும், சடங்குகளுக்கும் முதன்மைத் தன்மை வழங்குபவர்கள்.
  • கடவுளை வேண்டாமல், தாங்கள் செய்யும் கர்மமே (வேள்விகள்) பயனளிக்கும் என்ற கொள்கை உடையவர்கள்.

உத்தர மீமாம்சை[தொகு]

உசாத்துணை[தொகு]

வெளி இணைப்புகள்[தொகு]

இதையும் காண்க[தொகு]

"http://ta.wikipedia.org/w/index.php?title=மீமாம்சம்&oldid=1797189" இருந்து மீள்விக்கப்பட்டது