மாஹே

கட்டற்ற கலைக்களஞ்சியமான விக்கிப்பீடியாவில் இருந்து.
தாவிச் செல்லவும்: வழிசெலுத்தல், தேடல்
மாஹே
—  city  —
மாஹே
இருப்பிடம்: மாஹே
, புதுச்சேரி
அமைவிடம் 11°41′38″N 75°32′13″E / 11.69389, 75.53694அமைவு: 11°41′38″N 75°32′13″E / 11.69389, 75.53694
நாடு இந்தியாவின் கொடி இந்தியா
பிரதேசம் புதுச்சேரி
ஆளுநர் வீரேந்திர கடாரியா[1]
முதலமைச்சர் ந. ரங்கசாமி[2]
மக்கள் தொகை

அடர்த்தி

36,823 (2001)

4,091 /km2 (10 /sq mi)

நேர வலயம் IST (ஒ.ச.நே.+5:30)
பரப்பளவு

உயரம்

9 சதுர கி.மீட்டர்கள்s (3.5 சதுர மைல்)

0 மீட்டர்s (0 அடி)

மாஹே (மைய்யழி) இந்தியாவில் உள்ள ஒரு முன்னாள் பிரெஞ்சு காலனியாகும். இதன் மூன்று பக்கங்களும் கேரளாவினால் சூழப்பட்டுள்ளது. இது பாண்டிச்சேரி யூனியன் பிரதேசத்தினைச் சேர்ந்தது. இதன் பரப்பு 9 சதுர கி.மீ ஆகும். இது கோழிக்கோட்டிலிருந்து 58 கிமீ தொலைவிலும் கண்ணூரிலிருந்து 24 கிமீ தொலைவிலும் அமைந்துள்ளது. தளிச்சேரிக்கு அண்மையில் உள்ளது. இந்திய தேசிய நெடுஞ்சாலை 17 இந்நகரின் வழியே செல்கிறது.

மைய்யழிப்புழா எனப்படும் மாஹே ஆற்றின் கழிமுகத்தில் மாஹே நகரம் உள்ளது.

புனித தெரேசா கத்தோலிக்க கோவில்[தொகு]

மாஹே பிரஞ்சு ஆதிக்கத்தின்கீழ் இருந்தபோது அங்கு கட்டப்பட்ட கத்தோலிக்க கோவில் அவிலாவின் புனித தெரேசாவுக்கு அர்ப்பணிக்கப்பட்டது. அங்கு கிறித்தவ சமயத்தைப் பரப்ப இத்தாலியிலிருந்து வந்த கார்மேல் சபைத் துறவி அருள்திரு தோமினிக் அக்கோவிலை 1736ஆம் ஆண்டில் கட்டினார்.[3] அக்கோவில் பற்றிய வரலாறு கீழ்க்கண்டவாறு கூறப்படுகிறது. புனித தெரேசாவின் திருவுருவத்தோடு வந்த ஒரு கப்பல் மாஹே கடலோரம் வந்தபோது திடீரென்று அங்கிருந்து நகர மறுத்துவிட்டதாம். அப்பகுதி மக்கள் புனித தெரேசாவின் திருவுருவத்தைத் தம் நகரில் நிறுவி, அதற்கு ஒரு கோவில் கட்டி எழுப்ப வேண்டும் என்பதே கடவுளின் விருப்பமாகத் தெரிகிறது என்று கூறினராம். எனவே அத்திருவுருவம் கப்பலிலிருந்து இறக்கப்பட்டது. கப்பலும் நகரத் தொடங்கியது. புதிதாகக் கட்டிய கோவிலில் புனித தெரேசாவின் திருவுருவம் நிறுவப்பட்டது. அதிலிருந்து ஆண்டுதோறும் புனித தெரேசாவுக்கு விழாக் கொண்டாடப்படுகிறது.

அந்த விழாவில் கத்தோலிக்க கிறித்தவரும் பிற மதத்தினரும் கலந்துகொள்கின்றனர். புனித தெரேசாவின் திருவிழா அக்டோபர் 15ஆம் நாள் கொண்டாடப்படுகிறது. மாஹே நகரில் அத்திருவிழா அக்டோபர் 5ஆம் நாளிலிருந்து 22ஆம் நாள்வரை நிகழ்கின்றது. முக்கிய விழா நாள்கள் அக்டோபர் 14-15 ஆகும்.

மாஹே நகரில் அமைந்த புனித தெரேசா கோவில் கேரளத்தின் கண்ணூர் மறைமாவட்டத்தின் பகுதியாக விளங்குகின்றது. அங்கு மலையாளம் மற்றும் தமிழ் பேசும் கத்தோலிக்கர் உள்ளனர்.

பெயர் விளக்கம்[தொகு]

அழியூர் என்னும் கிராமத்தின் பகுதியாக இருந்தது மைய்யழி. அழி என்றால் கடலும் புழையும் சேரும் இடம் என்று பொருள் மையம் என்றால் நடுவில் என்றொரு பொருளும் உண்டு. அழியூருக்கும் மற்றொரு ஊருக்கும் நடுவில் இருப்பதால் இந்த பெயரைப் பெற்றது எனவும் கூறுவர்.

குறிப்பிடத்தக்கோர்[தொகு]

வெளி இணைப்பு[தொகு]

மேற்கோள்கள்[தொகு]

  1. http://india.gov.in/govt/ltgovernor.php
  2. http://india.gov.in/govt/chiefminister.php
  3. மாஹே நகரில் உள்ள புனித தெரேசா கோவில்


"http://ta.wikipedia.org/w/index.php?title=மாஹே&oldid=1538661" இருந்து மீள்விக்கப்பட்டது