மடு மரியாள் ஆலயம்

கட்டற்ற கலைக்களஞ்சியமான விக்கிப்பீடியாவில் இருந்து.
Shrine of Our Lady of Madhu
அடிப்படைத் தகவல்கள்
அமைவிடம்மன்னார் மாவட்டம், இலங்கை
சமயம்கத்தோலிக்க திருச்சபை
வழிபாட்டு முறைLatin Rite
செயற்பாட்டு நிலைActive

மடு அன்னை (Shrine of Our Lady of Madhu) கன்னி மேரியின் ரோமன் கத்தோலிக்க தேவாலயம் ஆகும். இது இலங்கையின் வட மாகாணத்தில் மன்னார் மாவட்டத்தில் மடு என்ற இடத்தில் அமைந்துள்ளது. 400 ஆண்டுகள் பழமையான இத்தேவாலயம் இலங்கை தமிழ் மற்றும் சிங்கள கத்தோலிக்கரின் புனித வழிபாட்டுத் தலமாக விளங்குகின்றது[1][2]. ஓகஸ்ட் மாதத்தில் இடம்பெறும் இவ்வாலயத்தின் வருடாந்த உற்சவத்தில் கிட்டத்தட்ட ஒரு மில்லியன் மக்கள் இன, மத பேதமின்றி கலந்து கொள்வர்[3]. ஈழப்போர் தொடங்கியதில் இருந்து இவ்வாலயத்திற்கு செல்வோரின் தொகை பல மடங்கு குறைந்தது[1]. இனப்போரின் தாக்கத்தினால் இடம்பெயர்ந்த பல்லாயிரக்கணக்கானோர் இவ்வாலயச் சுற்றுவட்டத்தில் அகதிகளாக தஞ்சமடைந்திருந்தனர். ஏப்ரல் 2008 இல் ஆலயத்தை நோக்கி இலங்கை இராணுவத்தினர் தொடர்ச்சியாக நடத்திய பலத்த எறிகணை வீச்சினால் ஆலயம் பலத்த சேதத்துக்குள்ளாகியது. இதனால் அங்கு அடைக்கலமடைந்திருந்ந்த மக்கள் அனைவரும் வேறு பாதுகாப்பான இடத்தை நோக்கி இடம்பெயர்ந்தனர். அந்த ஆலயத்தில் இறுதியாகத் தங்கியிருந்த குருக்கள் மற்றும் பணியாளர்களும் அங்கிருந்து வெளியேறினர்[4]. இதனை அடுத்து தேவாலயத்தில் 400 ஆண்டுகளாக அருள் பாலித்து வரும் அன்னையின் திருவுருவச் சிலையின் பாதுகாப்புக் கருதி அச்சிலை ஏப்ரல் 4, 2008 இல் மன்னார் தேவன்பிட்டி புனித சவேரியர் ஆலயத்துக்கு எடுத்துச் செல்லப்பட்டது[5].

வரலாறு[தொகு]

மடு தேவாலயப் படுகொலைகள்[தொகு]

நவம்பர் 20, 1999 இல் மடு தேவாலயத்தை நோக்கி எறியப்பட்ட எறிகணை வீச்சினால் அங்கு தங்கியிருந்த 44 பொது மக்கள் கொல்லப்பட்டனர். மேலும் 60 பேர் வரையில் படுகாயமடைந்தனர்[6].

இவற்றையும் பார்க்கவும்[தொகு]

மேற்கோள்கள்[தொகு]

  1. 1.0 1.1 "Sri Lankan Monitor". Archived from the original on 2007-08-02. பார்க்கப்பட்ட நாள் 2008-04-06.
  2. NEGOTIATIONS RESUME, OUR LADY OF MADHU IS A PILGRIM OF PEACE
  3. S. J. Anthony Fernando Madhu Church ready for August festival pilgrims பரணிடப்பட்டது 2007-12-17 at the வந்தவழி இயந்திரம் Daily News, Sri Lanka
  4. (புதினம்)
  5. அகதியாக்கப்பட்ட" மடு மாதா திருவுருவச் சிலையை தேவன்பிட்டி சவேரியார் ஆலயத்திலேயே வைக்க முடிவு (புதினம்)
  6. Dozens of Sri Lankan refugees killed in artillery attack on church on World Socialist Website.

வெளி இணைப்புக்கள்[தொகு]

"https://ta.wikipedia.org/w/index.php?title=மடு_மரியாள்_ஆலயம்&oldid=3566199" இலிருந்து மீள்விக்கப்பட்டது