பெல்கிறேட்

கட்டற்ற கலைக்களஞ்சியமான விக்கிப்பீடியாவில் இருந்து.
(பெல்கிரேடு இலிருந்து வழிமாற்றப்பட்டது)
தாவிச் செல்லவும்: வழிசெலுத்தல், தேடல்
பெல்கிறேட்
Београд
Beograd
NoviBG Nov30 2005.jpg
பெல்கிறேட் நகரம்-ன் சின்னம்
கொடி
Coat of arms of பெல்கிறேட் நகரம்
Coat of arms
செர்பியாவில் பெல்கிறேட் இருந்திடம்
செர்பியாவில் பெல்கிறேட் இருந்திடம்
அமைவு: 44°49′14″N 20°27′44″E / 44.82056°N 20.46222°E / 44.82056; 20.46222
நாடு செர்பியாவின் கொடி செர்பியா
செர்பியாவின் மாவட்டங்கள் பெல்கிறேட் நகரம்
ஊர் 17
தோற்றம் 269 கி.மு.
நகரம் 150 கி.பி.
அரசு
 - மாநகராட்சித் தலைவர் கூறுவர் சோரான் அலிம்பிச் (DS)
பரப்பளவு
 - நகரம் 3,222.68 கிமீ²  (1,244.3 ச. மைல்)
 - புறநகர் 1,035 கிமீ² (399.6 ச. மைல்)
ஏற்றம் [1] 117 மீ (384 அடி)
மக்கள் தொகை (2002)[2]
 - நகரம் 1
 - அடர்த்தி 745/கிமீ² (1,929.5/ச. மைல்)
 - புறநகர் 1
 - புறநகர் அடர்த்தி 5,001/கிமீ² (12,952.5/ச. மைல்)
நேர வலயம் CET (ஒ.ச.நே.+1)
 - கோடைகாலம் 
(ப.சே.நே.)
CEST (ஒ.ச.நே.+2)
Postal code 11000
தொலைபேசி குறியீடு(கள்) (+381) 11
இணையத்தளம்: www.beograd.org.yu

பெல்கிறேட் (அல்லது பெல்கிரேடு) (Belgrade) சேர்பியாவின் தலைநகரமும் அந்நாட்டின் மிகப் பெரிய நகரமும் ஆகும். 1403ஆம் ஆண்டிலிருந்து அந்நாட்டின் தலைநகராக உள்ளது. இது ஐரோப்பாவின் மிகப் பழைய நகரங்களுள் ஒன்றாகும். 17 மாநகரங்களைக் கொண்ட இது சேர்பியாவில் சுயாட்சியுள்ள பிரதேசமாக உள்ளது. இந்த பெயருக்கு வெள்ளை நகரம் என்று பொருள். [3]

புவியியல்[தொகு]

இது கடல் மட்டத்தில் இருந்து 116.75 மீட்டர்கள் உயரத்தில் உள்ளது. தனுபே, சாவா ஆறுகள் இணையும் இடத்தில் இந்த நகரம் அமைந்துள்ளது. காலப்போக்கில், இந்த நகர் விரிவாக்கப்பட்டது.

நிர்வாகம்[தொகு]

பெல்கிரேடு தனியாட்சிப் பிரதேசம் ஆகும். [4] நகரமன்றத்தில் 110 உறுப்பினர்கள் இடம்பெற்றுள்ளனர். ஒவ்வொருவரும் நான்காண்டு காலம் வரையில் பதவியில் இருக்கலாம். இவர்களில் 13 பேர் கொண்ட குழுவும், நகர மேயரும்,, துணை மேயரும் இணைந்து நகரத்தை நிர்வகிக்கின்றனர். சுகாதாரம், போக்குவரத்து உள்ளிட்ட பதினான்கு துறைகளில் நிர்வாகம் செயல்படுத்தப்படுகிறது. செர்பியாவின் தேசிய அமைச்சரவைக் கூட்டமும் இந்த நகரில் நடத்தப்படும். இது 17 பேரூராட்சிகளாகப் பிரிக்கப்பட்டுள்ளது. [5]

மக்கள்[தொகு]

அண்மைய கணக்கெடுப்பின்படி, 11,66,000 மேற்பட்ட மக்கள் வாழ்கின்றனர். இவர்களில் பெரும்பாலானோர் பெல்கிறேடின் நகர்ப்புறத்தில் வாழ்கின்றனர். இவர்களில் பெரும்பான்மையினர் செர்பிய நாட்டவர். ரோமாக்களும், மொண்டிநீகிரோக்களும், யுகோசிலேவியர்களும், குரோட்டியர்களும், முஸ்லீம்களும் குறைவான எண்ணிக்கையில் உள்ளனர்.

யுகோசிலேவிய போரின் காரணமாக, குரோட்டியா, பொசுனியா, கொசொவோ உள்ளிட்ட பகுதிகளைச் சேர்ந்த மக்கள் அகதிகளாக இங்கு வந்து சேர்ந்தனர். பிறர் பொருளாதார அளவில் முன்னேற இங்கு வந்து குடியேறினர். கிறித்தவ ஆர்தோடாக்சு சமயத்தை பெரும்பான்மையினர் பின்பற்றுகின்றனர். குறைந்தளவினர் இசுலாம், ரோம கத்தோலிக்கம், புரொட்டஸ்தாந்தம் ஆகிய மதங்களைப் பின்பற்றுகின்றனர்.

பொருளாதாரம்[தொகு]

இது செர்பியாவின் நிதி நிர்வாக மையமாகத் திகழ்கிறது. செர்பியாவின் மத்திய வங்கியின் தலைமையகமும் இங்குள்ளது. இங்குள்ளவர்களில் ஆறு லட்சத்திற்கும் அதிகமானோர் நிறுவனங்களிலும், 22,000 அதிகமானோர் சிறு நிறுவனங்களிலும் பணிபுரிகின்றனர்.

தகவல் தொழில்நுட்பத்திலும் முன்னணி நகரமாக விளங்குகிறது. மைக்ரோசாப்ட், ஏசுஸ், [6] இண்டெல், டெல், ஹுவாவெய் உள்ளிட்ட நிறுவனங்களின் கிளை மையம் இங்குள்ளது.

பண்பாடு[தொகு]

திரைப்பட விழா, கோடைகால விழா, புத்தக விழா உள்ளிட்ட பல விழாக்கள் ஆண்டுதோறும் கொண்டாடப்படுகின்றன. இங்கு வாழ்ந்த இவோ அன்றிக் என்ற எழுத்தாளர் நோபல் பரிசு பெற்றார். செர்பியாவின் திரைப்படத் துறை இங்குள்ளது.

செர்பியாவின் கலை அறிவியல் கழகம், செர்பியாவின் தேசிய நூலகம் ஆகியன இங்கு அமைந்துள்ளன.

இங்கு வெளிநாட்டு கலாச்சார மையங்களும் உள்ளன. இவற்றுள் ஸ்பெயின் கலாச்சார மையம், பிரான்சு கலாச்சார மையம், ஜெர்மன் கலாச்சார மையம், கனேடிய கலாச்சார மையம், சீன கன்பூசியஸ் கழகம், ஈரானிய கலாச்சாரக் கழகம், கலை அறிவியலுக்கான ரசிய மைஅய்ம், பிரித்தானிய மன்றம் ஆகியன குறிப்பிடத்தக்கன.

சுற்றுலா[தொகு]

பழங்கால கட்டிடங்கள் இங்குள்ளன. தேசிய அருங்காட்சியகம், நிக்கோலா பாசிக் சதுக்கம்., மாணவர் சதுக்கம், பாராளுமன்றம், பழைய அரண்மனை, புனித சாவா தேவாலயம் ஆகியன குறிப்பிடத்தக்கன. பெலி துவோர் எனப்படும் வெள்ளை மாளிகையில் அரிய வேலைப்பாடுகள் பல உள்ளன. அடா சிகன்லியா என்ற தீவு நகரினுள் உள்ளது. சவா ஆற்றினைக் கடந்து இந்த பகுதிக்குச் செல்லலாம். இங்கு விளையாட்டுப் போட்டிகளும், மனமகிழ் மன்ற நிகழ்வுகளும் நடத்தப்படுகின்றன. இது தவிர மேலும் 16 தீவுகள் இங்குள்ளன. சுற்றுலாத் துறையினால் கிடைக்கும் வருமானம் அதிகரித்துள்ளது.

விளையாட்டு[தொகு]

உலகின் முன்னணி விளையாட்டுகள் விளையாடுவதற்கான வசதிகள் இங்குள்ளன. ஐரோப்பிய நீர் போலோ வாகைப் போட்டி, ஐரோபாஸ்கட், ஐரோப்பிய கைப்பந்து போட்டி உள்ளிட்ட பெரிய நிகழ்வுகள் இங்கு ஏற்படுத்தப்பட்டன். ரெட் ஸ்டார் பெல்கிரேடு, பர்டிசான் பெல்கிரேடு உள்ளிட்ட இரு கால்பந்தாட்ட குழுக்கள் இந்த நகரத்தைச் சேர்ந்தவை.

ஊடகம்[தொகு]

செர்பியாவின் தேசிய ஒலிபரப்புக் கூட்டுத்தாபனத்தின் தலைமையகம் பெல்கிரேடில் உள்ளது. பல மனமகிழ் நிகழ்ச்சிகளை இயக்கும் ஆர்டிவி பிங்க் எனும் தொலைக்காட்சி பிரபலமானது. பொலிட்டிக்கா, பிலிக், வெசிர்ன்யே நோவொஸ்தி, தனஸ் உள்ளிட்ட நாளேடுகள் பிரபலமானவை.

உலகளவில் வெளியாகும் பிளேபாய், காஸ்மோபோலிட்டன், எல்லே, நேசனல் ஜியோகிராபிக், மென்ஸ் ஹெல்த், உள்ளிட்ட இதழ்களுக்கு பெல்கிறேடு பதிப்பு உண்டு.

கல்வி[தொகு]

பெல்கிரேடு இரண்டு பெரிய கல்வி நிறுவனங்களைக் கொண்டுள்ளது. பெல்கிரேடு பல்கலைக்கழகம் செர்பியாவின் பெரிய கல்வி நிறுவனங்களில் ஒன்று. இது ஐரோப்பாவிலேயே பெரிய பல்கலைக்கழகங்களில் ஒன்று. இங்கு எறத்தாழ 200 இளநிலை பள்ளிகளும், 85 உயர்நிலைப் பள்ளிகளும் இயங்குகின்றன.

போக்குவரத்து[தொகு]

பெல்கிரேடில் போக்குவரத்து வசதி உள்ளது. பேருந்துகளும், ரயில் போன்ற வடிவில் உள்ள டிராம் வாகனங்களும் உள்ளன. இரயில் தடங்களும் உள்ளன. பெல்கிரேடு துறைமுகம் தனுபே நகரில் உள்ளது. பெல்கிரேடு நிக்கோலா டெஸ்லா விமான நிலையம் வான்வழிப் போக்குவரத்திற்கு உதவுகிறது.

மேற்கோள்கள்[தொகு]

  1. "Geographical Position". Official website of City of Belgrade. பார்த்த நாள் 2007-07-10.
  2. Statistical Office of the Republic of Serbia (2008 estimate) (in Serbian) (PDF). Национална или етничка припадност - подаци по насељима (Књиге резултата Пописа 2002. ed.). Belgrade: Statistical Office of the Republic of Serbia. p. 14. http://webrzs.statserb.sr.gov.yu/axd/Zip/NEP1.pdf. பார்த்த நாள்: 2006-10-29. 
  3. "Why invest in Belgrade?". City of Belgrade. பார்த்த நாள் 11 October 2010.
  4. "Assembly of the City of Belgrade". City of Belgrade. பார்த்த நாள் 10 July 2007.
  5. B. Č. Bačić (1 October 2008) (in Serbian), Najveći problem izjednačavanje statusa gradskih i prigradskih opština, Danas, http://www.danas.rs/danasrs/srbija/beograd/najveci_problem_izjednacavanje_statusa_gradskih_i_prigradskih_opstina_.39.html?news_id=141062, பார்த்த நாள்: 9 February 2010 
  6. "Asus otvorio regionalni centar u Beogradu". Emportal.rs. பார்த்த நாள் 16 November 2010.

வெளி இணைப்புக்கள்[தொகு]

"http://ta.wikipedia.org/w/index.php?title=பெல்கிறேட்&oldid=1667140" இருந்து மீள்விக்கப்பட்டது