பெண்கள் வாக்குரிமை

கட்டற்ற கலைக்களஞ்சியமான விக்கிப்பீடியாவில் இருந்து.
(பெண்கள் வாக்குரிமைப் போராட்டம் இலிருந்து வழிமாற்றப்பட்டது)
தாவிச் செல்லவும்: வழிசெலுத்தல், தேடல்
ஐக்கிய அமெரிக்காவில், வாக்குரிமை கோரி ஆர்ப்பாட்டம் நடத்தும் பெண்கள். காலம்: பெப்ருவரி, 1913

பெண்கள் வாக்குரிமை (women's suffrage[1]) என்பது தேர்தல்களில் பெண்கள் வாக்கு அளிக்கவும், பொதுப்பணிப் பதவிகளில் பங்கேற்க வாக்கெடுப்புகள் வழியாக பெண்கள் தேர்ந்தெடுக்கப்படவும் கொண்டுள்ள உரிமையைக் குறிக்கிறது. பெண்கள் வாக்குரிமையைப் பரவலாக்குவதற்காக எழுந்த பொருளாதார மற்றும் அரசியல் இயக்கங்களும் இதில் அடங்கும்[2]. சொத்து இருக்கவேண்டும், வரி செலுத்த வேண்டும், திருமணம் ஆகியிருக்க வேண்டும் என்ற நிபந்தனைகளுக்கு உட்படாமலேயே பெண்களுக்கு வாக்குரிமை அளிக்கப்பட வேண்டும் என்னும் கருத்தும் இதில் அடங்கும்.

நவீன காலத்தில், பெண்கள் வாக்குரிமை இயக்கம் 18ஆம் நூற்றாண்டின் பிற்பகுதியில் பிரான்சு நாட்டில் தொடங்கியது. அந்நாட்டின் முழுமையிலும், கனடாவின் பிரெஞ்சு மொழி புழங்கிய கியூபெக் மாநிலத்திலும் பெண்களுக்கான முழு உரிமை கிடைக்க மேலும் காலம் பிடித்தது. 1860களில் சில பெண்கள் சுவீடன், பிரித்தானியா, மற்றும் ஐக்கிய அமெரிக்க நாடு களின் சில மேற்கு மாநிலங்களில் வாக்களிக்க உரிமை பெற்றனர். பிரித்தானிய குடியேற்றப் பகுதியாக இருந்த நியூசிலாந்து, வளர்ந்த எல்லாப் பெண்களுக்கும் வாக்குரிமை வழங்கிய முதல் நாடாக 1893 இல் சிறப்புற்றது. அருகிலிருந்த ஆசுத்திரேலியா குடியேற்றப் பகுதியில் பெண்கள் 1895 இல் வாக்களிக்க உரிமை பெற்றார்கள்; மேலும், நாடாளுமன்றத் தேர்தலில் நின்று தேர்ந்தெடுக்கப்படுவதற்கும் உரிமை பெற்றார்கள். இவ்வாறு தேர்ந்தெடுக்கப்படுவதற்கான உரிமை பெண்களுக்கு நியூசிலாந்தில் 1919 இல் தான் வழங்கப்பட்டது[3][4].

ஐரோப்பிய நாடுகளில் பெண்களுக்கு முதன்முதலில் வாக்களிக்கும், தேர்ந்தெடுக்கப்படும் உரிமை வழங்கப்பட்டது பின்லாந்து நாட்டில் ஆகும். அவ்வாறு உரிமை வழங்கப்பட்ட 1907 இல் பின்லாந்து உருசியப் பேரரசில் தனித்தியங்கிய நாட்டுப்பகுதியாக இருந்தது. அங்கு நடந்த நாடாளுமன்றத் தேர்தலில் உறுப்பினராக உலகிலேயே முதன்முதலாக ஒரு பெண் தெரிந்தெடுக்கப்பட்டார்.

வாக்குரிமை பெறுவதற்கு, பெண்கள் பல நாடுகளில் போராட வேண்டியிருந்தது. நாடு முழுவதற்கும் பொது வாக்குரிமை வழங்கப்படுவதற்கு முன்னர் இவ்வாறு போராடித்தான் பல நாடுகளில் வாக்குரிமை பெற்றார்கள். 1979இல் ஐக்கிய நாடுகள் அமைப்பு வெளியிட்ட "பெண்களுக்கு எதிரான அனைத்து வேறுபாட்டு ஒதுக்கல்களையும் ஒழித்தல் பற்றிய அறிக்கை"யின்படி, பெண் வாக்குரிமை ஒரு மனித உரிமையாகும்.

வரலாறு[தொகு]

பெண்கள் வாக்குரிமை இயக்கத் தலைமையிடம். கிளீவ்லாந்து, ஐக்கிய அமெரிக்கா. ஆண்டு: 1913

நடுக்கால பிரான்சு மற்றும் ஐரோப்பிய நாடுகளில் பெருநகரம், நகரம் ஆகியவற்றின் ஆட்சிமன்றங்களில் கலந்து வாக்களிக்கும் உரிமை வீட்டுத்தலைவருக்கு இருந்தது. சுவீடன் நாட்டில், தொழில் குழுக்களில் தகுதி உறுப்பினராகச் சேர்ந்து, வரிகொடுத்த பெண்களுக்கு வாக்குரிமை "சுதந்திர காலம்" என்று அழைக்கப்பட்ட 1718-1771 காலக்கட்டத்தில் வழங்கப்பட்டது.[5]

கோர்சிக்கா குடியரசில், 1755இல் வாக்களிப்பில் கலந்துகொண்டு நாடாளுமன்றம் உருவாக்குவதில் 25 வயதுக்கு மேற்பட்ட எல்லாக் குடிமக்களும், ஆண்கள் பெண்கள் உட்பட, உரிமைபெற்றனர்.[சான்று தேவை] ஆனால் பிரான்சு கோர்சிக்காவை 1769இல் கைப்பற்றியதிலிருந்து பெண்களுக்கு வாக்குரிமை மறுக்கப்பட்டது.

நவீன காலத்தில், 1780-90களில் பெண்கள் வாக்குரிமை இயக்கம் பிரான்சு நாட்டில் தோன்றிற்று. அந்துவான் கொண்டோர்சே (Antoine Condorcet), ஒலிம்ப் தெ கூஸ் (Olympe de Gouges) ஆகியோர் அதில் முக்கிய பங்கு வகித்து, நாட்டுத் தேர்தல்களில் பங்கேற்கும் உரிமை பெண்களுக்கும் வழங்கப்பட வேண்டும் என்று கோரிக்கை எழுப்பினர்.

1756இல் ஐக்கிய அமெரிக்காவில், லிதியா சாப்பின் டாஃப்ட் (Lydia Chapin Taft) என்பவர் குடியேற்றக் கால அமெரிக்காவில் சட்டமுறைப்படி வாக்களித்த முதல் பெண்மணி ஆனார். பிரித்தானிய ஆட்சியின் கீழ் மாசசூசெட்சு குடியேற்றத்தில் இது நிகழ்ந்தது.[6]

அங்கு, நியூ இங்கிலாந்து பகுதியில் அக்சுபிரிட்சு (Uxbridge) நகர் மன்றக் கூட்டத்தில் அவர் மூன்றுமுறைகளாவது வாக்குகள் போட்டார்.[7]

நியூ செர்சி மாநிலத்தில், 1776ஆம் ஆண்டு நாட்டுச்சட்டப்படி பெண்கள் வாக்குரிமை பெற்றனர். எனினும், திருமணமான பெண்களுக்குத் தம் சொந்தப் பெயரில் சொத்துரிமை இல்லாததால், திருமணமாகாமல் அல்லது கைம்பெண்களாக இருந்து சொத்துரிமை கொண்டிருந்தோர் பிற ஆண்களைப்போல் வாக்குரிமை கொண்டிருந்தனர். "எல்லாக் குடிமக்களும்", பால் மற்றும் இன வேறுபாடின்றி வாக்குரிமை பெற்றனர். ஆனால், 1807இல் நிலைமை மாறியது. வாக்களிப்பதில் முறைகேடு நடந்தது என்பதைச் சுட்டிக்காட்டி, வாக்குரிமை வெள்ளை இன ஆண்களுக்கு மட்டுமே உண்டு என்று சட்டம் இயற்றப்பட்டது. இதனால் "அந்நியர், நிறமுடைய மக்கள், நீக்ரோக்கள், பெண்கள்" ஆகியோருக்கு வாக்குரிமை மறுக்கப்பட்டது.

துருக்கி நாட்டு நாடாளுமன்ற உறுப்பினர்களாக 18 பெண்கள் தேர்ந்தெடுக்கப்பட்டனர். ஆண்டு: 1935

ஆப்பிரிக்காவில், சியேரா லியோனி நாட்டில் நடந்த 1972ஆம் ஆண்டுத் தேர்தலின்போது, வீட்டுத் தலைவர்கள் எல்லாரும் வாக்களிக்க உரிமை பெற்றனர். அவர்களுள் மூவரில் ஒருவர் பெண் என்பது குறிப்பிடத்தக்கது.[8]

பிரித்தானிய குடியேற்றக் காலத்தில், பசிபிக் பெருங்கடலில், ஆசுத்திரேலியாவை அடுத்த பிட்கேய்ண் தீவுகளில் குடியேறிய மாலுமியரின் வழிவந்த பெண்களுக்கு வாக்குரிமை 1838லிருந்து கிடைத்தது. பின்னர் 1856இல் அவர்கள் குடியேறிய நோர்ஃபோக் தீவிலும் அவர்களுக்கு இவ்வுரிமை இருந்தது[9].[4]

1861இல் தென் ஆசுத்திரேலியா பெண்களுக்கு வாக்குரிமை வழங்கியது. அதைத் தொடர்ந்து 19ஆம் நூற்றாண்டின் பிற்பகுதியில் பல நாடுகள், குடியேற்றப் பகுதிகள், மாகாணங்கள் பெண்களுக்கு ஒரு சில நிபந்தனைகளுக்கு உட்பட்டு வாக்குரிமை வழங்கின.

பெண்கள் உரிமைகளுக்கான பேரவை[தொகு]

1840இல் இலண்டன் நகரில் "உலக அடிமை முறை எதிர்ப்பு பேரவை" நிகழந்தது. அப்பேரவையில் கலந்துகொள்ள அமெரிக்க பெண்ணுரிமைப் போராளி எலிசபெத் கேடி ஸ்டாண்டன் (Elizabeth Cady Stanton)[10] சென்றிருந்தார். அவர் அங்கு லுக்ரேசியா மோட் (Lucretia Mott) என்னும் மற்றொரு முக்கிய பெண்ணுரிமை ஆதரவாளரைச் சந்தித்தார். அப்பெண்களுக்கும் அமெரிக்காவிலிருந்து பேரவையில் கலந்துகொள்ளச் சென்ற வேறு பெண்களுக்கும், அவர்கள் ஆண்களல்ல என்னும் காரணத்திற்காக பேரவையில் கலந்துகொள்ளும் உரிமை மறுக்கப்பட்டது.

அந்த நிகழ்ச்சி "பெண்கள் உரிமைகளுக்கான பேரவை" (Women's Rights Convention)[11] உருவாக்கப்படுவதற்கு வித்தாயிற்று. 1851இல் ஸ்டாண்டன் மதுவிலக்கு இயக்கத்தை ஆதரித்த சூசன் பி. ஆண்டனி என்னும் பெண்மணியைச் சந்தித்தார். அவர்கள் இருவரும் இணைந்து பெண்கள் உரிமைப் போராட்டத்தை முன்னெடுத்துச் சென்று, பெண்கள் உரிமைக்காகக் குரல்கொடுத்தனர். 1868இல் சூசன் ஆண்டனி, அச்சு மற்றும் தையல் தொழிலில் ஈடுபட்ட, ஆனால் ஆண்களுக்கு மட்டுமே என்றிருந்த தொழிற்சங்கங்களில் இடம் மறுக்கப்பட்ட பெண்கள் "உழைக்கும் பெண்கள் சங்கங்களை" உருவாக்க ஊக்கமளித்தார். பெண்களுக்கு வாக்குரிமை வேண்டும், ஆணாலும் பெண்ணானாலும் சம உழைப்புக்கு சம ஊதியம் வேண்டும் என்று அவர் 1868இல் தேசிய தொழில் பேரவைக் கூட்டத்தில் வலியுறுத்தினார். பெண்களுக்கு வாக்குரிமை வழங்கப்பட வேண்டும் என்று அவர் எழுப்பிய கோரிக்கையை, அப்பேரவையில் கலந்துகொண்ட ஆண்கள் இருட்டடிப்புச் செய்தனர்.[12]

பெண்கள் வாக்குரிமை பல பகுதிகளில் ஏற்கப்படல்[தொகு]

அமெரிக்காவில் வயோமிங் பகுதியில் பெண்கள் 1869இலிருந்து வாக்கு அளிக்க உரிமை பெற்றார்கள். கோர்சிக்காவிலும், மேன் தீவிலும் (Isle of Man), பிட்கேய்ண் தீவுகளிலும், பிரான்சுவில் என்னும் குடியேற்றப் பகுதியிலும் பெண்கள் வாக்குரிமை பெற்றார்கள் என்பது உண்மை என்றாலும், இப்பகுதிகள் தனி நாடுகளாகச் செயல்படவில்லை.

பிரான்சில் 1871ஆம் ஆண்டில், பாரிசு நகராட்சி பெண்களுக்கு வாக்குரிமை அளித்தது. அந்த ஆட்சி கவிழ்ந்ததும் பெண்களுக்கு வாக்குரிமை பறிக்கப்பட்டது. அதன்பிறகு, 1914ஆம் ஆண்டு சூலை மாதத்தில் தான் மீண்டும் பெண்கள் வாக்குரிமை ஏற்கப்பட்டது. அச்சமயம் பிரான்சின் பெரும்பகுதியும் நாசி ஆளுகையின்கீழ் இருந்தது. 1914 ஆகத்தில்தான் விடுதலை செய்யப்பட்டது. பசிபிக் பெருங்கடலில் இருந்த குடியேற்றப்பகுதியாகிய பிரான்சுவில் 1889இல் தன் சுதந்திரத்தை அறிவித்தது. உடனேயே, பால் மற்றும் இன வேறுபாடின்றி அனைவருக்கும் வாக்குரிமை உண்டென அறிவித்தது.[13] ஆனால், பிரான்சும் ஐக்கிய இராச்சியமும் மீண்டும் பிரான்சுவில் பகுதியைத் தம் குடியேற்ற ஆதிக்கத்துக்குள் கொண்டுவந்ததோடு, அப்பகுதியின் சுதந்திர நிலை முடிவுக்குவந்தது.

1881இல் பிரித்தானிய ஆட்சியின் கீழ் உள்ளாட்சிச் சுதந்திரத்தோடு செயல்பட்ட மேன் தீவு, சொத்துக்களை உடைமையாகக் கொண்ட பெண்கள் நாடாளுமன்றத் தேர்தலில் வாக்களிக்கலாம் என்று சட்டம் இயற்றியது.[4]

நியூசீலந்து நாட்டின் சிறப்பு[தொகு]

இன்று தன்னாட்சியோடு விளங்கும் நாடுகளில் முதலாவதாகப் பெண்களுக்கு வாக்குரிமை வழங்கிய நாடு நியூசீலந்து ஆகும். 1893இல் அவ்வுரிமை வழங்கப்பட்டபோது நியூசீலந்து பிரித்தானிய ஆளுகையின் கீழ் தன்னாட்சிகொண்ட பகுதியாகத் திகழ்ந்தது.[14]

தொடக்கத்தில் நியூசீலந்து பெண்கள் வாக்களிக்க உரிமை உண்டு என்று அறிவித்ததே தவிர, அவர்கள் வேட்பாளர்களாகத் தேர்தலில் நிற்க உரிமை கொடுக்கவில்லை. நிபந்தனையற்ற விதத்தில் பெண்களுக்கு வாக்குரிமை நியூசீலந்தில் 1893இல் வழங்கப்பட்டது. கேட் ஷெப்பாட் என்னும் பெண்மணி தலைமைதாங்கி நடத்திய பெண்ணுரிமை இயக்கத்தின் உந்துதலால் பொதுத்தேர்தலுக்கு சில வாரங்களுக்கு முன் வாக்குரிமை பெண்களுக்கு வழங்கப்பட்டது. தொடர்ந்து, பிரித்தானியக் காப்புப் பகுதியாக இருந்த கூக் தீவுகளும் பெண்கள் வாக்குரிமையை ஏற்றது.[15]

ஆசுத்திரேலியா[தொகு]

பிரிட்டனின் ஆளுகைக்கு உட்பட்டு, உள்நிலைத் தன்னாட்சியோடு விளங்கிய தெற்கு ஆசுத்திரேலியா பெண்கள் வாக்குரிமையை ஏற்று, அவர்கள் தேர்தலில் வாக்கு அளிக்கும் உரிமை கொண்டுள்ளதோடு, வேட்பார்களாகத் தேர்தலில் நிற்கவும் உரிமை பெற்றுள்ளனர் என்று 1895இல் சட்டம் இயற்றியது.[16] ஆசுத்திரேலியா கூட்டுநாடாக 1901இல் மாறியதும், பெண்கள் வாக்குரிமையைச் சில மாநிலங்களில் ஏற்றது. தேசிய தேர்தல்களில் பெண்கள் வாக்களிக்கவும் வேட்பாளர்களாக நிற்கவும் உரிமை கொண்டுள்ளார்கள் என்று ஆசுத்திரேலிய மைய நாடாளுமன்றம் 1901இல் சட்டம் இயற்றியது (சில மாநிலங்களில் ஆசுத்திரேலிய ஆதி குடிப் பெண்களுக்கு அவ்வுரிமை மறுக்கப்பட்டது).[17]

ஐரோப்பாவில் முதல் நாடு பின்லாந்து[தொகு]

ஐரோப்பாவைப் பொறுத்தமட்டில், முதல் நாடாக பின்லாந்து பெண்கள் வாக்குரிமையை ஏற்று சட்டம் இயற்றியது. 1905இல் நிகழ்ந்த கலகத்தைத் தொடர்ந்து ஏற்பட்ட ஆட்சி சீர்திருத்தத்தின்போது, தேர்தலில் வாக்கு அளிக்கவும் வேட்பாளராக நிற்கவும் உரிமை வேண்டும் என்று பெண்கள் எழுப்பிய கோரிக்கை 1906இல் ஏற்கப்பட்டது. 1907ஆம் ஆண்டில் நிகழ்ந்த பின்லாந்து நாடாளுமன்றத் தேர்தலின் பயனாக, அந்நாட்டில் 19 பெண்கள் நாடாளுமன்ற உறுப்பினராகப் பதவி ஏற்றனர். அவர்களே உலகத்தில் முதன்முதல் நாடாளுமன்ற உறுப்பினர்களான பெண்கள் என்னும் சிறப்புப் பெற்றார்கள்.


இரண்டாம் உலகப்போருக்கு முந்திய ஆண்டுகளில் நோர்வே 1913இலும், டென்மார்க் மற்றும் ஆசுத்திரேலிய பிற மாநிலங்கள் 1915இலும் பெண்களுக்கு வாக்குரிமை வழங்கின. இரண்டாம் உலகப்போர் முடிவுறும் தறுவாயில், கானடா, சோவியத் உருசியா, செருமனி, போலந்து ஆகிய நாடுகள் பெண்களுக்கு வாக்குரிமை வழங்கிச் சட்டங்கள் இயற்றின.

பிரித்தானியப் பெண்கள் வாக்குரிமை[தொகு]

30 வயதுக்கு மேற்பட்ட பிரித்தானியப் பெண்கள் 1918இல் வாக்குரிமை பெற்றார்கள். நெதர்லாந்து பெண்களுக்கு அவ்வுரிமை 1919இல் வழங்கப்பட்டது. அமெரிக்கப் பெண்களுக்கு வாக்குரிமை 1920இல் கிடைத்தது. துருக்கி நாட்டுப் பெண்கள் 1926இல் வாக்குரிமை பெற்றார்கள்.

21 வயது நிறைந்த, அதற்கு மேல் வயது கொண்ட ஆண்களுக்கு வாக்குரிமை கொடுக்கப்பட்டது போல, தங்களுக்கும் வயது வரம்பு நிர்ணயிக்க வேண்டும் என்று பிரித்தானியப் பெண்கள் போராடியதைத் தொடர்ந்து, 1928இல் அந்நாட்டுப் பெண்களுக்கு அவ்வுரிமை கிடைத்தது.

இறுதியாக, பூட்டான்[தொகு]

மிக அண்மைக்காலத்தில் பெண்களுக்கு முழு வாக்குரிமை வழங்கிய நாடு பூட்டான் ஆகும். அங்கு 2008இல் நடந்த முதல் தேசிய தேர்தலில் பெண்கள் வாக்கு அளிக்கவும் வேட்பாளர்களாக நிற்கவும் உரிமை பெற்றார்கள்.[18]

ஐக்கிய நாடுகள் அவை பெண்கள் வாக்குரிமை அறிவித்தல்[தொகு]

பெண்கள் வாக்குரிமையை உலகளவில் விரிவுபடுத்தும் முயற்சியாக, பன்னாட்டுச் சட்ட அடிப்படையில், ஐக்கிய நாடுகள் மனித உரிமைக் குழு விவாதத்துக்கு எடுத்தது. அக்குழுவின் தலைவராக எலெனோர் ரூசவெல்ட் செயல்பட்டார். அக்குழுவின் பரிந்துரையை 1948இல் ஐக்கிய நாடுகள் அவை ஏற்று வெளியிட்டது. இவ்வாறு பெண்கள் வாக்குரிமை உலக மனித உரிமைகள் சாற்றுரையின்[19] பகுதியாக மாறியது.

உலக மனித உரிமைகள் சாற்றுரையின் உறுப்புரை 21 கீழ்வருமாறு கூறுகிறது:

(1) ஒவ்வொருவருக்கும் தத்தம் நாட்டின் ஆட்சியில் நேரடியாகவோ அல்லது சுதந்திரமான முறையில் தெரிவு செய்யப்பட்ட பிரதிநிதிகள் மூலமாகவோ பங்குபெறுவதற்கு உரிமையுண்டு. (2) ஒவ்வொருவருக்கும் தத்தம் நாட்டிலுள்ள அரசாங்க சேவையில் சமமான முறையில் அமர்த்தப்படுவதற்கு உரிமையுண்டு. (3) மக்களின் விருப்பே அரசாங்கத்தின் அடிப்படையாக அமைதல் வேண்டும். இவ்விருப்பமானது, காலாகாலம், உண்மையாக நடைபெறும் தேர்தல்கள் மூலம் வெளிப்படுத்தப்படல் வேண்டும். இத்தேர்தல் பொதுவானதும், சமமானதுமான வாக்களிப்புரிமை மூலமே இருத்தல் வேண்டுமென்பதுடன், இரகசிய வாக்குமூலம் அல்லது அதற்குச் சமமான, சுதந்திர வாக்களிப்பு நடைமுறைகள் நடைபெறுதல் வேண்டும்.

பெண்கள் வாக்குரிமை இயக்கங்கள்[தொகு]

தன் வீட்டை விற்றுவிட்டு, பிரித்தானிய போராளி எம்மெலின் பான்குர்ஸ்ட், பிரிட்டனிலும் ஐக்கிய அமெரிக்காவிலும் பயணம் சென்று உரைகள் நிகழ்த்தினார். "சுதந்திரம் அல்லது சாவு" என்னும் அவரது புகழ்பெற்ற உரை அமெரிக்காவில், கனெடிக்கட்டில் 1913ஆம் ஆண்டில் நிகழ்த்தப்பட்டது.

உலக நாடுகளில் பெண்கள் வாக்குரிமை விவரப் பட்டியல்[தொகு]

பட்டியலில் "ஆண்டு" என்பது முதன்முறையாக பெண்கள் தேர்தலில் வாக்களிக்கும் உரிமை பெற்ற காலத்தைக் குறிக்கிறதே ஒழிய, அனைவருக்கும் கட்டுப்பாடினின்றி வாக்குரிமை வழங்கப்பட்ட ஆண்டைக் குறிக்கவில்லை.

குறிப்பு: அகர வரிசையிலோ, கால வரிசையிலோ பட்டியலை மாற்ற, இக்குறியைப் பயன்படுத்துக: Sort none.gif

நாடு ஆண்டு வாக்குரிமை பெறும் வயது
ஆப்கானிஸ்தானின் கொடி Kingdom of Afghanistan 1963 18 வயது
அல்பேனியாவின் கொடி Principality of Albania 1920 18 வயது
அல்ஜீரியாவின் கொடி அல்ஜீரியா 1962 18 வயது
அண்டோராவின் கொடி அண்டோரா 1970 18 வயது
அங்கோலாவின் கொடி People's Republic of Angola 1975 18 வயது
{{{பெயர் விகுதியுடன்}}} கொடி அர்ஜென்டினா 1947[20] 18 வயது
ஆர்மீனியாவின் கொடி ஆர்மீனியா 1917 (உருசிய சட்ட முறைப்படி)
1919 மார்ச்சு (நாட்டின் சொந்த சட்ட முறைப்படி)[21]
18 வயது (தற்போது)
20 வயது (தொடக்க காலத்தில்)
அரூபாவின் கொடி அரூபா (a) 18 வயது
ஆத்திரேலியாவின் கொடி ஆஸ்திரேலியா 1902 18 வயது
ஆஸ்திரியாவின் கொடி German Austria 1919 16 வயது (2007இலிருந்து)
20 வயது (தொடக்க காலத்தில்)
அசர்பைஜானின் கொடி Azerbaijan Democratic Republic 1918 18 வயது
Flag of the Bahamas பகாமாசு 1960 18 வயது
பஃரேய்னின் கொடி பஃரேய்ன் 2002 18 வயது
வங்காளதேசத்தின் கொடி வங்காளதேசம் 1972 (நாடு உருவானதிலிருந்து) 18 வயது
பார்படோசின் கொடி பார்படோசு 1950 18 வயது
Missing Blue Ensign.svg British Leeward Islands (Today: அன்டிகுவா பர்புடா, பிரித்தானிய கன்னித் தீவுகள், மொன்செராட், செயிண்ட் கிட்சும் நெவிசும், அங்கியுலா) 1951 18 வயது
Flag of the British Windward Islands (1903-1958).png British Windward Islands (Today: கிரெனடா, செயிண்ட் லூசியா, செயிண்ட். வின்செண்ட் கிரெனேடின்ஸ், டொமினிக்கா) 1951 18 வயது
பெலருசின் கொடி Belarusian People's Republic 1919 18 வயது
பெல்ஜியத்தின் கொடி பெல்ஜியம் 1919/1948(b) 18 வயது
வார்ப்புரு:நாட்டுத் தகவல் British Honduras (Today: பெலீசு) 1954 18 வயது
பெனினின் கொடி Dahomey (Today: பெனின்) 1956 18 வயது
பெர்முடாவின் கொடி பெர்முடா 1944 18 வயது
பூட்டானின் கொடி பூட்டான் 1953 18 வயது
{{{பெயர் விகுதியுடன்}}} கொடி பொலிவியா 1938 18 வயது
பொட்ஸ்வானாவின் கொடி பொட்ஸ்வானா 1965 18 வயது
பிரேசிலின் கொடி பிரேசில் 1932 21 வயது
புரூணை கொடி புரூணை 1959 18 வயது (ஊராட்சித் தேர்தலில் மட்டும்)
{{{பெயர் விகுதியுடன்}}} கொடி பல்கேரியப் பேரரசு 1938 18 வயது
வார்ப்புரு:நாட்டுத் தகவல் Upper Volta (Today: புர்க்கினா பாசோ) 1958 18 வயது
Flag of British Burma (1937).svg Burma 1922 18 வயது
புருண்டியின் கொடி புருண்டி 1961 18 வயது
கம்போடியாவின் கொடி Kingdom of Cambodia 1955 18 வயது
British Cameroons Flag.png British Cameroons (Today: கமரூன்) 1946 20 வயது
கனடா கொடி கனடா 1917 18 வயது
கேப் வேர்டேயின் கொடி கேப் வேர்டே 1975 18 வயது
கேமன் தீவுகளின் கொடி கேமன் தீவுகள் (a) 18 வயது
Flag of the Central African Republic மத்திய ஆபிரிக்கக் குடியரசு 1986 21 வயது
சாட்டின் கொடி சாட் 1958 18 வயது
{{{பெயர் விகுதியுடன்}}} கொடி சிலி 1934 18 வயது (தற்போது)
தொடக்கத்தில் 25 வயதுடைய, எழுத வாசிக்கத் தெரிந்தோர் மட்டும் (ஊராட்சித் தேர்தலில் மட்டும்)
Flag of the People's Republic of China சீன மக்கள் குடியரசு 1947 18 வயது
கொலம்பியாவின் கொடி கொலம்பியா 1954 18 வயது
Flag of the Comoros கொமொரோசு 1956 18 வயது
வார்ப்புரு:நாட்டுத் தகவல் Zaire (Today: காங்கோ மக்களாட்சிக் குடியரசு) 1967 18 வயது
Flag of the Republic of the Congo கொங்கோ ஜனநாயகக் குடியரசு 1963 18 வயது
Flag of the Cook Islands குக் தீவுகள் 1893 18 வயது
கோஸ்ட்டா ரிக்கா கொடி கோஸ்ட்டா ரிக்கா 1949 18 வயது
{{{பெயர் விகுதியுடன்}}} கொடி கோட் டிவார் 1952 19 வயது
கியூபாவின் கொடி கூபா 1934 16 வயது
சைப்ரசின் கொடி சைப்பிரசு 1960 18 வயது
{{{பெயர் விகுதியுடன்}}} கொடி செக்கோஸ்லோவாக்கியா (Today: செக் குடியரசு, சிலோவாக்கியா) 1920 18 வயது
டென்மார்க்கின் கொடி டென்மார்க் (Then including ஐசுலாந்து) 1915 18 வயது
ஜிபுட்டியின் கொடி ஜிபுட்டி 1946 18 வயது
Flag of the Dominican Republic டொமினிக்கன் குடியரசு 1942 18 வயது
எக்குவடோரின் கொடி எக்குவடோர் 1929 18 வயது
எகிப்தின் கொடி எகிப்து 1956 18 வயது
எல் சல்வடோரின் கொடி எல் சல்வடோர் 1939 18 வயது
எக்குவடோரியல் கினியாவின் கொடி எக்குவடோரியல் கினி 1963 18 வயது
எஸ்தோனியாவின் கொடி எஸ்தோனியா 1917 18 வயது
வார்ப்புரு:நாட்டுத் தகவல் Ethiopian Empire (Then including எரித்திரியா) 1955 18 வயது
Flag of the Falkland Islands போக்லாந்து தீவுகள் (a) 18 வயது
பிஜியின் கொடி பிஜி 1963 21 வயது
பின்லாந்தின் கொடி பின்லாந்து 1906 18 வயது
பிரான்சின் கொடி பிரான்ஸ் 1944 18 வயது
பிரெஞ்சு பொலினீசியாவின் கொடி பிரெஞ்சு பொலினீசியா (a) 18 வயது
காபொன் கொடி காபொன் 1956 21 வயது
கம்பியாவின் கொடி கம்பியா 1960 18 வயது
{{{பெயர் விகுதியுடன்}}} கொடி Democratic Republic of Georgia 1918 18 வயது
{{{பெயர் விகுதியுடன்}}} கொடி வெய்மர் குடியரசு 1918 18 வயது
கானாவின் கொடி கானா 1954 18 வயது
{{{பெயர் விகுதியுடன்}}} கொடி கிப்ரால்ட்டர் (a) 18 வயது
கிரேக்கின் கொடி கிரேக்கம் 1930 (கல்வியறிவுடையோர், உள்ளாட்சித் தேர்தலில் மட்டும்), 1952 (நிபந்தனையின்றி) 18 வயது (1952இலிருந்து), 30 வயது (1930இல்)
கிறீன்லாந்தின் கொடி கிறீன்லாந்து (a) 18 வயது
குவாமின் கொடி குவாம் (a) 18 வயது
குவாத்தமாலாவின் கொடி குவாத்தமாலா 1946 18 வயது
{{{பெயர் விகுதியுடன்}}} கொடி குயெர்ன்சி (a) 18 வயது
கினியாவின் கொடி கினியா 1958 18 வயது
கினி-பிசாவுவின் கொடி கினி-பிசாவு 1977 18 வயது
{{{பெயர் விகுதியுடன்}}} கொடி கயானா 1953 18 வயது
எய்ட்டியின் கொடி எய்ட்டி 1950 18 வயது
{{{பெயர் விகுதியுடன்}}} கொடி ஹொண்டுராஸ் 1955 18 வயது
[[Image:{{{flag alias-1910}}}|22x20px|border|ஆங்காங்கின் கொடி]] ஆங்காங் 1949 18 வயது
அங்கேரியின் கொடி Hungarian Democratic Republic 1918 18 வயது
இந்தியாவின் கொடி இந்தியா 1947 (நாடு உருவானதிலிருந்து) 18 வயது
இந்தோனேசியா கொடி இந்தோனேசியா 1937 (ஐரோப்பியருக்கு மட்டும்), 1945 17 வயது (திருமணமான அனைவரும், வயது வேறுபாடின்றி)
ஈரான் கொடி ஈரான் 1963 18 வயது; முன்னர் 15 வயது
ஈராக்கின் கொடி ஈராக் 1980 18 வயது
[[Image:{{{flag alias-1919}}}|22x20px|border|Flag of Ireland]] அயர்லாந்து 1918 18 வயது
மாண் தீவின் கொடி மாண் தீவு 1881 16 வயது
இசுரேலின் கொடி இசுரேல் 1948 (நாடு உருவானதிலிருந்து) 18 வயது
இத்தாலியின் கொடி இத்தாலி 1946 18 வயது (நாடாளுமன்றத் தேர்தலில் குறைந்த வயது 25)
{{{பெயர் விகுதியுடன்}}} கொடி ஜமைக்கா 1944 18 வயது
சப்பான் கொடி சப்பான் 1947 20 வயது
யேர்சியின் கொடி யேர்சி (a) 16 வயது
யோர்தானின் கொடி யோர்தான் 1974 18 வயது
வார்ப்புரு:நாட்டுத் தகவல் Kazakh SSR 1924 18 வயது
கென்யாவின் கொடி கென்யா 1963 18 வயது
கிரிபட்டியின் கொடி கிரிபட்டி 1967 18 வயது
வட கொரியாவின் கொடி வட கொரியா 1946 17 வயது
தென் கொரியாவின் கொடி தென் கொரியா 1948 19 வயது
குவைத்தின் கொடி குவைத் 2005 21 வயது
வார்ப்புரு:நாட்டுத் தகவல் Kyrgyz SSR 1918 18 வயது
லாவோஸ் கொடி Kingdom of Laos 1958 18 வயது
{{{பெயர் விகுதியுடன்}}} கொடி லாத்வியா 1917 18 வயது
{{{பெயர் விகுதியுடன்}}} கொடி லெபனான் 1943 (தொடக்கக் கல்வி பெற்றதற்கு ஆதாரம் தேவை). 1952 (ஆதாரம் தேவையில்லை) 21 வயது
லெசோத்தோவின் கொடி லெசோத்தோ 1965 18 வயது
லைபீரியாவின் கொடி லைபீரியா 1946 18 வயது
லிபியாவின் கொடி Kingdom of Libya 1964 18 வயது
{{{பெயர் விகுதியுடன்}}} கொடி லீக்டன்ஸ்டைன் 1984 18 வயது
லித்துவேனியாவின் கொடி லித்துவேனியா 1917 18 வயது
லக்சம்பேர்க்கின் கொடி லக்சம்பேர்க் 1919 18 வயது
மக்காவோவின் கொடி மக்காவோ (a) 18 வயது
மடகாஸ்கரின் கொடி மடகாஸ்கர் 1959 18 வயது
மலாவியின் கொடி மலாவி 1961 18 வயது
வார்ப்புரு:நாட்டுத் தகவல் Malaya மலாயா கூட்டமைப்பு (Today: மலேசியா) 1957 21 வயது
Old State Flag of Maldives.svg மாலைதீவுகள் 1932 21 வயது
மாலியின் கொடி மாலி 1956 18 வயது
மால்ட்டாவின் கொடி மால்ட்டா 1947 18 வயது
Flag of the Marshall Islands மார்ஷல் தீவுகள் 1979 18 வயது
மவுரித்தேனியாவின் கொடி மவுரித்தேனியா 1961 18 வயது
[[Image:{{{flag alias-1923}}}|22x20px|border|மொரீஷியஸின் கொடி]] மொரீஷியஸ் 1956 18 வயது
மெக்சிக்கோவின் கொடி மெக்சிக்கோ 1947 18 வயது
மைக்குரோனீசியக் கூட்டு நாடுகளின் கொடி மைக்குரோனீசியக் கூட்டு நாடுகள் 1979 18 வயது
மோல்டோவாவின் கொடி மோல்டோவா 1918 18 வயது
மொனாகோவின் கொடி மொனாகோ 1962 18 வயது
[[Image:{{{flag alias-1924}}}|22x20px|மங்கோலியாவின் கொடி]] Mongolian People's Republic 1924 18 வயது
மொரோக்கோவின் கொடி மொரோக்கோ 1963 18 வயது
மொசாம்பிக்கின் கொடி People's Republic of Mozambique 1975 18 வயது
நமீபியாவின் கொடி நமீபியா 1989 18 வயது
நவூருவின் கொடி நவூரு 1968 20 வயது
{{{பெயர் விகுதியுடன்}}} கொடி நேபாளம் 1951 18 வயது
Flag of the Netherlands நெதர்லாந்து 1919 18 வயது
நியூசிலாந்து கொடி நியூசிலாந்து 1893 18 வயது
நிக்கராகுவாவின் கொடி நிக்கராகுவா 1955 16 வயது
நைஜர் கொடி நைஜர் 1948 18 வயது
நைஜீரியாவின் கொடி நைஜீரியா 1958 18 வயது
நோர்வேயின் கொடி நோர்வே 1913 18 வயது
ஓமான் கொடி ஓமான் 2003 21 வயது
பாக்கித்தானின் கொடி பாக்கித்தான் 1947 (நாடு உருவானதிலிருந்து) 18 வயது
பலாவுவின் கொடி பலாவு 1979 18 வயது
பனாமாவின் கொடி பனாமா 1941 18 வயது
{{{பெயர் விகுதியுடன்}}} கொடி பப்புவா நியூ கினி 1964 18 வயது
பராகுவே கொடி பராகுவே 1961 18 வயது
{{{பெயர் விகுதியுடன்}}} கொடி பெரு 1955 18 வயது
Flag of the Philippines பிலிப்பைன்ஸ் 1937 18 வயது
Flag of the Pitcairn Islands பிட்கன் தீவுகள் 1838 18 வயது
போலந்தின் கொடி போலந்து 1917 18 வயது
போர்த்துகலின் கொடி போர்த்துகல் 1931 18 வயது
{{{பெயர் விகுதியுடன்}}} கொடி புவேர்ட்டோ ரிக்கோ 1929 18 வயது
கட்டார் கொடி கத்தார் 1997 18 வயது
{{{பெயர் விகுதியுடன்}}} கொடி ருமேனியா பேரரசு 1938 18 வயது
உருசியாவின் கொடி உருசிய இடைக்கால அரசு 1917 18 வயது (தற்போது)
20 வயது (தொடக்கத்தில், நகர மன்றங்களுக்கு)[22]
உருசிய நாட்டமைப்புச் சட்ட உருவாக்கத்தில் கலந்துகொள்ள முதலில் 21 வயது[23]
ருவாண்டாவின் கொடி ருவாண்டா 1961 18 வயது
செயிண்ட். எலனா கொடி செயிண்ட். எலனா (a) (a)
சமோவா கொடி சமோவா 1990 21 வயது
{{{பெயர் விகுதியுடன்}}} கொடி சான் மரீனோ 1959 18 வயது
சாவோ தோமே பிரின்சிபேயின் கொடி சாவோ தோமே பிரின்சிபே 1975 18 வயது
சவூதி அரேபியாவின் கொடி சவூதி அரேபியா 2015 (எதிர்பார்க்கப்படுகிறது) 21 வயது
செனகல் கொடி செனகல் 1945 18 வயது
Flag of the Seychelles சிஷெல்ஸ் 1948 17 வயது
சியெரா லியொனின் கொடி சியெரா லியொன் 1961 18 வயது
சிங்கப்பூர் கொடி சிங்கப்பூர் 1947 21 வயது
Flag of the Solomon Islands சொலமன் தீவுகள் 1974 21 வயது
சோமாலியாவின் கொடி சோமாலியா 1956 18 வயது
தென்னாப்பிரிக்கா கொடி தென்னாப்பிரிக்கா 1930 (வெள்ளையருக்கு); 1968 (நிறமுடையோருக்கு); 1984 (இந்தியருக்கு); 1994 (கருப்பருக்கு) 18 வயது (தொடக்கத்தில் 21 வயது; 1960இலிருந்து வயது குறைக்கப்பட்டது)
எசுப்பானியாவின் கொடி எசுப்பானியா 1931 18 வயது
[[Image:{{{flag alias-colonial}}}|22x20px|border|இலங்கையின் கொடி]] இலங்கை (Today: இலங்கை) 1931 18 வயது
சூடானின் கொடி சூடான் 1964 17 வயது
வார்ப்புரு:நாட்டுத் தகவல் Dutch Guiana (Today: சுரிநாம்) 1948 18 வயது
சுவாசிலாந்துக் கொடி சுவாசிலாந்து 1968 18 வயது
சுவீடன் கொடி சுவீடன் 1921 18 வயது
சுவிஸர்லாந்தின் கொடி சுவிட்சர்லாந்து 1971 18 வயது
சிரியாவின் கொடி சிரியா 1949 18 வயது
Flag of the Republic of China சீனக் குடியரசு 1947 20 வயது
வார்ப்புரு:நாட்டுத் தகவல் Tajik SSR 1924 18 வயது
தன்சானியாவின் கொடி தன்சானியா 1959 18 வயது
தாய்லாந்து கொடி தாய்லாந்து 1932 18 வயது
கிழக்குத் திமோரின் கொடி கிழக்குத் திமோர் 1976 17 வயது
டோகோவின் கொடி டோகோ 1945 18 வயது
தொங்காவின் கொடி தொங்கா 1960 21 வயது
{{{பெயர் விகுதியுடன்}}} கொடி டிரினிடாட் மற்றும் டொபாகோ 1946 18 வயது
துனீசியாவின் கொடி துனீசியா 1959 18 வயது
துருக்கியின் கொடி துருக்கி 1930 (உள்ளூர்த் தேர்தலில்), 1934 (தேசிய தேர்தலில்) 18 வயது
வார்ப்புரு:நாட்டுத் தகவல் Turkmen SSR 1924 18 வயது
துவாலுவின் கொடி துவாலு 1967 18 வயது
உகாண்டாவின் கொடி உகாண்டா 1962 18 வயது
வார்ப்புரு:நாட்டுத் தகவல் Ukrainian SSR 1919 18 வயது
Flag of the United Arab Emirates ஐக்கிய அரபு அமீரகம் 2006 (a)
Flag of the United Kingdom ஐக்கிய இராச்சியம் (Then including அயர்லாந்து) 1918; 1928 18 வயது; அதற்கு முன் 21 வயது; அதற்கு முன் 30 வயது
Flag of the United States ஐக்கிய அமெரிக்கா 1920 18 வயது
உருகுவையின் கொடி உருகுவை 1917/1927 (c) 18 வயது
வார்ப்புரு:நாட்டுத் தகவல் Uzbek SSR 1938 18 வயது
வனுவாட்டுவின் கொடி வனுவாட்டு 1975 18 வயது
வெனிசுவேலாவின் கொடி வெனிசுவேலா 1946 18 வயது
{{{பெயர் விகுதியுடன்}}} கொடி வியட்நாம் 1946 18 வயது
{{{பெயர் விகுதியுடன்}}} கொடி People's Democratic Republic of Yemen (Today: யெமன்) 1967 18 வயது
சாம்பியாவின் கொடி சாம்பியா 1962 18 வயது
வார்ப்புரு:நாட்டுத் தகவல் Southern Rhodesia (Today: சிம்பாப்வே) 1919 21 வயது
வார்ப்புரு:நாட்டுத் தகவல் Yugoslavia (Today: செர்பியா, மொண்டெனேகுரோ, குரோவாசியா, சுலோவீனியா, பொசுனியா எர்செகோவினா, Macedonia) 1945 18 வயது

Note:

(a) தரவு கிடைக்கவில்லை
(b) உள்ளூர்த் தேர்தலில் வாக்களிக்கும் உரிமை நாட்டுச்சட்டத்தால் 1919இல் வழங்கப்பட்டது. மாநில அவைகளுக்கும் நாடாளுமன்றத்துக்குமான தேர்தல்களில் வாக்களிக்கும் உரிமை 1948இல் தான் வழங்கப்பட்டது.
(c) செர்ரோவில் நிகழ்ந்த வாக்குக்கணிப்பைத் தொடர்ந்து, பெண்கள் வாக்குரிமை 1927இல் முதன்முறையாக அறிவிக்கப்பட்டது.[24]

நாடுகள் வாரியாக பெண்கள் வாக்குரிமை[தொகு]

பெண்கள் வாக்குரிமை கேலிச்சித்திரம். இதழ்: Melbourne Punch (1887). ஆசுத்திரேலியா. நாடாளுமன்ற பெண் உறுப்பினர் தம் குழந்தையை அவைத் தலைவரின் கையில் ஒப்படைத்துவிட்டு, அவையில் உரையாற்றுகிறார்.

பின்லாந்து[தொகு]

பின்லாந்தில் 1907இல் நிகழ்ந்த நாடாளுமன்றத் தேர்தலில் வெற்றிபெற்ற 19 பெண் உறுப்பினர்களுள் 13 பேர். உலகத்திலேயே முதன்முறை நாடாளுமன்ற உறுப்பினராகத் தேர்ந்தெடுக்கப்பட்ட பெண்கள் இவர்களே.

ஐக்கிய இராச்சியம்[தொகு]

பிரித்தானிய கேலிச்சித்திரம். பெண்கள் வாக்குரிமைக்குக் குரல்கொடுத்ததற்காகச் சிறைப்படுத்தப்பட்ட பெண்போராளிகள் உடல் எடையைக் குறைத்து மெலிவுற்று சாளரம் வழியே தப்பி ஓடுவதற்காகச் சிறையில் உண்ண மறுக்கின்றனர்.

ஆதாரங்கள்[தொகு]

  1. Women's suffrage என்பது பிரித்தானிய ஆங்கிலத்திலும், woman suffrage என்பது அமெரிக்க ஆங்கிலத்திலும் வழங்குகிறது. எ.டு.:Collins, New Oxford, American Heritage, Random House, Merriam-Webster. அமெரிக்க கலைக்களஞ்சியங்களாகிய Encyclopædia Britannica மற்றும் Collier Encyclopedia woman suffrage என்றே குறிப்பிடுகின்றன.
  2. "Education.yahoo.com". Education.yahoo.com. பார்த்த நாள் 2011-01-08.
  3. "Foundingdocs.gov.au". Foundingdocs.gov.au. பார்த்த நாள் 2011-01-08.
  4. 4.0 4.1 4.2 EC (2005-04-13). "Elections.org.nz". Elections.org.nz. பார்த்த நாள் 2011-01-08.
  5. * Åsa Karlsson-Sjögren: Männen, kvinnorna och rösträtten : medborgarskap och representation 1723–1866 ("Men, women and the vote: citizenship and representation 1723–1866") (in Swedish)
  6. Chapin, Judge Henry (2081). Address Delivered at the Unitarian Church in Uxbridge; 1864. Worcester, Mass.: Charles Hamilton Press (Harvard Library; from Google Books). p. 172. 
  7. "Uxbridge Breaks Tradition and Makes History: Lydia Chapin Taft by Carol Masiello". The Blackstone Daily. பார்த்த நாள் 2011-01-21.
  8. p. 374, Rough Crossings (2006), Simon Schama
  9. பவுண்டி கலகம்
  10. எலிசபெத் கேடி ஸ்டாண்டன்
  11. பெண்கள் உரிமைகளுக்கான பேரவை
  12. Web Wizardry - http://www.web-wizardry.com+(1906-03-13). "Biography of Susan B. Anthony at". Susanbanthonyhouse.org. பார்த்த நாள் 2011-09-02.
  13. "Wee, Small Republics: A Few Examples of Popular Government," Hawaiian Gazette, November 1, 1895, p1
  14. Colin Campbell Aikman, ‘History, Constitutional’ in McLintock, A.H. (ed),An Encyclopaedia of New Zealand, 3 vols, Wellington, NZ:R.E. Owen, Government Printer, 1966, vol 2, pp.67–75.
  15. EC (2005-04-13). "Elections.org.nz". Elections.org.nz. பார்த்த நாள் 2011-01-08.
  16. "Constitution (Female Suffrage) Act 1895 (SA)". National Archives of Australia. பார்த்த நாள் 2007-12-10.
  17. "AEC.gov.au". AEC.gov.au (2007-08-09). பார்த்த நாள் 2011-01-08.
  18. Mian Ridge. ""Bhutan makes it official: it's a democracy." ''Christian Science Monitor,'' March 25, 2008". Csmonitor.com. பார்த்த நாள் 2011-09-02.
  19. ஐ.நா. மனித உரிமைகள் சாற்றுரை - தமிழ் மொழிபெயர்ப்பு
  20. Gregory Hammond, The Women's Suffrage Movement and Feminism in Argentina From Roca to Peron (U of New Mexico Press; 2011)
  21. Simon Vratsian Hayastani Hanrapetutyun (The Republic of Armenia, Arm.), Yerevan, 1993, p. 292.
  22. "постановление "О производстве выборов гласных городских дум, об участковых городских управлениях"". Emsu.ru. பார்த்த நாள் 2011-01-08.
  23. "Constituent Assembly electoral law of 1917". Democracy.ru. பார்த்த நாள் 2011-01-08.
  24. http://es.wikipedia.org/wiki/Plebiscito_de_Cerro_Chato_de_1927

வெளி இணைப்புகள்[தொகு]

"http://ta.wikipedia.org/w/index.php?title=பெண்கள்_வாக்குரிமை&oldid=1748275" இருந்து மீள்விக்கப்பட்டது