புளூட்டாக்

கட்டற்ற கலைக்களஞ்சியமான விக்கிப்பீடியாவில் இருந்து.
தாவிச் செல்லவும்: வழிசெலுத்தல், தேடல்
புளூட்டாக்
(லூசியஸ்?) மெஸ்ட்ரியஸ் புளூட்டாக்கஸ்
Μέστριος Πλούταρχος
[[Image:Plutarch.gif|200px|alt=]]
Parallel Lives, அமியட் மொழிபெயர்ப்பு, 1565
தொழில் வாழ்க்கை வரலாற்றாசிரியர், கட்டுரையாளர், மதகுரு, தூதுவர், நீதிபதி
நாடு கிரேக்கர்
கருப்பொருட்கள் வாழ்க்கை வரலாறு
இயக்கம் இடைக்காலப் பிளேட்டோனியம்,
ஹெலனிய இலக்கியம்

புளூட்டாக் (Plutarch - கிபி 46 - கிபி 120) ஒரு கிரேக்க வரலாற்றாளரும், வாழ்க்கை வரலாற்றாசிரியரும், கட்டுரையாளரும் ஆவார். புளூட்டாக், பியோசியாவில் இருந்த கரணியா என்னும் நகரத்தைச் சேர்ந்த பிரபலமான குடும்பமொன்றில் பிறந்தார். இவ்விடம் டெல்பியில் இருந்து வடக்குத் திசையில் 20 மைல்கள் தொலைவில் உள்ளது.

இளமைக் காலம்[தொகு]

பியோசியாவில் பிறந்த புளூட்டாக்கின் தந்தை பெயர் தெரியவரவில்லை. எனினும் ஒன்றுவிட்டு ஒரு தலைமுறைகளில் ஒரே பெயர் இடப்படும் கிரேக்கர்களின் வழக்கத்தை வைத்துப் பார்க்கும்போது இவரது பெயர் நிக்கார்க்கஸ் ஆக இருக்கலாம் என ஊகிக்கப்படுகின்றது. இவர்கள் பணக்காரர்கள். புளூட்டாக்கின் பாட்டனின் பெயர் லாம்பிறைஸ் (Lamprias) என புளூட்டாக்கின் மோராலியா என்னும் நூலில் தரப்பட்டுள்ளது. இவருக்கு எத்தனை பிள்ளைகள் என்பதும் தெளிவாகத் தெரியவில்லை. இவருடைய ஆக்கங்களில் ஆட்டோபுலுஸ், இரண்டாவது புளூட்டாக் என்னும் இரண்டு மகன்கள் பற்றி அடிக்கடி குறிப்பிடப்பட்டுள்ளது. இவ்விருவர் தவிர சோக்லாரஸ் (Soklarus) என்னும் ஒருவர் பற்றியும் குறிப்புக்கள் காணப்படுகின்றன இவரும் புளூட்டாக்கின் மகனாக இருக்கலாம் எனக் கருதப்படுகிறது. புளூட்டாக்கின் மகள் எனக் கருதப்படக்கூடிய ஒரு பெண்ணின் பெயரும் இவரது எழுத்துக்களில் உள்ளன.

கிபி 66 ஆம் ஆண்டுக்கும் 67 ஆம் ஆண்டுக்கும் இடையில் புளூட்டாக் ஏதென்ஸ் அக்கடமியில் அம்மோனியஸ் என்பவரின் கீழ் கணிதத்தையும், மெய்யியலையும் கற்றார். இவருக்கு, சோசியஸ் செனேசியோ ( Soscius Senecio), ஃபண்டனஸ் போன்ற பல செல்வாக்குள்ள நண்பர்கள் இருந்தனர். இவர்கள் இருவரும் செனட்டர்கள். இவர் மத்தியதரைப் பகுதியில் பரவலாகப் பயணம் செய்துள்ளார். மைய கிரீஸ், ஸ்பார்ட்டா, கொறிந்த், பாட்ராஸ், சார்டெஸ், அலெக்சாந்திரியா, ரோம் ஆகிய இடங்களுக்கு இவர் சென்றுள்ளார்.

இவர் தனது வாழ்க்கையின் பெரும்பகுதியைக் கரணியாவிலேயே கழித்தார்.

"http://ta.wikipedia.org/w/index.php?title=புளூட்டாக்&oldid=1350837" இருந்து மீள்விக்கப்பட்டது