புறவணியிழையம்

புறவணியிழையம்
படிமம்:Tkanka nablonkowa.png
எப்பித்தீலியம்

எப்பித்தீலியம் (Epithelium) அல்லது புறவணியிழையம் என்பது விலங்கினங்களில் காணப்படும் நான்கு வகை அடிப்படை இழைய வகைகளில் இணைப்பிழையம், தசை இழையம், நரம்பிழையம் ஆகியவற்றுடன் நான்காவதாகும். புறவணியிழையங்கள் உடல் பொந்துகளைச் சுற்றியும் புறச் சூழலுடன் தொடர்புடைய அனைத்து உள், வெளி உறுப்புக்களையும் மூடியும் இருக்கும். மேலும் பல சுரப்பிகள் இவற்றால் ஆனவையே. புறவணியிழையங்களின் செயற்பாடுகள் சுரத்தல், தேர்ந்தெடுத்த உட்கொள்ளல், பாதுகாப்பு, உயிரணுக்களிடையேயான போக்குவரத்து மற்றும் தொடு உணர்ச்சி என்பன ஆகும். கிரேக்கத்தில் "எபி" என்பது , "புற, மேல்," எனவும் "தீலி" என்பது "திசு" எனவும் பொருள்படுமாதலால் இதனை மருத்துத் துறையில் எப்பித்தீலியம் எனக் குறிப்பிடுகின்றனர்.

தோலிழையம் (Epidermis) என்பது உடலின் வெளிப்புறம் உள்ள தோலாக அமைகின்ற சிறப்பு புறவணியிழையங்களாகும்.

புறவணியிழையங்கள், இணைப்பிழையங்களின் மீது ஒன்றன்மேல் ஒன்றாக அமையும்போது இரண்டுக்குமிடையே அடிமென் சவ்வு ஒன்று பிரிக்கிறது. இந்த சவ்வுகளில் மிக நெருக்கமாக கூட்டமான உயிரணுக்கள் இறுக்கச் சந்திப்புகளுடன் டெஸ்மோசோம்களால் பிணையப்பட்டுள்ளன. புறவணியிழையங்கள் குருதி நாளங்கள் அற்றவை. எனவே அவற்றிற்கான சத்துக்களை கீழேயுள்ள இணைப்பிழையங்கள் மூலமாக சவ்வூடு பரவல் முறையில் பெறுகின்றன. இந்த இழையங்கள் கூட்டமாக அமைக்கப்பட்டு புறச்சுரப்பிகளாகவும் நாளமில்லாச் சுரப்பிகளாகவும் செயல்பட இயலும். இவ்வகை சுரப்பிகள் குருதி நாளங்களை பெரிதும் பயன்படுத்துபவை.

மேற்கோள்கள்

நூற்கோவை

• Freshney, R.I. (2002). "Introduction". in Freshney, R. Ian & Freshney, Mary. Culture of epithelial cells. John Wiley & Sons. ISBN 9780471401216. http://books.google.com/books?id=KqKNxeWlU6MC&pg=PA1. 
• van Lommel, Alfons T.L. (2002). From cells to organs: a histology textbook and atlas. Springer. ISBN 9781402072574. http://books.google.com/books?id=EvYjLNKLu9sC. 

மேலும் கற்க

• Green H (September 2008). "The birth of therapy with cultured cells". Bioessays 30 (9): 897–903. doi:10.1002/bies.20797. PMID 18693268. 
• Kefalides, Nicholas A. & Borel, Jacques P., ed (2005). Basement membranes: cell and molecular biology. Gulf Professional Publishing. ISBN 9780121533564. http://books.google.com/books?id=RM-FVY47NEgC. 
• Nagpal R, Patel A, Gibson MC (March 2008). "Epithelial topology". Bioessays 30 (3): 260–6. doi:10.1002/bies.20722. PMID 18293365. 
• Yamaguchi Y, Brenner M, Hearing VJ (September 2007). "The regulation of skin pigmentation" (Review). J. Biol. Chem. 282 (38): 27557–61. doi:10.1074/jbc.R700026200. PMID 17635904. http://www.jbc.org/cgi/pmidlookup?view=long&pmid=17635904.