புணர்ச்சிக் குறிப்பு

ஆணும் பெண்ணும் உடலுறவு கொள்ளுதல் புணர்ச்சி எனப்படும். தலைவி தலைவனோடு கொண்ட மறைமுக உடலுறவைத் தோழி எவ்வாறு அறிந்துகொள்வாள் என்று தொல்காப்பியம் குறிப்பிடுகின்றது.

1. நாற்றம் - புணர்ச்சி வெளிப்பாட்டில் தோன்றும் உடல் மணத்தைத் தொல்காப்பியம் வெறி-நாற்றம் எனக் குறிப்பிடுகிறது.
2. தோற்றம் - வாரிய கூந்தல் கலைந்திருத்தல், உடல் உறவின்போது தோன்றும் வியர்வையால் பொட்டு அழிந்திருத்தல், மார்பில் தோன்றும் கீறல் குறிகள் முதலானவை தோற்ற மாறுபாடுகள்.
3. ஒழுக்கம் - பதற்றத்தோடும், பறிகொடுத்தவள் போலவும் நடந்துகொள்ளுதல்
4. உண்டி - உண்ண விரும்பாமை
5. செய்வினை மறைத்தல் - தன் செயல்களைப் பிறர் அறியாவண்ணம் மறைத்தல்
6. தனியே செல்லுதல் - தோழியுடன் சேர்ந்தே சென்றவன் தனியே செல்லல்
7. தோழியோடு பயிலும் பாங்கு - தோழியோடு ஆடிப்பாடியும் அரவணைத்தும் நடந்துகொள்ளுதலில் மாற்றம்.

ஆகிய ஏழு வகையான நடத்தைகளால் தலைவி தலைவனோடு உடலுறவு கொண்டிருக்கிறாள் என்பதை உணர்ந்துகொள்ள முடியுமாம்.