பிரகீத் எக்னலிகொட

கட்டற்ற கலைக்களஞ்சியமான விக்கிப்பீடியாவில் இருந்து.
தாவிச் செல்லவும்: வழிசெலுத்தல், தேடல்

பிரகீத் எக்னலிகொட (Prageeth Eknaligoda) இலங்கையின் ஊடகவியலாளரும், கேலிச்சித்திர ஓவியரும் ஆவார். சுதந்திர ஊடக அமைப்பைச் சேர்ந்த இவர் லங்காநியூஸ்.கொம் இணையத்தளத்தின் ஊடகவியலாளராகப் பணியாற்றியவர்[1][2]. இவர் இலங்கை அரசுத்தலைவர் தேர்தலுக்கு இரண்டு நாட்களுக்கு முன்னர், 2010, சனவரி 24 ஆம் நாள் இரவு 08:30 மணியளவில் கொஸ்வத்தை என்ற இடத்தில் வைத்துக் காணாமல் போனதாக முறையிடப்பட்டது[3] [4]. இவர் இலங்கை அரசு சார்பானவர்களால் கடத்தப்பட்டதாக அவரது குடும்பத்தினர் நம்புகின்றனர், ஆனாலும் இதனை அரசாங்கள் மறுத்துள்ளது[4].

இரண்டு பிள்ளைகளின் தந்தையான பிரகீத் முன்னொரு தடவையும் கடத்தப்பட்டு விசாரிக்கப்பட்டு விடுவிக்கப்பட்டார்[5]. முன்னாள் இராணுவத் தளபதி சரத் பொன்சேகாவை மையப்படுத்தி "போர் ஒன்றை வெற்றி கொள்வதற்கான இரகசியங்கள்' என்ற 40 நிமிட நேர ஆவணத் திரைப்படத்தைத் தயாரித்தவர்களில் இவரும் ஒருவர்.

எக்னலிகொட காணாமல் போன நிகழ்வை விளக்கி பன்னாட்டு மன்னிப்பு அவை அறிக்கை வெளியிட்டுள்ளது[6]. எல்லைகளற்ற செய்தியாளர்கள் என்ற அமைப்பும் இவரைப்பற்றித் தனது கரிசனையை வெளிப்படுத்தியுள்ளது[3]. கொழும்பு குற்றப்பதிவுத் திணைக்களம் எக்னலிகொட காணாமல் போனமை குறித்து விசாரணைகளை மேற்கொண்டிருந்தது[7]. ஆனாலும் இவர் இதுவரையில் கண்டுபிடிக்கப்படவில்லை.

இவற்றையும் பார்க்கவும்[தொகு]

மேற்கோள்கள்[தொகு]

  1. "Journalist "verschwunden" | Amnesty International Deutschland". Amnesty.de. பார்த்த நாள் 2010-04-02.
  2. Agence France-Presse / Bangkok Post, 25 February 2010. s.5
  3. 3.0 3.1 "Cartoonist kidnapped two months ago still missing". Reporters Sans Frontières (23 March 2010). பார்த்த நாள் 2010-04-02.
  4. 4.0 4.1 Bangkok Post, February 25, 2010. p.5
  5. http://srilankawatch.com/index.php?option=com_content&task=view&id=676&Itemid=1 Disappearance of Media Personage Prageeth Eknaligoda], Sri Lanka Watch, சனவரி 24, 2011
  6. http://www.amnestyusa.org/actioncenter/actions/uaa02410.pdf
  7. Dias, Supun (25 March 2010). "Eknaligoda disappearance: CCD takes over". Daily Mirror. பார்த்த நாள் 2 April 2010.

வெளி இணைப்புகள்[தொகு]

"http://ta.wikipedia.org/w/index.php?title=பிரகீத்_எக்னலிகொட&oldid=1358695" இருந்து மீள்விக்கப்பட்டது